Ehémplo porã: Job

Job opyta anga ipo iñakã ári. Operdepaite orekomíva guive, omanomba chugui ifamília ha ojagarra chupe peteĩ mbaʼasy vai. Koʼã mbaʼe oiko peteĩ tesapirĩme ha haʼe ohaʼarõʼỹve jave. Ndoikuaáigui mbaʼépa ojapóta heʼi: “Chekuerái che rekovégui”. Mbaʼérepa? “Ñemotĩ ha jehasa asy omyenyhẽgui che rekove” (Job 10:1, 15, ÑÑB). Ohasa asýramo jepe nomboykéi Ñandejárape, ha ndohejái umi mbaʼe okambia chupe. Job ohechauka ñandéve ikatuha jagueropuʼaka opa mbaʼe ijetuʼúva ha akóinte ñaneñeʼẽrendu Ñandejárape (Job 2:10).

Sapyʼánte ikatu ‘ndekueráima’ opa mbaʼégui. Péro nde avei ikatu regueropuʼaka ha nderehejái mbaʼeve nemomombyry Jehovágui. Santiago heʼivaʼekue ovyʼaiteha umi oaguantáva ohasa asy jave. Mbaʼérepa? Haʼe ohai: ‘Pehendúma mbaʼéichapa Job ohasa asy vaʼekue ha ohaʼarõkuaa Ñandejára oipytyvõ meve chupe. Ipyʼaporãgui Jehová oiporiahuvereko ha omyengovia chupe’ (Santiago 5:11, ÑÑB). Ojapo haguéicha Job ndive, Jehová katuete oñangarekóta nderehe.