Satanás oipota jaiporu pe magia. Heta tapicha ojapo sacrificio umi ijypykuépe térã espiritukuérape ani hag̃ua ojapo mbaʼe vai hesekuéra. Ojapo upéicha okyhyjégui umi espíritugui. Koʼã tapicha ogueraha kuãirũ térã pulsera ikurundúva. Hoʼu “pohã” térã oipichy hetére oimoʼãgui oguerekoha poder. Oĩ avei oñongatúva hógape térã oñotýva umi mbaʼe ohaʼarõgui oñangareko hese. Oĩ katu oiporúva umi “pohã” ipajéva oimoʼãgui oipytyvõtaha chupe negociokuérape, escuélape térã omenda hag̃ua.

Jajeprotege hag̃ua Satanásgui jaikovaʼerã Jehová amigo ramo. Ñandejára ha umi ángel oĩva hendive imbareteve Satanás ha idemoniokuéragui (Santiago 2:19; Revelación 12:9). Jehová oiporuse ipoder oipytyvõ hag̃ua iñamigokuérape, umi ohayhúva añetehápe chupe (2 Crónicas 16:9).

Ñandejára Neʼẽ heʼi: “Ani pejapo paje”. Jehová ocondena magia ha paje ikatúgui koʼã mbaʼe ñanemoĩ Satanás el Diablo poguýpe (Levítico 19:26).