KAPÍTULO 13

Mbaʼépa ajapóta añeñandu vai jave?

“Che angirũnguéra oikuaa iprovléma jave ajapotaha oimeraẽ mbaʼe oĩ porã jey hag̃ua hikuái, péro haʼekuéra ndoikuaaiete aime jave cheaño cherasẽha avei.” (Kelly)

“Ndavyʼái jave cheañónte aĩse. Oĩrõ cheinvitáva asẽ hag̃ua, oimeraẽ mbaʼe haʼe pono aha. Añehaʼã ani ojekuaa añeñandu vaiha, ha ni che rogaygua ndopillái la oikóva.” (Ricardo)

OIMÉRAMO reñeñandu avei péicha ani rejepyʼapyeterei. Sapyʼánte ñanekoʼẽnte voi ndajavyʼái. La Bíbliape jatopa heta oservivaʼekue Ñandejárape oñeñandu vai hague avei (1 Samuel 1:6-8; Salmo 35:14).

 Ikatu oime ni ndereikuaái mbaʼérepa reñeñandu vai. Ana orekóva 19 áño heʼi: “Heta vése ndereikuaái mbaʼérepa nderevyʼái, naneprovlemái péro ndaigústoi ndéve mbaʼeve. Ha heta oĩ nontendéiva upéva”.

Jahechamína mbaʼépa ikatu rejapo nderevyʼavéiramo:

1. Emombeʼu upe reñandúva. Job heʼivaʼekue: “Añohẽta tosyry che ñembyasy” (Job 10:1).

“Tuicha chembopyʼaguapy oĩrõ peteĩ cherendúva ha ontendéva upe ahasáva. Haʼete voi ku cheguenohẽva pe yvykua aĩhágui.” (Kelly.)

Ehai peteĩ ne amígo réra remombeʼukuaávape upe rehasáva.

․․․․․

2. Ehai mbaʼéichapa reñeñandu. Rréi David ojapovaʼekue péicha, heta sálmope jalee mbaʼéichapa haʼe oñeñanduvaʼekue (Salmo 6:6). Rehaírõ upe reñandúva nepytyvõta ‘neakãguapy ha nearandu’ hag̃ua, koʼýte nderejeroviavéiramo osẽ porãne hag̃ua ndéve umi mbaʼe rejapóva (Proverbios 3:21).

“Ndavyʼaieterõhína nantendevéima la ojehúva chéve. Péro ahaírõ pe añandúva chepyʼaguapy ha ahechakuaáma mbaʼérepa añeñandu upéicha.” (Elena.)

Reiporukuaa rrekuádro oĩva  páhina 93-pe, rehecha hag̃ua ikatúva rejapo pono reñeñandu vaieterei rehasa jave peteĩ mbaʼe ijetuʼúva.

3. Eñemboʼe Jehovápe. La Biblia ningo opromete voi: ‘Ñandejára omeʼẽne peẽme  ipyʼaguapy, oñangarekótava pende pyʼapy ha pene remiandúre’ (Filipenses 4:6, 7).

“Peteĩ tiémpore ndaikuaái mbaʼérepa ndavyʼaveiete ha ndaigustovéi chéve aiko upéicha. Upémarõ añemboʼe Jehovápe, ajerure chupe tachepytyvõ avyʼa hag̃ua ha upépe ae chepyʼaguapyve. Ahechakuaa ndovaleiha ñapensa pe ñemboʼe nañanepytyvõiha mbaʼevépe.” (Ester.)

Elee Salmo 139:23, 24 ha nemanduʼa hese reñemboʼe jave. Emombeʼu Jehovápe reñandúva guive ha ejerure chupe tanepytyvõ rentende hag̃ua mbaʼérepa nderevyʼavéi.

Nemanduʼáke avei Ñandejára Ñeʼẽ ikatuha nepytyvõ. Rejepyʼamongetárõ umi ehémplo porã oĩvare ipype katuete nekyreʼỹta (Salmo 1:1-3). Upearã reiporukuaa umi párte heʼíva “Ehémplo porã” osẽva ko lívrope ha Volúmen 2-pe. Pór ehémplo Volúmen 2, páhina 227 ohechauka apóstol Pablo heta vése ikangy hague ojavy rupi, ha mbaʼépa ojapo oñeñandu porã hag̃ua.

Ndojehasái jave ndehegui pe vyʼaʼỹ

Raúl omombeʼu: “Heta vése ni che rupágui napuʼãséi”.  Umi doktór ningo heʼi Raúlpe orekoha depresión, ha upéva ojagarra jepi heta mitãrusu ha mitãkuñáme. Peteĩ estúdio ohechauka 4 mitãrusu apytégui, peteĩva ikatuha oreko depresión.

Mbaʼéichapa nde ikatu reikuaa ndahaʼéipa depresión upe erekóva hína? Péicha oñeñandu jepi umi mitãrusu orekóva depresión: oĩ porãitehágui oñembyaiete ha ndovyʼavéi, haʼeñónte oĩse, ndoúi ni ndohói chupe mbaʼeve, otopávante hoʼu, térã ndokarusevéi voi, okehárente oiko térã  ndokevéi, ndojeroviái ijehe ha oimoʼã ndovaleiha mbaʼeverã.

Sapyʼánte reñeñandútante voi péicha, péro ipukúramo iporãta rejerure nde tuvakuérape peho hag̃ua doktórpe. Haʼekuéra ikatu nepytyvõ reikuaa hag̃ua mbaʼérepa nanekyreʼỹvéi térã nderevyʼavéi. a

Umi doktór heʼírõ ndéve erekoha depresión, ndaipóri mbaʼérepa retĩ hag̃ua. Oĩ heta tiémporema ogueropuʼakáva ko mbaʼasy, ha koʼág̃a oñeñandu porãvéma osegi rupi peteĩ tratamiénto. Oimérõ reñeñandu vaínte térã reñedeprimi nemanduʼáke Salmo 34:18 (NM) heʼívare: ‘Jehová oñemoag̃ui umi ohasa asývare ha oguenohẽ jejopy vaígui umi ikangývape’.

PE KAPÍTULO OÚVAPE

Repensápa ikuentaveha remano nderevyʼái ha reñeñandu vaietereígui?

[Nóta]

TÉYSTO OĨVA LA BÍBLIAPE

‘Jehová oñemoag̃ui umi ohasa asývare ha oguenohẽ jejopy vaígui umi ikangývape.’ (Salmo 34:19; 34:18, NM)

PETEĨ KONSÉHO

Ehai mbaʼéichapa reñeñandu ha mbaʼéicha rupípa reime upéicha. Un més rire elee jey upe rehaivaʼekue ha ehecha reñeñandu porãmiémapa. Upéi eanota umi mbaʼe nepytyvõvaʼekue.

REIKUAÁPARAʼE?

Kuimbaʼekuéra hasẽ avei. Ohasa asyetérõ guare, rréi David heʼivaʼekue: ‘Káda pyharekue ajaheʼo, tesaýpe amoheʼõmba che rupa’ (Salmo 6:6, ÑÑB).

UMI MBAʼE AJAPÓTAVA!

Añeñandu porãve hag̃ua ajapóta koʼã mbaʼe: ․․․․․

Añeñandu porãvéta ajeheʼáramo koʼã che amigokuérare: ․․․․․

Mbaʼépa aporanduse che ru térã che sýpe ko témare? ․․․․․

NDÉPA MBAʼE ERE?

● Mbaʼérepa iporã ñanerasẽ?

● Mbaʼéichapa nepytyvõta ani hag̃ua reñeñandu vaieterei reñehaʼãramo nereĩméi neaño?

[Komentário oĩva páhina 96-pe]

“Ndavyʼáirõhína añehaʼãmbaitevaʼerã ani hag̃ua añemomombyry che amigokuéragui. Aĩsérõ jepe cheaño apensa ha cherasẽ hag̃ua, ahechakuaa iporãveha aime hendivekuéra pono apensaiterei upe ahasávare”. (Cristina)

 [Taʼanga ha informasión oĩva páhina 93-pe]

 Rekompleta hag̃ua

Mbaʼépa ajapóta añeñandu vaíramo

Ekompleta hag̃ua

Oikóva

Peteĩ che profesór heʼi ndajapoporãiha mbaʼeve

Péicha ajapo vaíta

Ndajapovéi mbaʼeve omeʼẽ jave ikláse

Péicha ajapo porãta

Nepytyvõkuaa Kapítulo 20

Oikóva

Peteĩ che amígo noñeʼẽvéi chéve

Péicha ajapo vaíta

Añepyrũ akopi hese

Péicha ajapo porãta

Nepytyvõkuaa Volúmen 2, Kapítulo 10

Oikóva

Che tuvakuéra ojedivorsiáta

Péicha ajapo vaíta

Chepochy hendivekuéra

Péicha ajapo porãta

Nepytyvõkuaa Kapítulo 4

Oikóva

․․․․․

Péicha ajapo vaíta

․․․․․

Péicha ajapo porãta

․․․․․

Oikóva

․․․․․

Péicha ajapo vaíta

․․․․․

Péicha ajapo porãta

․․․․․

[Taʼanga oĩva páhina 95-pe]

Katuete resẽta upe yvykua reĩhágui reñehaʼã ha rehejáramo ótro nepytyvõ