7-13 de octubre
SALMOS 92-95
Purahéi 84 ha ñemboʼe | Ojeʼétava oñepyrũ hag̃ua pe rreunión (1 min.)
1. Jaservi Jehovápe la iporãvéva ikatúva jajapo
(10 min.)
Jehová omerese ñamombaʼeguasu chupe (Sl 92:1, 4; w18.04 26 párr. 5).
Jehová oipytyvõ isiervokuérape odesidi porã ha ovyʼa hag̃ua (Sl 92:5; w18.11 20 párr. 8).
Jehová ovalora umi isiervokuéra ijedávape (Sl 92:12-15; w20.01 19 párr. 18).
EÑEPORANDUMÍNA: “¿Mbaʼépa chejoko añemeʼẽ hag̃ua Jehovápe ha ajevautisa?”.
2. Óro kuʼi oĩva la Bíbliape
(10 min.)
-
Sl 92:5. ¿Mbaʼéichapa heʼíva ko téxto ohechauka porã Jehová iñaranduetereiha? (w09 15/4 15 párr. 3).
-
¿Mbaʼeichagua óro kuʼípa retopa ko semánape?
3. Lektúra bíblica
(4 min.) Sl 94:1-23 (th leksión 5).
4. Ñañepyrũ hag̃ua ñañemongeta
(4 min.) JAPREDIKA OIMEHÁPE. Eñemongeta jave peteĩ persónandi, eheka vaʼerã oportunida emombeʼu hag̃ua chupe mbaʼéichapa eporomboʼe la Biblia (lmd leksión 5 púnto 3).
5. Jajapo rrevisíta
(3 min.) JAPREDIKA OIMEHÁPE. Eofrese peteĩ kúrso bíblico peteĩ persóna oñeinteresávape, péro ndostudiaséi vaʼekuépe anteve (lmd leksión 8 púnto 4).
6. Jajapo disípulo
(5 min.) Eñemongeta ne estudiánte ndoprogresáivandi (lmd leksión 12 púnto 5).
Purahéi 5
7. Umi imitãva oñekevrantaiterei jave
(15 min.) Eanalisa ermanokuérandi.
Jaservi haguére Jehovápe ndeʼiséi ndajarekomoʼãiha mbaʼeve ñandepyʼapýva. Por ehémplo, David ojepyʼapyeterei vaʼekue heta vése ha koʼág̃arupi avei heta ñane ermánore oiko upéicha (Sl 13:2; 139:23). Ñambyasýramo jepe, umi imitãva jepe oñekevrantaiterei avei. Sapyʼánte ikatu okevranta chupekuéra umi mbaʼe ojapóva jepi káda día, por ehémplo oho eskuéla térã koléhiope, ha rreunionhápe jepe. Ikatu voi upevakuére omeʼẽ chupekuéra atáke de pániko térã opensáma ojesuisidávo.
Mitãrusukuéra, oiméramo pejepyʼapyeterei peikóvo, pemombeʼúkena pende tuakuérape térã ótra persóna majór de konfiánsape. Aníkena penderesarái pejerure hag̃ua avei ajúda Jehovápe (Flp 4:6). Haʼe ningo katuete penepytyvõta (Sl 94:17-19; Is 41:10). Jahechamína Steing ehémplo.
Ehechauka pe VIDÉO Jehová oñeinteresa cherehe. Upéi eporandu:
• ¿Mbaʼe téxtopa oipytyvõ vaʼekue Stéingpe, ha mbaʼérepa?
• ¿Mbaʼéichapa Jehová oñangareko raʼe hese?
Tuakuéra, peipytyvõkena pene famíliape ogueropuʼaka hag̃ua umi mbaʼe oipyʼapýva chupekuéra. Upearã penepasiénsiakena ha pejapysaka hesekuéra. Pejékena pene famíliape pehayhuha chupekuéra, ha peipytyvõ avei oñekonvense hag̃ua Jehová ohayhuha chupekuéra (Tit 2:4; Snt 1:19). Pejeroviákena Jehová penekonsola ha penemombaretetaha ikatu hag̃uáicha peipytyvõ pene familiakuérape.
Ikatu ningo ndajaikuaái mávapa kongregasiónpe oñekevrantaháre oiko hína térã ndajaikuaái mbaʼéichapa oñeñandu. Upéicharõ jepe, ikatu ñaipytyvõ enterovépe kongregasiónpe jahechaukávo jahayhuha ha ñaikotevẽha hesekuéra (Pr 12:25; Heb 10:24).
8. Estúdio bíblico kongregasionpegua
(30 min.) bt kap. 16 párr. 6-9, ha rrekuádro oĩva páh. 150-pe.
