Ne Ñeʼẽ opytáta opa ára g̃uarã
1. Yma umi nderayhúva
odefende ne Ñeʼẽ.
Pyʼaguasúpe hikuái
ohayhu, omombaʼe nde léi.
Ha nde repermiti
haʼekuéra otradusi.
Péicha rupi ikatu
rohendu, ha nde oregia.
Amombaʼégui nde léi,
nde eréva ajapose.
Aleese, amombeʼuse
opáva nde chemboʼéva.
(KÓRO)
Ne Ñeʼẽ ndaijojahái,
núnka noñehundimoʼãi.
Che ningo ajapose remandáva guive,
marandu porã aikuaaukase.
2. Ohundiséva ne Ñeʼẽ
hatã oñopone.
Umi nderayhúva osegi ifiél
ha ijerovia mbarete.
Ha oñemeʼẽvo testimónio
umi ipyʼaporãvape,
ne Ñeʼẽ ipuʼaka, koʼag̃aite oikove,
jepe oĩ ojokoséva.
(KÓRO)
Ha ne Ñeʼẽ ndaijojahái,
núnka noñehundimoʼãi.
Che ningo ajapose remandáva guive,
marandu porã aikuaaukase.
3. Ne Ñeʼẽme oĩgui nde réra,
nderehe rokonfia.
Roikuaa katuete
ne Ñeʼẽ porãite opytáta,
opa ára g̃uarã.
(KÓRO)
Ne Ñeʼẽ ndaijojahái,
núnka noñehundimoʼãi.
Che ningo ajapose remandáva guive,
marandu porã aikuaaukase
opa ára g̃uarã.
