LEKSIÓN 10
¿Mbaʼéichapa nepytyvõta umi testígo de Jehová rreunionkuéra?
¿Oĩmapa neinvitáva reho hag̃ua koʼã rreuniónpe? Oimérõ neʼĩraiti, ikatu hína rekyhyje lénto reho hag̃ua. Oiméne reikuaase: “¿Mbaʼe ojejapo umi rreunionhápe? ¿Mbaʼérepa iñimportantete? ¿Tekotevẽ piko aha katuete?”. Ko leksiónpe ñaaprendéta mbaʼérepa umi rreunión iñimportanteterei reñemoag̃ui hag̃ua Ñandejárare ha mbaʼéichapa umíva ideprovechóta ndéve.
1. ¿Mbaʼépa la rrasón iñimportantevéva jaha hag̃ua rreunionhápe?
Rréi David omombeʼu ñandéve upéva, heʼívo: “Amombaʼeguasúta Jehovápe pe aty guasúpe” (Salmo 26:12). Koʼág̃arupi avei, umi testígo de Jehová ovyʼaiterei ikatu jave oñembyaty oñondive. Oparupiete ko múndope, káda semána haʼekuéra oñembyaty oadora hag̃ua Ñandejárape, por ehémplo opurahéi ha oñemboʼe oñondive. Ha unas kuánta vése al áño ojapo hikuái umi rreunión tuichavéva oĩhápe hetaitereive hénte.
2. ¿Mbaʼépa reaprendéta umi rreunionkuérape?
Upépe ningo prinsipálmente ojestudia la Biblia, oñemyesakã porã Ñandejára Ñeʼẽ ha ‘ojeexplika mbaʼépa heʼise umi mbaʼe heʼíva’ (elee Nehemías 8:8). Umi rreunionhápe reaprendevéta Jehovágui, ha umi kualida porãite haʼe orekóva. Ha rehechávo mbaʼeichaitépa haʼe nderayhu, katuete reñemoag̃uivéta hese. Avei upépe reaprendéta mbaʼéichapa haʼe ikatu nepytyvõ revyʼa hag̃ua nde rekovépe (Isaías 48:17, 18).
3. ¿Mbaʼéichapa nepytyvõta umi ótro ohóva avei rreunionhápe?
Hebreos 10:24, 25-pe Jehová heʼi mbaʼépa oipota jajapo: “Ñañeinteresákena ojuehe ñande pyʼaite guive, ha ñañomokyreʼỹ japorohayhu hag̃ua ha jajapo hag̃ua iporãva”. Ha heʼi avei ani hag̃ua jafalta umi rreuniónpe. Upépe reikuaáta heta hénte ojoayhu ha ojepyʼapývape ojuehe, ha ndéicha avei oikuaa porãsevéva Ñandejárape. Avei rehendúta umi diskúrso, komentário ha umi konversasión tahaʼe oñepyrũ mboyve térã opa rire, ha umíva katuete nemokyreʼỹta (elee Romanos 1:11, 12). Avei ikatúta reikuaa hetave persónape, ha eikuaáta mbaʼéichapa ombohovái hína hikuái umi provléma oguerekóva. Opa koʼã mbaʼére ningo igustoiterei umi rreunión, ha upépe Jehová omeʼẽta ndéve hetaitereive mbaʼe. ¡Ehomína ndete ehecha!
EJEPYʼAMONGETAMÍNA
Jahechamína mbaʼépa ojejapo umi rreunionkuérape, ha avei mbaʼérepa ideprovéchota ndéve reñehaʼãmbaitéramo reho.
4. Umi rreunión ojapóva umi Testígo
Oñepyrũrõ guare pe kongregasión kristiána, haʼekuéra ojepokuaa vaʼekue oñembyaty meme oadora hag̃ua Jehovápe (Romanos 16:3-5). Elee Colosenses 3:16, ha upéi erresponde ko porandu:
-
Según pe téxto, ¿mbaʼéichapa pe kongregasión kristiána oadora vaʼekue Jehovápe?
Ñane tiémpope, umi Testígo avei ojepokuaa oñembyaty meme oadora hag̃ua Ñandejárape. Eikuaa hag̃ua mbaʼéichapa ojejapo umi rreunión, ehecha pe VIDÉO. Upéi emaña pe divúho ohechaukávare mbaʼéichapa ojejapo umi rreunión, ha erresponde koʼã porandu:
-
¿Mbaʼépepa ojojogua umi rreunión ojejapóva koʼág̃a ha pe oñemombeʼúva Colosenses 3:16-pe?
-
¿Rehechápa pe vidéo térã pe divúhope peteĩ mbaʼe ndegustáva umi rreunionkuéragui?
Elee 2 Corintios 9:7, ha upéi erresponde ko porandu:
-
¿Mbaʼérepa umi testígo de Jehová ndojeruréi pláta umi rreunionhápe?
Ehecha pe nembostudiávandi mbaʼe mbaʼépa oñeanalisáta umi rreunión ko semanapeguápe.
-
¿Mbaʼe pártepa ndegustave, térã rehechakuaa ideprovechotaha ndéve?
¿Reikuaápa raʼe?
Jw.org-pe ikatúta retopa moõ ha mbaʼe órapa ojejapo umi rreunión ko múndo tuichakuére.
-
Umi rreuniónpe ojejapo umi diskúrso, demostrasión, ha ojehechauka umi vidéo. Oñepyrũ ha opa mboyve oñeñemboʼe ha ojepurahéi
-
Heta pártepe umi rreunión aja, umi ohóva ikatu avei okomenta
-
Enterovéva ikatu oho: umi família, imitãva, ijedáva ha mitãnguéra
-
Umi rreuniónpe ndojejeruréi pláta, ndojejapói kolékta, ni ndojekovrái entráda
5. Tekotevẽ jajesakrifikaʼimi jaha hag̃ua rreunionhápe
Epensamína Jesús ha ifamília ehémplore. Haʼekuéra ningo káda áño oviaha vaʼekue Nazarétgui Jerusalénpe, ha upearã tekotevẽ vaʼekue oviaha 100 kilómetrorupi umi montañakuérare. Elee Lucas 2:39-42, ha upéi erresponde koʼã porandu:
-
¿Ndépa ere ijetuʼúne hague chupekuéra oho Jerusalén peve?
-
¿Mbaʼérepa iporãta nde avei reñehaʼãmbaitéramo reho hag̃ua rreunionhápe?
-
Sapyʼánte ijetuʼuʼimíramo jepe ndéve reho Salónpe, ¿mbaʼérepa ideprovechoitereíta ndéve lomímonte reñehaʼãramo?
La Biblia heʼi iñimportantetereiha ñañembyaty jaadora hag̃ua Jehovápe. Elee Hebreos 10:24, 25, ha upéi erresponde ko porandu:
-
¿Mbaʼérepa iñimportánte jaha meme rreunionhápe?
OĨRAMO HEʼÍVA: “Natekotevẽi ningo reho umi rreunionhápe, ovaletereímango restudia nde rógape la Biblia”.
-
¿Mbaʼe ehémplo oĩva la Bíbliape térã mbaʼe téxtopa ohechauka la Jehová opensáva upévare?
RRESÚMEN
Umi rreunionkuéra nepytyvõta reikuaa porãve hag̃ua Jehovápe, remombareteve hag̃ua ne amista hendive, ha readora hag̃ua chupe umi ermanokuérandi.
Rrepáso
-
¿Mbaʼérepa Jehová oipota ñañembyaty jaadora hag̃ua chupe?
-
¿Mbaʼépa reaprendéta umi rreunionkuérape?
-
¿Mbaʼéichapa repensa ikatuha nepytyvõ avei umi rreunión?
EINVESTIGA HAG̃UA
¿Mbaʼépa ikatu rejapo rekyhyje léntoramo reho hag̃ua rreunionhápe? Ehecha mbaʼépa oipytyvõ peteĩ karai oñeñandu vaʼekuépe upéicha.
¡Núnka ndaoreresaraimoʼãi mbaʼéichapa hory oréve hikuái! (4:16)
Ehecha mbaʼépa ojapo peteĩ mitãrusu odisfruta hag̃ua rreunionhápe ha oho meme hag̃ua.
Ehecha mbaʼépa umi hénte opensa jepi umi rreuniónre.
“¿Mbaʼérepa iporãta aháramo umi rreunión ojejapóvape umi Salón del Réinope?” (Artíkulo oĩva jw-pe)
Ehecha mbaʼéichapa peteĩ pandillerokue okambiaite oho rire peteĩ rreunionhápe.
“Ahahápente aguerahámi che pistóla” (Ñemañaha 1 de julio de 2014)
Koʼã téma ikatu ndegusta avei
OÑEPORANDU MEMÉVA
¿Mbaʼéichapa umi testígo de Jehová ojapo peteĩ kúrso bíblico?
Ko kúrso bíblico oofresévape ndéve umi testígo de Jehová eipurukuaa pe traduksión bíblica ndegustavéva. Ndojekovrái mbaʼevete. Ikatu einvita ne família térã ne amigokuérape oĩ hag̃ua.
