Ehémplo bíblico ikatúva nepytyvõ:

• Gé 24:​1-4, 7. Abrahán ijedámarõ jepe, oĩ vaʼekue desidído okonsegitaha itaʼýra Isaácpe hembirekorã peteĩ oservíva Jehovápe. Haʼe ndoipotái itaʼýra omenda peteĩ cananéare, pórke haʼekuéra oservi ótro dióspe.

• Gé 28:​1-4. Isaac heʼi vaʼekue Jacóbpe nomendái vaʼerãha peteĩ cananéare, síno oho vaʼerãha oheka hembirekorã peteĩ oservíva Jehovápe.

Ehémplo bíblico ikatúva nepytyvõ:

• 1Re 11:​1-6, 9-​11. Jehová ipochyeterei vaʼekue Salomóndi nopenái haguére iléi heʼívare ha ou omenda umi kuña extranhérare. Upéi hembirekokuéra ogueraha vai chupe ha oadora umi ótro dióspe.

• Ne 13:​23-​27. Nehemías opensa vaʼekue Jehová opensaháicha, upévare ipochyeterei umi israelita oñepyrũrõ guare omenda umi kuña extranhérare, ha okorrehi chupekuéra.

Ehémplo bíblico ikatúva nepytyvõ:

• 1Sa 25:​2, 3, 14-​17. Abigaíl ména Nabal iplataiterei vaʼekue péro ijarhél ha oporotrata vai, upévare ndaikatúi jaʼe omoakã porãne hague la hogapy.

• Pr 21:​9. Jaelehi vaíramo mávarepa ñamendáta, ikatu hína jaju ndajavyʼavéi ha ndajaikói pyʼaguapýpe.

• Ro 7:​2. Apóstol Pablo oexplika vaʼekue peteĩ kuña omendávo, siérto púnto peve opytamaha peteĩ kuimbaʼe imperfékto poguýpe, upévare peteĩ kuña iñarandúva opensa porã vaʼerã oelehi mboyve mávarepa omendáta.

Ehémplo bíblico ikatúva nepytyvõ:

• Pr 24:27. Peteĩ kuimbaʼe omenda mboyve ha oplanea mboyve jepe ifamiliaseha, ohechaukáma vaʼerã itravahadór ha ikatutaha omantene peteĩ famíliape.

Ehémplo bíblico ikatúva nepytyvõ:

• Rut 2:​4-7, 10-​12. Boaz oikuaa porã Rútpe ohecha rire mbaʼéichapa iguápa, otrata porã Noemípe, ojerovia Jehováre ha ohendúvo entéronte oñeñeʼẽ porãha hese.

• Rut 2:​8, 9, 20. Rut oikuaa porã Boázpe ohecha rire mbaʼéichapa iñamávle, ipojera ha ohayhu Jehovápe.

Ehémplo bíblico ikatúva nepytyvõ:

• Pr 5:​18, 19. Oĩ unas kuánta kósa umi omendávante ikatúva ojapo ohechauka hag̃ua ojoayhuha.

• Can 1:2; 2:⁠6. Oĩ aja de nóvio pe pastór ha pe sulamita ohechauka ojoayhuha, péro hekopotĩ avei hikuái.

• Can 4:​12; 8:​8-​10. Pe sulamita hekopotĩ vaʼekue ha ojejokokuaa, la Biblia heʼi voi hese ojoguaha peteĩ hardín imurallapávape.

Ehémplo bíblico ikatúva nepytyvõ:

• Gé 21:​8-​12. Jehová heʼi vaʼekue Abrahánpe ohendu hag̃ua hembireko Sárape, ndogustapáiramo jepe chupe la heʼíva.

• Pr 31:​10, 11, 16, 28. Peteĩ ména iñarandúva ndoikói okontrola hembireko ojapóva guive ni ndohekái ifálla. Peichagua kuimbaʼe ojogua pe kuña ikatupyrýva ménape, okonfiáva hembirekóre ha oguerohorýva chupe.

• Ef 5:​33. Umi mbaʼe Pablo heʼi vaʼekue ohechauka tembireko oikotevẽha oñandu iména ohayhuha chupe.

Ehémplo bíblico ikatúva nepytyvõ:

• Pr 1:8; 1Co 7:​4. Jehová omeʼẽʼimi avei umi sy ha tembirekópe autorida peteĩ famíliape.

• 1Co 11:​3. Apóstol Pablo oexplika vaʼekue enterovéva ñaĩha álgien poguýpe, Jehová añoite noĩri avave poguýpe.

• Heb 13:​7, 17. Enterovéva, tahaʼe kuña térã kuimbaʼe, ñaneñeʼẽrendu vaʼerã umi ñandegiávape kongregasiónpe ha jaapoja chupekuéra.

Ehémplo bíblico ikatúva nepytyvõ:

• Gé 18:12; 1Pe 3:​5, 6. Sara orrespetaiterei vaʼekue iménape, upévare ipyʼapýpe jepe ohenói chupe “che karai”.

Ehémplo bíblico ikatúva nepytyvõ:

• Gé 24:​62-​67. Rebeca okonsola vaʼekue iména Isaácpe omano rire isy.

• 1Sa 25:​14-​24, 32-​38. Abigaíl ojerure asy vaʼekue Davídpe operdona hag̃ua iménape, péicha haʼe osalva iména iñañaitévape ha entéro umi hogayguápe.

• Est 4:​6-​17; 5:​1-8; 7:​1-6; 8:​3-6. Rréina Ester oñepresenta vaʼekue 2 vése pe rréi renondépe haʼe ohenoiʼỹre chupe, péicha haʼe oapeligra kuri hekove osalva hag̃ua Jehová puévlope.