PÁRTE 1
Ojekuaa hetave mbaʼe pe Rréinogui: Hesakã la Biblia heʼíva
REHECHA mbaʼeichaitépa ovyʼa ne estudiánte ontendévo pe téxto pelee ramoitéva. Haʼe heʼi: “¡Upéicharõ piko nde ere ikatutaha jaiko opa ára g̃uarã ko yvy ape ári!”. Pe ermáno nemoirũva opukavy ha heʼi chupe: “Guéno, ¿mbaʼe heʼi pe téxto relee vaʼekue angetete?”. Pe estudiánte ohecharamoiterei upéva ha heʼi: “Ni ndaroviaséingo. Chéve ningo avave ndeʼíriva ko mbaʼe”. Upévo nemanduʼa pe semána ohasa vaʼekuépente heʼi hague avei péicha, oaprende ramórõ guare Ñandejára réra haʼeha Jehová.
Oiko jave ñanderehe péicha ñanemanduʼa porãiterei oñemeʼẽ hague ñandéve peteĩ rregálo ijojahaʼỹva: ñantende mbaʼépa añetehápe omboʼe la Biblia. Péro, ¿mbaʼéicha rupípa ikatu ñantende porã koʼág̃a? Ko pártepe ñambohováita upéva. Mbeguekatúpe oñemyesakã ohóvo Ñandejára puévlope umi mbaʼe la Biblia omboʼéva ha upéva ohechauka Ñandejára Rréino añetehápe oexistiha. Ojapóma hína cien áño Rréi Jesucristo ombaʼapo memeha ikatu hag̃uáicha Ñandejára puévlo oikuaa la Biblia omboʼéva.
KO PÁRTEPE
KAPÍTULO 3
Jehová oikuaauka hembipota
¿Iñepyrũmby guivépa Ñandejára omoĩse vaʼekue Irréino? ¿Mbaʼéichapa Jesús omyesakã heta mbaʼe pe Rréinogui?
KAPÍTULO 4
Jehová ombotuicha héra
¿Mbaʼépa ojapo pe Rréino Ñandejára réra rehehápe? ¿Mbaʼépa nde rejapokuaa rembotuicha hag̃ua Jehová réra?
KAPÍTULO 5
Pe Rréi oikuaauka heta mbaʼe pe Rréinogui
Reikuaasépa mbaʼépa Ñandejára Rréino, mávapa umi oĩva ipoguýpe ha mbaʼépa rejapo vaʼerã reñemoĩ hag̃ua pe Rréino ládo