Mbaʼérehepa oñeñeʼẽta seksión 2-pe
¿Mbaʼérepa yma Jehová ombou vaʼekue peteĩ dilúvio térã ama guasu ohundi hag̃ua umi héntepe? Adán ha Eva opuʼã guive Ñandejárare, oĩma ojapóva ivaíva. Por ehémplo, Adán, Eva ha Caín odesidi ojapo umi mbaʼe ndogustáiva Ñandejárape. Péro oĩ vaʼekue avei ojapóva iporãva, umíva apytépe oĩ Abel ha Noé. Péro la majoría umi hénte iñañaiterei vaʼekue ha ojapo heta mbaʼe vai, upévare Jehová ohundipaite chupekuéra. Ko seksiónpe jahecháta Jehová oikuaa porãitereiha opa mbaʼe jajapóva, tahaʼe ivaíva ha iporãva, ha jahecháta avei katuete ohunditaha umi ojapóvape mbaʼe vai.
KO PÁRTEPE
LEKSIÓN 3
Adán ha Eva naiñeʼẽrendúi Ñandejárape
¿Mbaʼérepa idiferénte vaʼekue pe yvyramáta oĩva pe hardín de Edén mbytépe? ¿Mbaʼérepa Eva hoʼu pe frúta ojeproivi vaʼekue chuguikuéra?
LEKSIÓN 4
Ipochyeterei ha ojuka iñermánope
Jehovápe ogustaiterei Abel ofrénda, péro Caín mbaʼéva katu ndoguerohoryiete. Upévare Caín ipochy ha ojapo peteĩ mbaʼe ivaietereíva.
LEKSIÓN 5
Noé ojapo peteĩ árka
Umi ánhel aña omenda umi kuñáre ha ifamiliakuéra imbarete ha iviolentoiterei. Noé katu idiferénte umi hénte upe tiempopeguágui, haʼe ohayhu vaʼekue Jehovápe.
LEKSIÓN 6
Ocho persóna ojesalva
Cuarenta díare oky de día ha pyharekue. Mas de un áño opyta kuri Noé ha ifamiliakuéra pe árkape ha upéi osẽ sapyʼa hikuái.