Informasión iñimportánteva
RREUNIÓN OJEJAPÓTAVA
ESKUÉLA OÑEMBOKATUPYRYVE HAG̃UA UMI OPREDIKÁVAPE. Domingo kaʼaru ojejapóta peteĩ rreunión umi ohosévape g̃uarã ko eskuélape, ha oñeinvita umi prekursór orekóvape éntre 23 ha 65 áño oho hag̃ua ko rreuniónpe. Platafórma guive oñeanunsiáta moõ ha mbaʼe órapa ojejapóta.
INFORMASIÓN IÑIMPORTÁNTEVA
AKOMODADORKUÉRA. Umi akomodadór oĩ ñanepytyvõ hag̃ua, upévare jajapókena haʼekuéra heʼíva ñamohendáta vove ñande veíkulo estasionamiéntope, jahekávo ñane asientorã térã ótra kósa haʼekuéra ojeruréva ñandéve.
ASIENTOKUÉRA. Ñanembaʼerechakuaákena ñande rapichakuéra ndive. Ani jaheja reínte mbaʼeve umi sílla ári, péicha umi ótra persóna ikatúta ohecha oĩha lívre umi asiénto. Ñanemanduʼa vaʼerã ikatuha jarreserva asiénto ñande rogayguakuérape, ñane estudiántepe, umi oúvape ñanendive ñande veíkulope, térã ñane familiakuérape g̃uarãnte.
KONTRIVUSIÓN. Heta ningo ojegasta ojejapo hag̃ua ko aty guasu ñanepytyvõtava ñañemoag̃uive hag̃ua Jehováre. Por ehémplo, oñekonsegi vaʼerã asiénto, ekípo de vidéo ha sonído, ha hetave mbaʼe. Upévare ko aty guasúpe jatopáta heta káha ikatuhápe ñamoĩ ñane kontrivusión. Pe pláta oñemoĩva koʼã káhape ojepurúta ojepaga hag̃ua umi gástore, ha avei ojepredika hag̃ua opárupi. Oñemombaʼeterei pendepojera haguére, ha Kuérpo Governánte oagradese peẽme.
OBJETOS PERDIDOS. Petopáramo peteĩ mbaʼe okañýva, pegueraha vaʼerã ko departaméntope. Ha okañýramo pendehegui peteĩ mbaʼe, ikatu peho peheka upépe. Pehechakuaárõ peteĩ mitã okañy ha ndotopaveiha ituakuérare, ikatu avei pegueraha upépe. Upéicharõ jepe, ko departaménto noĩri oñangareko hag̃ua mitãre. Tuakuéra, peñangarekókena pene famíliare ha ani peheja oho mombyry pendehegui.
PRIMEROS AUXILIOS. Ñanemanduʼákena ko departaménto oĩha oñatende hag̃ua OĨ JAVE EMERHÉNSIANTE.
VAUTÍSMO. Oñemoĩta chupekuéra iñasientorã platafórma renondépe. Umi ojevautisátava oguapy vaʼerã pe lugár ojerreservahápe chupekuéra oñepyrũ mboyve pe diskúrso de vautísmo, ojejapótava sábado pyhareve. Enterovéva ogueru vaʼerã ao idesénteva ha peteĩ toálla.
VOLUNTÁRIO. Reipytyvõséramo ko aty guasu aja, rehokuaa reñeʼẽ umi ombaʼapóvandi Departamento de Información y Servicio Voluntáriope. Upépe ojeʼéta ndéve mbaʼépa ikatu rejapo.
Oprepara Cuerpo Gobernante de los Testigos de Jehová
