REIKUAAVE HAG̃UA 20A
Ojerreparti pe yvy
Oñemombeʼúvo en detálle moõ pevépa og̃uahẽta pe Tiérra Prometída, oñegarantisa vaʼekue umi oĩvape prisionéroramo oñembopyahu jeytaha ijyvykuéra ohayhuetéva. ¿Mbaʼépa ikatu ñaaprende upe visióngui? Jahechami mokõi mbaʼe:
Peteĩ lugár isegúrova ha peteĩ asignasión oñemombaʼetereíva
Káda uno umi prisionéro oho jeýva hetãme orresivíta peteĩ erénsia pe Tiérra Prometídape. Upéicha avei ko tiémpope, pe paraíso espirituálpe enterove Jehová siervokuéra oreko peteĩ lugár. Haʼetéramo jepe michĩetereíva upe jajapóva Jehová organisasiónpe, enterove jareko peteĩ lugár isegúrova ha peteĩ asignasión oñemombaʼetereíva pe yvy espirituálpe. Jehovápe g̃uarã ningo isiervokuéra peteĩchante ha omombaʼeterei enterovépe.
Pe yvy ojerreparti la mísma medída
Ezequiel visiónpe, enterove israelita, tahaʼe haʼéva pe território orresivi vaʼekue, orekóta la mísma oportunida ohupyty hag̃ua umi mbaʼe porã ikatúva oprodusi pe yvy. Upéicha avei koʼág̃arupi, Jehová omeʼẽ enterovépe oportunida ohupyty hag̃ua umi vendisión omeʼẽva pe paraíso espirituál.
