Ko seksiónpe jahecháta umi rreláto oĩva Escrituras Griegas Cristiánaspe. Jahecháta Jesús onase hague peteĩ família imboriahúvape, oiko hague hikuái peteĩ puevloʼípe ha ombaʼapo hague itúandi karpinteríape. Jesús haʼe ñande Salvadór pórke Jehová voi oiporavo chupe ogoverna hag̃ua Irréinope yvágape. Erekóramo mitã, eipytyvõ chupe ohechakuaa hag̃ua Jehová oiporavo porã hague pe família omongakuaátava Jesúspe, ikatu hag̃uáicha oiko umi hénte omombaʼévandi Jehovápe ha osẽ porã hag̃ua. Emombeʼu avei ne famíliape Jehová oprotehe hague Jesúspe Herodes ojukasérõ guare chupe. Eexplika porã chupe ndaiporiha mbaʼeve ojoko vaʼerã Jehovápe okumpli hag̃ua ivolunta. Emombeʼu avei chupe Jehová oiporavo hague Juánpe oprepara hag̃ua pe tape Jesús ou hag̃ua.  Eexplika chupe mbaʼéichapa Jesús imitã guive ohechauka vaʼekue omombaʼeha opa mbaʼe Jehová omboʼéva chupe.