¿Ndépa nemanduʼa jepi mbaʼéichapa rehasa porã vaʼekue reimérõ guare ermanokuérandi? Por ehémplo, ikatu oime nemanduʼa peteĩ experiénsia porã rehasa vaʼekuére predikasiónpe, peteĩ rreunión nemokyreʼỹ vaʼekuére, peteĩ asambléa neporãvare, térã peteĩ konversasión igústova ereko vaʼekuére peteĩ ermánondi. Oiméramo nemanduʼa koʼã mbaʼére, upéva ohechauka nanderesarairiha Jehovágui. Haʼe avei ndahesaráiri ndehegui ha siémpre imanduʼa mbaʼéichapa reservi vaʼekue chupe. Upévare haʼe nepytyvõseterei reñemoag̃ui jey hag̃ua hese.

Jehová heʼi: “Chete voi aháta aheka umi che ovechami okañy vaʼekuépe ha añangareko porãta hesekuéra. Ojapoháicha peteĩ pastór [...], aháta aheka umi lugár isarambi haguépe hikuái ha arreskata jeýta chupekuéra” (Ezequiel 34:11, 12).