REIKUAAVE HAG̃UA 18A
Jehová oavisa oikotaha peteĩ gérra tuichaitereíva
La Bíbliape oĩ heta profesía oavisáva oikotaha peteĩ gérra Jehová ohunditahápe iñenemigokuérape ha umi oñemoĩvape ipuévlore. Koʼápe oĩ hína unos kuánto umi profesía oñeʼẽva upévare. Emañamína mbaʼéichapa ojojogua koʼã avíso, ha mbaʼéichapa Jehová ojasegura entéro yvypóra oreko hag̃ua oportunida ohendu hag̃ua umi avíso ha ojapo oñekotevẽva ojesalva hag̃ua.
ISRAEL TIÉMPOPE
EZEQUIEL: “Ñandejára Jehová ogovernáva opa mbaʼe heʼi: ‘Amondóta peteĩ espáda Gog kóntrape kompletoite umi che montañakuéra ári’” (Ezeq. 38:18-23).
JEREMÍAS: “[Jehová] voi ohusgáta kompletoite yvypórape. Ha ohejáta ojejuka espádape umi hénte añáme” (Jer. 25:31-33).
DANIEL: “Ñandejára omoĩta peteĩ rréino [...]. Omonguʼíta ha ohundíta enterove koʼã rréino” (Dan. 2:44).
JESÚS HA UMI APÓSTOL TIÉMPOPE
JESÚS: “Oikóta peteĩ jehasa asy guasu. Ko múndo oñepyrũ guive koʼág̃a peve núnka ndoikóiva” (Mat. 24:21, 22).
PABLO: “Jesús [...] hiʼanhelkuéra ipoderósovandi [...] okastigáta umi ndoikuaáivape Ñandejárape” (2 Tes. 1:6-9).
PEDRO: “Jehová ára oúta peteĩ mondaháicha [...]. Pe yvy ha umi mbaʼe oĩva pype ojehapypáta” (2 Ped. 3:10).
JUAN: “[Jesús jurúgui] osẽ peteĩ espáda ipukúva ha hakuáva, upéva haʼe oipuru ohundi hag̃ua umi tetãnguérape” (Apoc. 19:11-18).
ÑANE TIÉMPOPE
La Biblia hína pe lívro ojetradusivéva ha hetave ojeguerekóva
JEHOVÁ SIERVOKUÉRA KO TIEMPOPEGUA...
-
... orreparti millones de Biblia ha puvlikasión oñeguenohẽva la Bíbliagui hetaiterei idiómape.
-
... oipuru hetaiterei óra káda áño opredika hag̃ua.