REIKUAAVE HAG̃UA 19A
Umi rrío henyhẽva Jehová vendisióngui
La Bíbliape jatopa unos kuánto lívro oipurúva umi palávra “rrío” ha “y” orrepresenta hag̃ua umi vendisión oúva Jehovágui. Koʼã párte oĩva la Bíbliape omombarete ñande jerovia jahechávo mbaʼéichapa Jehová ovendesi ipuévlope heta hendáicha. ¿Mbaʼéichapa?
JOEL 3:18 Ko profesía ohechauka oĩha peteĩ ykua yvu osyrýva pe témplogui ha orregáva pe “Ñu oĩháme umi Akasiaty”. Upéicharõ Ezequiel ha Joel ohecha peteĩ rrío omoingovéva peteĩ lugár ndoprodusíriva mbaʼeve. Umi mokõi profesíape pe y osẽ Jehová rógagui, térã pe témplogui.
ZACARÍAS 14:8 Proféta Zacarías ohecha “y oporomoingovéva” osyrýva Jerusalén siudágui. Alamita upe y oho pe mar oĩvape éstepe, térã Mar Muértope, ha alamita oho pe mar oĩvape oéstepe, térã Mar Mediterráneope. Jerusalén ningo haʼe vaʼekue Ñandejára Jehová siuda, pe “Rréi ipoderósova siuda” (Mat. 5:35). Upe Zacarías heʼíva ñanemomanduʼa Jehová koʼẽrõite ogovernataha ko yvy kompletoite. Umi y ojehecháva upe profesíape ontendeka Jehová ovendesitaha mokõi grúpo ifiélvape pe paraísope: Umi ojesalváva pe jehasa asy guasúpe ha umi oikove jeýtava upe rire.
APOCALIPSIS 22:1, 2 Apóstol Juan ohecha vaʼekue peteĩ rrío ojoguaitereíva pe rrío Ezequiel ohecha vaʼekuépe. Péro oĩ peteĩ diferénsia: Pe rrío Juan ohecháva nosẽi peteĩ témplogui, síno Jehová trónogui. Upéicharõ, oikoháicha Zacarías visiónpe, pe visión Juan ohecháva oñeʼẽve hína umi vendisión ojehupytýtavare umi mil áñore Jehová goviérno poguýpe.
Oĩramo jepe upe diferénsia, tahaʼe umi vendisión osẽva Jehová trónogui, térã umi vendisión oñerrepresentáva pe rrío Ezequiel ohecha vaʼekue rupive, enterove koʼã vendisión ou Jehovágui ha ovenefisia entéro umi ifiélvape.
SALMO 46:4 Jahechakuaa ko téxtope haʼete oñeñeʼẽva hína mokõi mbaʼére: Adorasión ha goviérnore. Pe párte heʼíva oĩha peteĩ rrío ombovyʼáva umi hénte oikóvape “Ñandejára siudápe”, amalisia oñeʼẽ hína peteĩ rréino térã goviérnore. Ha heʼihápe “Ñandejára Ndaijojaháiva tavernákulo ningo sagrádo ha tuichaiterei”, amalisia oñeʼẽ hína pe adorasión oñemeʼẽvare Jehovápe añoiténte.
Entéro koʼã téxto ogarantisa Jehová ovendesitaha umi yvypóra ifiélvape mokõi hendáicha: Jarresivíta umi vendisión etérnamente, 1) Jehová goviérno rupive, ha 2) pe adorasión verdadéra rupive. Upévare jajerresolve vaʼerã jasegitaha jaʼu pe “y oporomoingovéva”, upéva hína entéro mbaʼe Jehová ha Itaʼýra omeʼẽva ñandéve mborayhúpe jaikove hag̃ua pára siémpre (Jer. 2:13; Juan 4:10).
