Oĩ heta hénte opensáva oñekambiapa hague umi mbaʼe heʼíva Ñandejára Ñeʼẽme. Péro pe proféta Isaías heʼi vaʼekue: “Ñandejára ñeʼẽ opyta opa ára g̃uarã” (Isaías 40:8). ¿Mbaʼérepa ikatu ñaime segúro Ñandejára promesakuéra oĩva Iñeʼẽme noñekambiapái hague?

Ñandejára oreko podér oprotehe hag̃ua Iñeʼẽ ani hag̃ua oĩ ohundíva térã okambiapáva la heʼíva pype. Yma ningo ojejapómi vaʼekue umi kópia a máno, ha umi okopiáva ojasegura hag̃ua nokambiaiha mbaʼeve pe téxtogui, okontámi vaʼekue mboy létrapa oĩ pype ha mboýpa okopia, upéicha ohecha hikuái ndoipeʼái ni nomoĩriha mbaʼeve ndaipóriva pe téxtope. Péro iñimperfékto rupi hikuái, sapyʼánte ojavy mimi avei.

Oĩ ningo hetaiterei umi kópia ojejapo vaʼekue a máno Ñandejára Ñeʼẽgui ymaiterei guarémava. Ha peteĩva umívape oĩramo peteĩ párte ojavy hague pe okopia vaʼekue, ikatúnte ñakompara umi ótro kópia rehe, ha upéicha ikatúma japilla moõitépa la ojejavy kuri (reikuaasevéramo ko témagui, ehecha pe artíkulo “¿Se ha cambiado o manipulado la Biblia?”, oĩva jw.org-pe).

Epensamína por ehémplo umi kuatiañeʼẽ hérava rehe Rollos del Mar Muerto, otopa vaʼekue pe puévlo beduino ag̃ui pe Mar Muértogui áño 1947-pe. Ojapóma ningo mas de 2.000 áño ojeskrivi hague umi kuatiañeʼẽ, péro umi expérto okompara la heʼíva umívape ha la heʼíva Ñandejára Ñeʼẽme. ¿Reikuaápa mbaʼépa ohechakuaa hikuái?

Umi expérto ostudia porã ha okompara umi manuskríto itujavéva, ha upéicha ohechakuaa hikuái noñekambiái hague pe mensáhe orihinál oĩva Ñandejára Ñeʼẽme. * Ikatu ñaime segúro Ñandejára okuida porã hague Iñeʼẽ rehe og̃uahẽ hag̃ua ñane tiémpo peve.

Upéicharõ, ikatu jalee Ñandejára Ñeʼẽ ha ñaime segúro noñekambiapái hague la heʼíva pype. Jahecha rire upéva, ñamañamína koʼág̃a mbaʼépa ikatu ñaaprende Ñandejáragui umi profetakuéra rupive.