PÁRTE 3
¿Mbaʼéichapa Adán ha Eva oiko vaʼekue pe paraísope?
Jehová omeʼẽ vaʼekue Adán ha Évape opa mbaʼe oikotevẽva. Génesis 1:28
Jehová ojapo pe primer kuñáme, hérava Eva, ha omeʼẽ Adánpe hembirekorã (Génesis 2:21, 22).
Jehová okrea Adán ha Évape perfékto, haʼekuéra ndorekói vaʼekue ni peteĩ defékto.
Haʼekuéra oiko vaʼekue peteĩ hardín neporãva héravape Edén. Upe lugárpe oĩ vaʼekue peteĩ rrío, heta animál ha umi yvyramáta heta hiʼáva.
Jehová oñeʼẽ vaʼekue Adán ha Évape ha ohekomboʼe chupekuéra. Iñeʼẽrendúrire oikóta kuri hikuái pára siémpre pe paraísope ko yvy ape ári.
Umi yvyramáta apytégui Ñandejára heʼi chupekuéra ani hag̃ua hoʼu peteĩva. Génesis 2:16, 17
Jehová ohechauka Adán ha Évape peteĩ yvyramáta, ha heʼi chupekuéra ndovaleiha hoʼu hiʼa, pórke ojapóramo upéva omanóta.
Peteĩ ánhel opuʼã Ñandejárare. Upe ánhel aña haʼe hína Satanás.
Satanás ndoipotái Adán ha Eva iñeʼẽrendu Ñandejárape, upévare haʼe oipuru peteĩ mbói oñeʼẽ hag̃ua Évape. Heʼi chupe hoʼúramo pe frúta nomanomoʼãiha, síno ojoguataha Ñandejárape. Jahechaháicha, Satanás tuicha ijapu chupe (Génesis 3:1-5).
Koʼã téma ikatu ndegusta avei
UMI MBAʼE IÑIMPORTANTEVÉVA OMBOʼÉVA LA BIBLIA
¿Mbaʼérepa Ñandejára ojapo ko yvy?
Ko ñande yvy ningo iporãiterei. Ñandejára omoĩ chupe medidaitépe pe kuarahýgui, ha ojapo chupe ojere hag̃uáicha medídape porã avei. ¿Mbaʼérepa Ñandejára hetaite ombaʼapo ojapo porã hag̃ua ko ñane planéta?
LA BIBLIA: MBAʼÉPA OIKUAAUKA ÑANDÉVE?
Ñandejára omeʼẽ yvyporakuérape peteĩ hardín
¿Mbaʼéichapa Ñandejára ojapo vaʼekue yvyporakuérape? ¿Mbaʼépa heʼi vaʼekue Adán ha Évape ojapo hag̃ua?
