¿Mbaʼépa heʼi la Biblia?
¿Mbaʼépa térã mávapa pe Aña?
¿NDÉPA ERE HAʼEHA...
... peteĩ espíritu?
... peteĩ mbaʼe vai jarekóva ñande pyʼapýpe?
... peteĩ mbaʼe oñeinventánteva?
MBAʼÉPA HEʼI LA BIBLIA
Pe Aña oñemongeta vaʼekue Jesúsndi ha ‘omoñuhãse’ chupe (Mateo 4:1-4). Upévare jaʼekuaa ndahaʼeiha peteĩ mbaʼe vai jarekóva ñande pyʼapýpe ni oñeinventánteva. Haʼe añetehápe oexisti, ha haʼe hína peteĩ espíritu iñañaitereíva.
¿MBAʼÉPA IKATU ÑAAPRENDEVE LA BÍBLIAGUI?
Pe Aña ñepyrũrã haʼe vaʼekue peteĩ ánhel ivuénova, péro upéi “omboyke pe añetegua” (Juan 8:44). Oñepyrũ ijapu ha opuʼã Ñandejárare.
Hetave ánhel omoirũ Satanáspe ha opuʼã avei Ñandejárare (Apocalipsis 12:9).
Pe Aña ogueroviauka umi héntepe haʼe ndoexistiriha (2 Corintios 4:4).
¿Ikatúpa pe Aña odomina umi héntepe?
OĨ HEʼÍVA pe Aña ndaikatuiha ojapo ñanderehe mbaʼeve, péro ótro katu okyhyjeterei oñendemoniárõ g̃uarã. ¿Ha nde mbaʼe repensa?
MBAʼÉPA HEʼI LA BIBLIA
“Ko múndo kompletoite oĩ pe aña poguýpe.” (1 Juan 5:19.) Pe Aña ningo oreko añete ipoguýpe ko múndo, péro upéva ndeʼiséi odominaha entéro yvyporápe.
¿MBAʼÉPA IKATU ÑAAPRENDEVE LA BÍBLIAGUI?
Pe Aña ivale oporombotavy hag̃ua, péicha rupi oreko heta héntepe ipoguýpe (2 Corintios 11:14).
Umi demónio ikatu sapyʼánte odomina umi héntepe (Mateo 12:22).
Ñandejára ikatu nepytyvõ ‘reñemoĩ mbarete hag̃ua pe Añáre’ (Santiago 4:7).
