Jesús ojapo vaʼekue heta mbaʼe, por ehémplo ombaʼapo karpinteríape, ojapo milágro ha omonguera hasývape. Upéicharamo jepe naherakuãi opárupi ojapokuaa haguére koʼã mbaʼe, síno omboʼekuaaiterei rupi. Haʼe omotenonde ko tembiapo opa mbaʼe ári, oñehenói voi chupe Mboʼehára ha akóinte “omboʼe [...] ha omombeʼu umi notísia porã” (Mateo 4:23). Ñande ningo Jesús segidór, upévare tekotevẽ avei jajapo ko tembiapo porãite asy. Ko pártepe ñahesaʼỹijóta ñane mboʼehára ehémplo, jaikuaa hag̃ua mbaʼéichapa ikatu jajapo hekopete ko tembiapo.