OĨ PETEĨ ne vesíno ojesareko meméva nderehe ha ne famíliare. Peteĩ día rehasa ha resaluda chupe. Haʼe ndesaluda ha nerenói. Upévo heʼi: “¿Ikatu piko aporandu ndéve álgo? Aikuaase mbaʼérepa peẽ ndapejoguaiete umi ótro héntepe”. Nde reporandu chupe mbaʼérepa heʼi upéicha, ha haʼe heʼi: “Peẽngo testígo de Jehová, ¿ajépa? Pene rrelihión ningo idiferenteterei. Ndapefestehái navida umíva, ndapeikéi polítikape ha ndapehói gerrahápe. Pende apytépe ndaipóri opitáva ha pene família siémpre ojeporta porã. ¿Mbaʼéicha rupi péicha penediferentete?”.

Ñande jaikuaa ndajajoguaiha umi ótrope jaiko rupi Ñandejára goviérno poguýpe. Jesús hína pe rréi ha haʼe akóinte ñanepytyvõ ñanderekopotĩ ha jaguata hag̃ua ipyporére. Upévare ñanediferénte ko múndo añágui. Ko pártepe jahecháta mbaʼéichapa pe Rréino oipytyvõ Ñandejára puévlope omboyke hag̃ua umi enseñánsa japu, hekopotĩ ha avei ombaʼapo hag̃ua hekoitépe kongregasiónpe. Opa koʼã mbaʼe ojejapo oñembotuicha hag̃ua Jehovápe.