KAPÍTULO 6
Mbaʼépa ikatu jajapo jaiporavo porã hag̃ua umi vyʼarã
“Siémpre pejapo vaʼerã entéro mbaʼe pembotuicha hag̃ua Ñandejárape” (1 CORINTIOS 10:31).
1, 2. ¿Mbaʼérepa ñañatende porã vaʼerã jaiporavo hag̃ua umi vyʼarã?
EÑEIMAHINAMÍNA reʼutaha peteĩ frúta hiʼaju porãva, péro upeichahágui rehecha peteĩ párte oñembyaiha. ¿Mbaʼépa rejapóta? ¿Lomímontepa reʼúta? ¿Remombótapa pe frúta? ¿Térãpa reipeʼáta chugui pe ivaikueténte ha reʼúta pe iporãngue?
2 Ikatu jaʼe umi vyʼarã ojoguaha upe frútape. Oĩ heta mbaʼe iporãva ikatúva jajapo jajediverti hag̃ua, péro oĩ avei heta diversión ivaíva pórke oreko tekokyʼa, violénsia ha umi mbaʼe oúva umi demóniogui. ¿Mbaʼéichapa nde reiporavo umi vyʼarã? ¿Repensápa ikatuha reiporavo ndéve ndegustáva avave heʼiʼỹre ndéve mbaʼeve? ¿Repensápa ivaiha entéro umi vyʼarã? ¿Térãpa reiporavo umi vyʼarã iporãva ha remboyke umi ivaíva?
3. ¿Mbaʼépa jareko vaʼerã enkuénta jaelehi hag̃ua umi vyʼarã?
3 Entéro ningo ñaikotevẽ japytuʼu ha jajediverti mimi, péro jaiporavo porã vaʼerã umi vyʼarã. Upévare ñapensa vaʼerã mbaʼéichapa ñanderejáta Jehová renondépe umi mbaʼe jaelehíva jajediverti hag̃ua.
“PEJAPO VAʼERÃ ENTÉRO MBAʼE PEMBOTUICHA HAG̃UA ÑANDEJÁRAPE”
4. ¿Mbaʼe konsého oĩva la Bíbliapepa ñanepytyvõta jaelehi porã hag̃ua umi vyʼarã?
4 Ñañemeʼẽrõ guare Jehovápe ñapromete chupe jaipurutaha ñande rekove jaservi hag̃ua chupe (elee Eclesiastés 5:4). Ñande ñapromete kuri Ñandejárape ‘jajapotaha entéro mbaʼe ñamombaʼeguasu hag̃ua chupe’ (1 Corintios 10:31). Upéva heʼise ñande haʼeha Ñandejára siérvo jaha jave rreunión ha predikasiónpe, péro upéicha avei ñandelívre térã jajediverti jave.
5. ¿Mbaʼéichapa ñamombaʼeguasu vaʼerã Jehovápe?
5 Opa mbaʼe jajapóvape ningo ikatu ñamombaʼeguasu Jehovápe térã ñamoñeñandu vai chupe. Apóstol Pablo heʼi vaʼekue: “Pemeʼẽ [...] chupe pende rete ha pende rekove pemeʼẽrõguáicha peteĩ ofrénda sagráda, Ñandejára Romanos 12:1). Jesús katu heʼi vaʼekue: “Rehayhu vaʼerã Jehová nde Járape nde pyʼaite guive, nde rekove kompletoite reheve, entéro ne pensamiénto reheve, ha ne mbaretekue omeʼẽmíva reheve” (Marcos 12:30). Ñande ñamombaʼeguasuse Ñandejárape ñameʼẽvo chupe iporãnguete. Yma umi israelita oikuaveʼẽ vaʼerã kuri Jehovápe umi animál isánova, pórke pe animál naiporãiramo Ñandejára ndoaseptamoʼãi chuguikuéra pe sakrifísio (Levítico 22:18-20). Koʼág̃arupi ikatu avei Jehová ndoaseptái umi mbaʼe jajapóva ñamombaʼeguasu hag̃ua chupe. ¿Mbaʼéichapa ikatu oiko upéva?
oaseptátava” (6, 7. ¿Ikatúpa ombyai pe servísio ñameʼẽva Jehovápe umi mbaʼe jaiporavóva jajediverti hag̃ua?
6 Jehová heʼi ñandéve: “Peẽ penepotĩ vaʼerã, pórke che sánto hína” (1 Pedro 1:14-16; 2 Pedro 3:11). Jehová oaseptáta umi mbaʼe jajapóva ñamombaʼeguasu hag̃ua chupe ñanepotĩramo añoite (Deuteronomio 15:21). Ñanderekokyʼa, ñaneviolénto, térã ñandegustáramo umi mbaʼe oúva umi demóniogui nañanepotĩmoʼãi ñamombaʼeguasu hag̃ua Jehovápe, pórke chupe ombojeguaru koʼã mbaʼe (Romanos 6:12-14; 8:13). Péro Jehovápe ndogustaiete avei jaiporavóramo jajediverti hag̃ua umi vyʼarã orekóva koʼã mbaʼe. Umíva ñanemongyʼáta Jehová renondépe ha haʼe ndoaseptamoʼãi ñande servísio. Avei ikatu hína ombyaiete ñane amista hendive.
7 Upéicharõ, ¿mbaʼéichapa ikatu jaiporavo porã umi vyʼarã? ¿Mbaʼe konsého oĩva la Bíbliapepa ikatu ñanepytyvõ jaikuaa hag̃ua mbaʼeichagua vyʼarãpa iporã térã ivai?
ÑANEMBOJEGUARU VAʼERÃ UMI MBAʼE VAI
8, 9. ¿Mbaʼeichagua vyʼarãpa ñamboykete vaʼerã, ha mbaʼérepa?
8 Koʼág̃arupi oĩ opaichagua vyʼarã, oĩ iporãva ha oĩ avei ivaíva peteĩ kristiánope g̃uarã. Primero jahechamíta mbaʼeichagua vyʼarãpa ñamboykete vaʼerã.
9 Internétpe, músikape, videohuégope, pelíkulape ha umi prográma osẽva télepe oĩ itieʼỹva, ivioléntova ha ojapóva umi mbaʼe oúva umi demóniogui. Koʼãichagua vyʼarã haʼetévaicha la iporãva ha igustoitereíva. Péro ñande kristiáno jaiporavo umi vyʼarã iporãva ha ñamboykete umi ombojeguarúva Jehovápe (Hechos 15:28, 29; 1 Corintios 6:9, 10). Upéicha jajapóramo jahechauka hína Jehovápe ndajachaʼeiha umi mbaʼe vaíre (Salmo 34:14; Romanos 12:9).
10. ¿Mbaʼépa ikatu oiko ñanderehe jaiporavóramo umi vyʼarã naiporãiva?
10 Heta oĩ opensáva ndaivairiha jaiporavóramo umi vyʼarã itieʼỹva, ivioléntova térã orekóva umi mbaʼe oúva umi demóniogui. Oĩ voi heʼíva: “Mbaʼe la tánto, ndajapomoʼãi voíngo la ohechaukáva upépe”. Péicha ñapensáramo ñañembotavy hína ñandejupe voi. La Biblia heʼi porã ñandéve: “Yvypóra korasõ itraisionerove oimeraẽ mbaʼégui ha ojedesespera rupi ikatu ojapo oimeraẽ mbaʼe” (Jeremías 17:9). Jaipurúramo jajediverti hag̃ua umi mbaʼe Jehovápe ndogustáiva, ¿ikatúpa jaʼe ndajachaʼeiha umívare? Nañamboykéiramo koʼã mbaʼe, upéi ñapensátama ndaivairiha. Ha mbeguekatúpe ñane konsiénsia nombaʼapoporãvéitama ha nañandeavisamoʼãvéima jadesidi vai jave (Salmo 119:70; 1 Timoteo 4:1, 2).
11. ¿Mbaʼéichapa Gálatas 6:7 ikatu ñanepytyvõ jaiporavo porã hag̃ua umi vyʼarã?
11 La Biblia heʼi voi: “Entéro mbaʼe oñotỹva peteĩ Gálatas 6:7). Ñañepyrũramo jahecha, jalee térã ñahendu umi mbaʼe naiporãiva, mbeguekatúpe ñande jajapótama avei. Por ehémplo, heta vése peteĩ kristiáno ohecháramo peteĩ tiémpore peteĩ mbaʼe itieʼỹva ou hekokyʼa. Péro Jehová ñanepytyvõ jaiporavo porã hag̃ua umi vyʼarã. Jahechamína koʼág̃a mbaʼéichapa haʼe ñanepytyvõ.
persóna, upéva avei omonoʼõta” (JAIPURÚKENA UMI KONSÉHO OĨVA LA BÍBLIAPE JADESIDI HAG̃UA
12. ¿Mbaʼépa ñanepytyvõta jaiporavo porã hag̃ua umi vyʼarã?
12 Heta vése Jehová heʼi porã ñandéve mbaʼeichagua vyʼarãpa naiporãi, ha jaikuaa koʼã mbaʼe ñamboyke vaʼerãha. Péro algúna vése ikatu nahesakãporãi ñandéve umíva. ¿Mbaʼépa ikatu jajapo péicha jave? Jehová nomoĩri ñandéve peteĩ lístape mbaʼépa iporã térã ivai jahecha, jalee ha ñahendu. Upéva rangue, haʼe oipota jaipuru ñane konsiénsia ha umi konsého oĩva la Bíbliape (elee Gálatas 6:5). Koʼã konsého ou Jehovágui ha ñanepytyvõ ñapensa hag̃ua haʼe opensaháicha. Avei ñanepytyvõ jaikuaa hag̃ua mbaʼépa hína la Jehová oipotáva jajapo jadesidi porã hag̃ua (Efesios 5:17).
Umi konsého oĩva la Bíbliape ñanepytyvõ jaiporavo porã hag̃ua umi vyʼarã
13. a) ¿Mbaʼérepa ndajaiporavói peteĩchapa umi vyʼarã? b) ¿Mbaʼépa ojapo vaʼerã entéro kristiáno odesidi hag̃ua?
13 Entéronte ningo ñanediferénte ojuehegui, upévare ndajaiporavói peteĩchapa umi vyʼarã. Por ehémplo, peteĩ kristiánope ikatu iporã peteĩ vyʼarã, ha ótrope katu nahániri. Upéicharõ jepe, enterovéva jasegi vaʼerã umi konsého oĩva la Bíbliape jadesidi hag̃ua (Filipenses 1:9). Koʼã konsého ñanepytyvõta jaiporavo hag̃ua umi diversión Ñandejára oguerohorýva (Salmo 119:11, 129; 1 Pedro 2:16).
14. a) ¿Mbaʼépa jareko vaʼerã avei enkuénta jajedivertíta jave? b) ¿Mbaʼe konséhopa omeʼẽ vaʼekue Pablo umi kristiánope?
Mateo 6:33). Péro ñañemeʼẽʼỹre enkuénta ikatu jaipuruetereíma hína jahávo ñane tiémpo jajediverti hag̃ua. Pablo omeʼẽ ko konsého umi kristianokuérape: “Peñatende porãke peiko lájare, ani peiko umi itavývaicha, síno umi iñarandúvaicha. Ha peipuru porãke pene tiémpo” (Efesios 5:15, 16). Upévare ñamoĩ vaʼerã mboy tiémpopa jaipurúta jajediverti hag̃ua, upéicha ikatúta ñamotenonde meme ñande servísio Jehovápe (Filipenses 1:10).
14 Avei ñapensa vaʼerã mboy tiémpopa jaipurúta jajediverti hag̃ua. Upéva ohechaukáta mbaʼépa iñimportanteve ñandéve g̃uarã, ha jaikuaaháicha ñandéve iñimportanteve jaservi Jehovápe (elee15. ¿Mbaʼépa jajapo vaʼerã ani hag̃ua umi vyʼarã ombyai ñane amista Jehovándi?
Proverbios 4:25-27). Upévare, ndahaʼéi ñamboykéva umi vyʼarã jaikuaa porãvante ivaiha, síno ñañemomombyry vaʼerã avei umi diversión jaduda léntovagui iporãha. Ñande ningo ndajajaposéi mbaʼeve ombyaítava ñane amista Jehovándi.
15 Ñande ningo pyaʼe voi ñamboyke umi vyʼarã Jehovápe ombojeguarúva. Péro, ¿mbaʼépa jajapóta nañaiméiramo segúro iporã térã ivaípa peteĩ vyʼarã? ¿Ñamboyke vaʼerãpa avei umíva? Epensamína ko ehémplore: ñamoĩ chupe nde rejupiha hína rehóvo peteĩ sérrore, ¿reguatátapa pe tape orillaitére? Nahániri. ¿Mbaʼérepa? Pórke reikuaa ipeligrosoitereiha rejapóramo upéva. Ha upéicha vaʼerã avei jaiporavóta jave umi vyʼarã. Ñandejára Ñeʼẽ heʼi voi ñandéve: “Mombyry reho vaʼerã pe tape vaígui” (JAHECHÁKENA OPA MBAʼE JEHOVÁ OHECHAHÁICHA
16. a) ¿Mbaʼe mbaʼépa umi mbaʼe ndogustaietéva Jehovápe? b) ¿Mbaʼéichapa ikatu jahechauka ñamboykeha umi mbaʼe ndogustáiva Jehovápe?
16 Peteĩva umi oskrivi vaʼekue umi Salmo heʼi: “Enterove peẽ pehayhúva Jehovápe, ndapechaʼéi vaʼerã umi mbaʼe ivaívare” (Salmo 97:10). La Biblia ohechauka porã ñandéve mbaʼépa Jehová opensa ha oñandu. Upévare iporã reñeporandu: “¿Mbaʼéichapa umi mbaʼe aaprendéva la Bíbliagui ikatu chepytyvõ ahecha hag̃ua opa mbaʼe Jehová ohechaháicha?”. Por ehémplo la Biblia ñanemboʼe Ñandejárape ndogustaieteha ‘umi ijapúva, umi ojukáva hénte inoséntepe, umi oikóva oplanea mbaʼe vai, ha umi odiparáva voi ojapo hag̃ua ivaíva’ (Proverbios 6:16-19). Avei ñaaprende ñamboyke vaʼerãha tekokyʼa, oadoráva umi taʼanga, ojapóva espiritísmo, ipyʼaróva, ipochyetereíva, iñenvidiósova, ikaʼúva ha ofarreáva itarovávaicha (Gálatas 5:19-21). Koʼã konsého oĩva la Bíbliape katuete nepytyvõta reiporavo porã hag̃ua umi vyʼarã. Ñande ningo jajapo Jehová heʼíva tahaʼe ñaime jave ñaneaño térã ótra persónandi (2 Corintios 3:18). Añetehápe umi mbaʼe jadesidíva ñaime jave ñaneañoháme ohechauka mbaʼeichaguápa ñande (Salmo 11:4; 16:8).
17. ¿Mbaʼépa ñañeporandu vaʼerã jaelehíta jave umi vyʼarã?
17 Upévare jaiporavo mboyve peteĩ vyʼarã iporã ñañeporandu: “¿Ombyaítapa che amista Jehovándi? ¿Omongyʼátapa che konsiénsia?”. Jahechamína koʼág̃a umi konsého oĩva la Bíbliape ñanepytyvõtava jaelehi porã hag̃ua umi vyʼarã.
18, 19. a) ¿Mbaʼe konséhopa omeʼẽ vaʼekue Pablo umi kristiánope? b) ¿Mbaʼe konsého oĩva la Bíbliapepa ñanepytyvõta jaiporavo hag̃ua umi vyʼarã?
18 Jaelehi jave umi vyʼarã, jaelehi avei hína mbaʼépa ñamoingéta ñane akãme. Pablo omeʼẽ vaʼekue ko konsého: “Pesegíkena pejepyʼamongeta entéro mbaʼe siertoguávare, iñimportántevare, ihústovare, ipotĩvare, umi mbaʼe ñanemomýivare japorohayhu hag̃ua, umi mbaʼe oñeñeʼẽ porãvare, entéro mbaʼe iporãvare ha entéro mbaʼe omeresévare ojeguerohory” (Filipenses 4:8). Ñapensa meméramo umi mbaʼe iporãvare ikatúta avei jaʼe pe salmísta heʼi haguéicha: “Ñandejára, hiʼãite ningo reguerohory umi mbaʼe che haʼéva ha umi mbaʼe che ajepyʼamongetáva che korasõme” (Salmo 19:14).
19 Ikatu reñeporandu: “¿Mbaʼépa amoinge hína che akãme? ¿Apensápa umi mbaʼe iporãvare ahecha rire peteĩ pelíkula térã peteĩ prográma osẽva télepe? ¿Chepyʼaguapýpa che konsiénsia ipotĩ rupi?” (Efesios 5:5; 1 Timoteo 1:5, 19). Ikatu avei reñeporandu: “¿Añeñandu porãpa añemboʼe jave Jehovápe, térãpa chemolesta che konsiénsia? ¿Añepyrũpa apensa umi mbaʼe ivioléntova ha itieʼỹvare ahecha rire peteĩ pelíkula térã prográma? ¿Ojekuaápa umi vyʼarã aiporavóvare chegustaha oñepensa lája ko múndope?” (Romanos 12:2; Mateo 12:33; Marcos 7:20-23). Ñanesinséro vaʼerã ñambohovái hag̃ua koʼã porandu, upéva ñanepytyvõta jahecha hag̃ua mbaʼépa tekotevẽ jajapo jasegi hag̃ua jaiko Jehová amígoramo. Ñande avei jajerure Jehovápe pe salmísta heʼi vaʼekue: “Chepytyvõ anive hag̃ua amaña umi mbaʼe vaíre, ndovaléiva mbaʼeverã” (Salmo 119:37). *
MBAʼÉICHAPA ÓTRO OÑEÑANDÚTA UMI MBAʼE JADESIDÍVARE
20, 21. ¿Mbaʼérepa jareko vaʼerã enkuénta ótro opensáva jaiporavóta jave umi vyʼarã?
20 Iñimportánte avei ñanemanduʼa pe konsého oĩvare 1 Corintios 10:23, 24-pe, upépe heʼi: “Entéro mbaʼe ovale jajapo péro naentéroi mbaʼe ñanemokyreʼỹ. Upévare káda uno jasegi vaʼerã jajapo pe ideprovéchotava ñande rapichápe, ha ani ñandévente ou porãtava”. Ndovaléi ningo jajapo peteĩ mbaʼe jarekóguinte pe derécho jajapo hag̃ua, upéva rangue ñapensa porã vaʼerã mbaʼéichapa oñeñandúta umi ermáno ohechávo umi mbaʼe jadesidíva.
21 Ñane konsiénsia ningo idiferénte ojuehegui. Por ehémplo, ikatu ndéve g̃uarã ndaivaíri peteĩ prográma osẽva télepe, péro peteĩ ermáno katu ndohechaséi upéva 1 Corintios 8:12). Ñande ningo ni mbaʼevéicharõ ndajajaposéi mbaʼeve operhudikátava ñane ermanokuérape (Romanos 14:1; 15:1; 1 Corintios 10:32).
ikonsiénsia nopermitíri rupi chupe. ¿Mbaʼépa rejapóne nde upe situasiónpe? Erekóramo jepe derécho ehecha hag̃ua pe prográma, ikatu edesidi nderehecháinte. ¿Mbaʼérepa rejapóta upéva? Pórke ñande ndajapekaséi ñane “ermanokuéra kóntrape”, jajapóramo upéva ningo añetehápe japeka hína avei “Cristo kóntrape” (22. ¿Mbaʼéichapa jahechaukáta jarrespetaha ñane ermanokuéra odesidíva?
22 Péro ikatu avei oime ne konsiénsia nopermitíri ndéve rehecha, rehendu térã relee peteĩ mbaʼe, ha ótro ermánope katu ogusta upéva. ¿Mbaʼépa rejapóta upéicha jave? Rehayhu ha rerrespeta rupi ne ermánope, nereñemohatãmoʼãi nde erévapente ha nderejopymoʼãi chupe oiporavo hag̃ua ndéve ndegustávante. Epensamína ko ehémplore: peteĩ persóna omaneháva ohóvo peteĩ áuto térã móto, oikuaa porã oĩtaha ohóva hatãve térã mbegueve chugui, péro upéva ndeʼiséi umi ótro omaneha vaiha. Upéicha avei, nde ikatu repensa diferenteʼimi ótro ermánogui peteĩ vyʼarã rehe, upéicharõ jepe mokõivévante pesegi hína umi konsého oĩva la Bíbliape (Eclesiastés 7:16; Filipenses 4:5).
23. ¿Mbaʼe mbaʼépa ñanepytyvõta jaiporavo porã hag̃ua umi vyʼarã?
23 Upéicharõ, ¿mbaʼépa ñanepytyvõta jaiporavo porã hag̃ua umi vyʼarã? Jaipuru vaʼerã ñane konsiénsia, jasegi umi konsého oĩva la Bíbliape ha ñapensa mbaʼéichapa omoñeñandúta ñane ermanokuérape umi mbaʼe jadesidíva. Jajapóramo upéicha javyʼaitereíta pórke ‘jajapóta hína entéro mbaʼe ñambotuicha hag̃ua Ñandejárape’.
^ párr. 19 Retopáta avei heta konsého nepytyvõtava reiporavo hag̃ua umi vyʼarã koʼã téxtope: Proverbios 3:31; 13:20; Efesios 5:3, 4 ha Colosenses 3:5, 8, 20.