Jesucristo haʼe Jehová Raʼy ha iñamígo ohayhuvéva. Ou mboyve kuimbaʼéicha ko Yvy ape ári, Jesús oikovaʼekue yvágape, tekove espiritual mbaretéicha (Juan 17:5). Upe rire ou ko Yvýpe omboʼe hag̃ua yvypórape Ñandejáragui (Juan 18:37). Avei, omeʼẽ hekove osalva hag̃ua pecado ha ñemanógui umi tapicha iñeʼẽrendúvape (Romanos 6:23). Jesús haʼe koʼág̃a Rey Ñandejára réinogui, peteĩ gobierno yvagapegua ojapótava ko Yvýgui peteĩ vyʼa renda (Revelación 19:16).

Umi ángel haʼe avei Ñandejára amigokuéra. Umi ángel noñepyrũi hekove yvypóraicha. Ko Yvy ojejapo mboyve, Ñandejára ojapovaʼekue chupekuéra yvágape (Job 38:4-7). Oĩ hetaiterei ángel (Daniel 7:10). Koʼã amigo oguerekóva Ñandejára yvágape oipota tapichakuéra oikuaa pe añetegua Jehovágui (Revelación 14:6, 7).

Ñandejára avei oguereko amigo ko Yvy ape ári; ohenói chupekuéra itestígo. Peteĩ testigo oĩva tribunálpe omombeʼu oikuaáva hapichágui térã peteĩ mbaʼégui. Testigos de Jehová oñeʼẽ hapichápe Jehovágui ha ipropósitogui (Isaías 43:10). Ojapoháicha umi ángel, Testigokuéra avei nepytyvõse reikuaa hag̃ua añetegua Jehovágui. Oipota oiko avei ndehegui Ñandejára amigo.