Epensa vaʼerã mbaʼérepa releéta upe téxto. Elee mboyve peteĩ téxto ere vaʼerã peteĩ fráse ohechaukáva mbaʼérepa iñimportanteterei pe releétava.

Umi mbaʼe remboʼéva oñemopyenda vaʼerã la Bíbliape. Umi nerendúva ojeroviáramo Ñandejárare, eipuru meme vaʼerã la Biblia ha ere haʼeha “Ñandejára Ñeʼẽ”. Upéicha rehechaukáta umi mbaʼe eréva ouha Ñandejáragui.

Umi nerendúva oikuaaséma vaʼerã mbaʼépa heʼi pe téxto. Upearã ikatu rejapo peteĩ porandu oñembohováitava pe téxtope, ikatu emombeʼu peteĩ provléma ha ere mbaʼéichapa pe téxto heʼi oñesolusionataha, térã ikatu avei ere mbaʼépa ñaaprendéta pe téxtogui.