Ymave ñane puvlikasionkuéra heʼi vaʼekue pe Jerusalén apóstata orrepresentaha umi rrelihión heʼívape ijehe kristianoha. Umi mbaʼe vai ojejapo vaʼekue Jerusalén naiñeʼẽrenduietéva, umíva apytépe ojeadora taʼanga ha ikorruptoiterei hikuái, katuete ñanemomanduʼa umi mbaʼe ojejapóvare umi rrelihión heʼívape ijehe kristianoha. Péro umi áño ohasa vaʼekuépe ñane puvlikasionkuéra ha avei ko lívro, ndeʼivéi entéro mbaʼe oĩva peteĩ profesíape orrepresentaha ótra kósa, la Biblia voi nomyesakãirõ upéva. ¿Jatopa piko la Bíbliape heʼiha Jerusalén orrepresentaha umi rrelihión heʼívape ijehe kristianoha? No.

Epensamína ko mbaʼére: Peteĩ tiémpore Jerusalénpe ojeadora vaʼekue Jehovápe haʼe oipotaháicha, upéi umi oikóva upépe opuʼã Ñandejárare. Péro umi rrelihión heʼíva ijehe kristianoha núnka ndoadorái vaʼekue Jehovápe haʼe oipotaháicha. Oñepyrũha ára guive, áño 300 rupi d.C., umi rrelihión heʼíva ijehe kristianoha siémpre omboʼe japu.

Avei heta áño umi babilonio ohundi rire Jerusalén, Jehová oguerohory jey upe siuda ha ojeadora jey chupe upépe. Péro Ñandejára núnka ndoguerohorýi vaʼekue umi rrelihión heʼívape ijehe kristianoha, ha ág̃a oñehundi rire pe jahasa asy guasúpe, arakaʼeve ndoexistimoʼãvéima.

Upéicharõ, ñahesaʼỹijo rire koʼã mbaʼe, ¿mbaʼépa ikatu jaʼe? Jastudia jave umi profesía oñekumpli vaʼekue Jerusalén naiñeʼẽrenduietévare, ikatu voi ñapensa: “Upeichaite ningo avei oiko koʼág̃arupi umi rrelihión heʼívape ijehe kristianoha”. Péro ndaikatúi jaʼe la Biblia heʼiha Jerusalén orrepresentaha umi rrelihión heʼívape ijehe kristianoha.