Mbaʼérehepa oñeñeʼẽta seksión 12-pe
Jesús oñeʼẽ vaʼekue Ñandejára Rréinore. Haʼe omboʼe vaʼekue la héntepe oñemboʼe jave ojerure hag̃ua oñemopotĩ hag̃ua Ñandejára réra, ou hag̃ua Irréino ha ojejapo hag̃ua ivolunta ko yvy ape ári. Erekóramo mitã, eipytyvõ chupekuéra ontende hag̃ua mbaʼérepa iñimportánte ojerure hikuái umi mbaʼe oñemboʼe jave. Jesús ndohejái vaʼekue Satanás omoñuhã chupe odesovedese hag̃ua Itúape, síno ohechauka Ñandejárape añoite jaadora vaʼerãha. Jesús oiporavo vaʼekue ijapostolrã umi kuimbaʼe oipytyvõtava chupe Irréinope. Haʼe oipytyvõseterei vaʼekue umi héntepe, upévare omonguera hasývape, omongaru umi iñembyahýivape ha omopuʼã jey omano vaʼekuépe. Umi milágro Jesús ojapo vaʼekue ohechauka umi mbaʼe Ñandejára Rréino ojapótava yvyporakuéra rehehápe.
KO PÁRTEPE
LEKSIÓN 75
Satanás omoñuhãse vaʼekue Jesúspe
Satanás tres vése oñehaʼã omoñuhã Jesúspe. ¿Mbaʼe mbaʼépa ojapo omoñuhã hag̃ua chupe? ¿Mbaʼéichapa Jesús okontesta Satanáspe?
LEKSIÓN 76
Jesús ohechauka omombaʼeha pe témplo
¿Mbaʼérepa Jesús ojagarra peteĩ pióla ha omondýi umi ovecha ha vakakuéra osẽ hag̃ua pe témplogui? ¿Mbaʼérepa otumbapa umi kambísta mesa?
LEKSIÓN 77
Jesús oñemongeta peteĩ kuñakaraíndi peteĩ póso mátape
¿Mbaʼérepa peteĩ kuñakarai samaritana oñesorprende Jesús oñeʼẽrõ guare chupe? Jesús omombeʼu chupe peteĩ mbaʼe nomombeʼúiva gueteri avavépe, ¿mbaʼépa upéva?
LEKSIÓN 78
Jesús opredika umi notísia oñeʼẽva Ñandejára Rréinore
Jesús oinvita idisipulokuérape opredika hag̃ua hendive. Upéi oiporavo 70-pe opredika hag̃ua umi notísia porã oñeʼẽva Ñandejára Rréinore.
LEKSIÓN 79
Jesús ojapo heta milágro
Jesús ohohápente umi hasýva ojerure chupe ajúda ha haʼe omonguerapaite chupekuéra. Peteĩ mitãkuñaʼípe jepe omoingove jey vaʼekue.
LEKSIÓN 80
Jesús oiporavo umi 12 apóstolpe
¿Maʼerãpa oiporavo chupekuéra Jesús? ¿Nemanduʼápa mbaʼéichapa héra hikuái?
LEKSIÓN 82
Jesús omboʼe idisipulokuérape mbaʼéichapa oñemboʼe vaʼerã
¿Mbaʼe mbaʼépa Jesús heʼi idisipulokuérape osegi hag̃ua ojerure?
LEKSIÓN 86
Jesús omoingove jey Lázarope
Jesús ohechávo María hasẽha, opokoiterei hese ha hasẽ avei. Péro upéi ojapo peteĩ milágro ombovyʼaitereíva María ha Mártape.