“Peheja vaʼerã pe aguánte penembokatupyry”
“Peheja vaʼerã pe aguánte penembokatupyry, ikatu hag̃uáicha perekopaite peikotevẽva, peneresãi opa mbaʼépe ha pejapo porã opaite mbaʼe.” (SANT. 1:4)
PURAHÉI: 135, 139
1, 2. a) ¿Mbaʼépa ñaaprende Gedeón ha umi 300 isoldádogui? (Ehecha pe taʼanga oĩva iñepyrũme.) b) Ohechaukaháicha Lucas 21:19, ¿mbaʼérepa iñimportánte ñaaguanta?
GEDEÓN ha isoldadokuéra oñorairõ hína peteĩ gérra ijetuʼúva, ha ikaneʼõitereíma hikuái. Pe pyhare pukukue omuña oúvo hikuái 32 kilómetrorema umi madianítape ha umi omoirũvape chupekuéra. ¿Mbaʼépa oiko upe rire? La Biblia heʼi: “Og̃uahẽ Jordánpe Gedeón umi 300 kuimbaʼe ndive, ha kaneʼõnguére ohasa hikuái pe ysyry”. Péro upérõ noganáiti hikuái pe gérra, pórke hemby gueteri 15.000 soldádo enemígo. Koʼãva ningo heta áñorema omaltrata umi isrraelítape. Upévare Gedeón ha umi 300 soldádo ndaikatúi oheja reívo chupekuéra. Upémarõ osegi hikuái omuña iñenemigokuérape ohundipa peve chupekuéra (Juec. 7:22; 8:4, 10, 28).
2 Ñande avei ñañorairõ peteĩ gérra ijetuʼuetereíva ha ñanemokaneʼõva. Ñane enemigokuéra hína Satanás, ko múndo aña oĩva ipoguýpe ha ñane imperfeksión. Ñande apytépe oĩ ermáno ha ermána heta áñorema ogerreáva koʼã mbaʼéndi, ha Jehová ñanepytyvõ rupi, heta vésema ñagana ko ñorairõ. Péro jaikuaaháicha neʼĩra gueteri opa ko gérra. Sapyʼánte ikatu ñanekaneʼõma ñañorairõ hague, térã ñahaʼarõ hague oñehundi ko múndo. Jesús heʼi vaʼekue Lucas 21:19). ¿Mbaʼépa heʼise pe aguánte? ¿Mbaʼépa ñanepytyvõta ñaaguanta hag̃ua? ¿Mbaʼépa ikatu ñaaprende umi oaguantáma vaʼekuégui heta mbaʼe ijetuʼúva? Ha, ¿mbaʼéichapa ikatu ‘jaheja pe aguánte ñanembokatupyry’? (Sant. 1:4.)
voi umi ára pahápe jahasataha heta provléma ijetuʼúva, ha oĩtaha ñandepersegíva. Péro heʼi avei ñaaguantáramo, ikatuha ñagana ko gérra (elee¿MBAʼÉPA HEʼISE PE AGUÁNTE?
3. ¿Mbaʼépa heʼise pe aguánte?
3 La Bíbliape ojepuru jave pe palávra aguánte ndeʼiséi jagueropuʼakanteha peteĩ situasión ijetuʼúva. Heʼise avei ñambohovái porãha umi provléma. Ñaaguantárõ ikatúta ñandepyʼaguasu, ñaneñeʼẽrendu ha ñanepasiénsia. Peteĩ lívro heʼi: “Pe aguánte ñanepytyvõ ani hag̃ua ñañentrega jahasa jave umi situasión ipohýiva ha jajerovia mbarete hag̃ua. Ñaaguanta jave, umi provléma nañandereitýi. Avei ñanepytyvõ ñañekonsentra hag̃ua umi mbaʼe porã jahupytysévare, ha ani hag̃ua ñapensaiterei ñane situasiónre”.
4. ¿Mbaʼérepa ikatu jaʼe pe mborayhu ñanepytyvõha ñaaguanta hag̃ua?
4 Pe mborayhu ñanepytyvõ ñaaguanta hag̃ua (elee 1 Corintios 13:4, 7). Por ehémplo, jahayhu rupi Jehovápe ikatu jagueropuʼaka oimeraẽ mbaʼe haʼe opermitíva jahasa (Luc. 22:41, 42). Jahayhu rupi ñane ermanokuérape ikatu ñaaguanta idefektokuéra (1 Ped. 4:8). Jahayhu rupi ñane ména térã ñane rembirekópe, ikatu ñaaguanta umi ‘provléma’ ohasáva umi matrimónio oĩ porãva jepe. Ha peichagua mborayhu ñanepytyvõ ñamombareteve hag̃ua ñane matrimónio (1 Cor. 7:28).
¿MBAʼÉPA ÑANEPYTYVÕTA ÑAAGUANTA HAG̃UA?
5. ¿Mbaʼérepa Jehová añoite ikatu ñanepytyvõ porã ñaaguanta hag̃ua?
5 Jajerure Jehovápe ñanemombarete hag̃ua. La Biblia heʼi: “Ñandejára ningo ñanemombarete ñaaguanta ha ñanekonsola hag̃ua” (Rom. 15:5). Jehová añoite ikatu ñanepytyvõ porãve, pórke haʼe ontende porã umi mbaʼe jahasa vaʼekue yma, mbaʼépa jahasa koʼág̃a, ha mbaʼéichapa ñañeñandu. Upévare haʼe oikuaa mbaʼépa ñaikotevẽ ikatu hag̃uáicha ñaaguanta. La Biblia heʼi: “Umi orrespetáva Ñandejárape, orresivi chugui umi mbaʼe oipotáva. Haʼekuéra ojerure jave ajúda, katuete haʼe ohendu ha osalva chupekuéra” (Sal. 145:19, NM). Péro, ¿mbaʼéichapa Jehová orresponde ñane orasión jajerure jave chupe ajúda ñaaguanta hag̃ua?
6. ¿Mbaʼéichapa Jehová ñanepytyvõ ñambohovái jave peteĩ provléma?
6 (Elee 1 Corintios 10:13.) Jajeruréramo Jehovápe ajúda ñaaguanta hag̃ua peteĩ provléma ijetuʼúva, haʼe katuete ohechaukáta ñandéve ‘mbaʼéichapa ñasẽta chugui’. Por ehémplo, ikatu oipeʼaite ñandehegui pe provléma jahasáva, térã ñanepytyvõ ikatu hag̃uáicha ñanepasiénsia ha javyʼa ijetuʼúramo jepe (Col. 1:11). Jehová oikuaa porã moõite pevépa ikatu ñaaguanta, upévare nopermitimoʼãi jahasa peteĩ mbaʼe ikatuʼỹva jagueropuʼaka.
7. ¿Mbaʼérepa tekotevẽ ñañealimenta porã espirituálmente? Emoĩ peteĩ ehémplo.
7 Ñamombarete ñande jerovia umi aliménto espirituál rupive. ¿Mbaʼérepa tekotevẽterei ñamombarete ñande fe? Ñapensamína ko ehémplore: Peteĩ persóna ojupíva ohóvo peteĩ montáña ijyvatetereívape, hoʼu vaʼerã umi aliménto omeʼẽtava chupe fuérsa oaguanta hag̃ua. Por ehémplo hoʼu vaʼerã umi aliménto normálmente ñande rete oikotevẽva tres diarãrupi. Péicha avei, ñande jaaprovechapaite vaʼerã umi aliménto espirituál ikatu hag̃uáicha ñaaguanta og̃uahẽ meve pe fin. Tekotevẽterei siémpre ñamboyke tiémpo jajapo hag̃ua ñande estúdio personál ha jaha hag̃ua rreunionhápe. Péicha ñande fe naikangymoʼãi (Juan 6:27).
8, 9. a) Heʼiháicha Job 2:4, 5, ¿mbaʼépa ikatu jahechauka jahasa jave peteĩ pruéva ijetuʼúva? b) ¿Mbaʼérehepa ikatu ñapensa upe moméntope?
Job 2:4, 5, NM). Heta tiémpo upe rire, Satanás oñemosẽma yvágagui, péro lomímonte osegi oñeʼẽ vai Ñandejára siervokuéra iñeʼẽrendúvare (Apoc. 12:10). Ha koʼag̃aite peve heʼínte gueteri hína ñande jaserviha Jehovápe ñaneinteresádo rupi. Haʼe ndoipotái ñañemoĩ Ñandejára goviérno poguýpe, síno oipota ñamboyke chupe. Upévare, jahasa jave umi provlémare, ñanemanduʼa vaʼerã ikatuha jahechauka añetehápepa jaipota Jehová ñanegoverna.
8 Ani ñanderesarái siémpre ñaneñeʼẽrendu vaʼerãha Jehovápe. Umi provléma ningo katuete ñanembohasa asy, péro omeʼẽ ñandéve oportunida jahechauka hag̃ua ñaneñeʼẽrenduha Ñandejárape. Satanás ndoipotái Jehová ogoverna ko univérso. Haʼe oinsulta kuri Jehovápe heʼírõ guare yvyporakuéra oserviha chupe por interés. Por ehémplo, Job tiémpope, Satanás heʼi vaʼekue: “Peteĩ persóna ningo ojapóta oimeraẽ mbaʼe hekove rehehápe”. Ha Job rehe katu heʼi voi: “Emondomína chupe peteĩ mbaʼasy vai osufri hag̃ua, ha rehecháta nemaldesitaha nde rovaitépe” (9 Rehasa jave peteĩ situasión ijetuʼúvare, eñeimahinami Satanás ha idemoniokuéra omañaha hína nderehe, ha heʼi hikuái nereaguantamoʼãiha. Eñeimahina avei Jehová, ñande rréi Jesucristo, umi unhído orresusitámava yvágape ha hetaiterei ánhel omañaha avei nderehe. Péro haʼekuéra katu nemokyreʼỹ ani hag̃ua reñentrega, ha ovyʼaiterei ohechávo neñeʼẽrendu ha resegiha reaguanta ijetuʼúramo jepe. Upéi katu rehendu Jehová heʼiha ndéve: “Nearandúkena che raʼy ha chembovyʼa, péicha ikatúta ambohovái pe oñeʼẽ vaívape cherehe” (Prov. 27:11, NM).
10. ¿Mbaʼéichapa ikatu jasegi Jesús ehémplo ñambohovái jave umi pruéva ijetuʼúva?
10 Ñapensa umi mbaʼe porã jahupytýtavare ñaaguanta haguére. Epensamína reviahaha rehóvo nde veíkulope pyhare peteĩ lugár ndaiporihápe mbaʼeve, ha upeichahágui tapekuʼáre oñembyai la nde áuto. Heta reñehaʼã remoarranka hag̃ua, péro ndaipóri káso. Ha ivaiveha katu, upérupi ndaipóri ni peteĩ tallér. Upéi nemanduʼa sapyʼa pe sigiénte siudápe oĩha peteĩ neamígo orekóva tallér. Péro ikatu hag̃uáicha reg̃uahẽ hendápe, remyañámante vaʼerã la nde veíkulo upe lugár peve. Sapyʼánte ningo oñepresenta avei ñandéve umi provléma ijetuʼuetereíva ha jajepyʼapyeterei. Jesús oĩrõ guare ko yvy ape ári ohasa vaʼekue avei heta mbaʼe ipohýiva. Iñenemigokuéra oñembohory hese, heta ombosufri chupe ha oñemosaingo chupe peteĩ yvyráre. Oime vaʼerã haʼe núnka ndohasái peteĩ situasión ijetuʼuvéva upévagui. ¿Mbaʼépa oipytyvõ Jesúspe ogueropuʼaka hag̃ua? La Biblia heʼi haʼe oaguanta hague “oñemoĩgui henondépe peteĩ mbaʼe ombovyʼaitereítava chupe” (Heb. 12:2, 3). Jesús opensa meme umi mbaʼe ohupytýtavare oaguanta haguére, koʼýte opensa oipytyvõtaha oñemopotĩ hag̃ua Ñandejára réra, ha ohechaukataha oapojaha Jehová goviérno. Haʼe oikuaa porã umi pruéva ohasáva opataha, péro pe prémio orresivítava yvágape odurataha pára siémpre. Ñande ñambohovái jave umi situasión ijetuʼúva, iporãta jasegíramo iñehémplo. Ikatu avei ñapensa umi mbaʼe porã jahupytýtavare ñaaguanta haguére, ha ani ñanderesarái umi provléma jahasáva ndaipukuetereimoʼãiha.
¿MBAʼÉPA IKATU ÑAAPRENDE ‘UMI OAGUANTÁMA VAʼEKUÉGUI’?
11. ¿Mbaʼérepa ideprovécho jaikuaa mávapa “umi oaguanta vaʼekue heta mbaʼe ijetuʼúva”?
11 Heta Ñandejára siérvo yma guare ohasa avei heta mbaʼe ijetuʼúva ñandéicha. Upévare Pablo omokyreʼỹ chupekuéra oaguanta hag̃ua umi pruéva oúva Satanásgui. Haʼe heʼi: “Peñemoĩ mbaretéke ikóntrape ha pejerovia mbarete, peikuaágui enterove pene ermáno oĩva ko múndope oaguantaha avei koʼãichagua 1 Ped. 5:9). Upéicharõ, ideprovechoitereíta ñandéve jaikuaáramo máva mávapa “umi oaguanta vaʼekue heta mbaʼe ijetuʼúva”. Upéva ñanemokyreʼỹta jajapo hag̃ua Jehová heʼíva. Avei ohechaukáta ñandéve ñasẽ porãtaha ñaneñeʼẽrendúramo, ha ñanemomanduʼáta Jehová katuete ñanevendesitaha (Sant. 5:11). Jahechamína koʼág̃a unos kuánto Ñandejára siervokuéra yma guare ehémplo. [1]
jehasa asy” (12. ¿Mbaʼépa ñaaprende umi keruvín oĩ vaʼekuégui Hardín de Edénpe?
12 Umi keruvín. Koʼã ánhel ningo ipuésto yvateterei. Péro Jehová omeʼẽ vaʼekue algúnope peteĩ asignasión idiferentetéva pe ojepokuaávagui ojapo hikuái. Adán ha Eva opekárõ guare, ombou algúnope ko yvy ape ári. Umi keruvín ehémplo ñanemokyreʼỹ ñaaguanta hag̃ua jarresivi jave peteĩ asignasión ijetuʼúva. La Biblia heʼi: “Pe Hardín de Edén éste gotyo omoĩ umi keruvín ha peteĩ espáda hendýva ha ojeréva kontinuadoite, omboty hag̃ua pe tape ohóva pe yvyramáta oporomoingovévape” (Gén. 3:24, NM). [2] (Elee pe nóta oĩva opakuévo ko artíkulo.) Jahechaháicha, la Biblia ndeʼíri umi keruvín ojekeha hague, ni opensa hague iñimportantetereiha ojapo hag̃ua peichagua traváho. Haʼekuéra ndojeavurríri ni ndohejareíri iñasignasión. Upéva rangue, ojapopa hikuái itraváho. Posívlemente umi keruvín opyta kuri pe Hardínpe mas de 1600 áño, ou peve pe dilúvio.
13. ¿Mbaʼépa oipytyvõ Jóbpe ogueropuʼaka hag̃ua hetaite sufrimiénto?
13 Job ehémplo. Sapyʼánte ikatu ñañedesanima peteĩ ñane hénte térã ñane amígo heʼi haguére ñandéve peteĩ mbaʼe ñanemoñeñandu vaíva. Ýrõ jaju ñanderasykatu térã omano ñandehegui peteĩ persóna jahayhúva. Tahaʼe haʼéva pe situasión jahasáva, Job ehémplo tuichaiterei ñanepytyvõta (Job 1:18, 19; 2:7, 9; 19:1-3). Job ningo ndoikuaái kuri mbaʼérepa oiko hese hetaite mbaʼe vai, upéicharõ jepe noñentregái. ¿Mbaʼépa oipytyvõ chupe oaguanta hag̃ua? Primero: haʼe ohayhu Jehovápe ha nombopochyséi chupe (Job 1:1). Job ojapose Jehovápe ogustáva iporã térã ivai jave isituasión. Segundo: Jehová oñeʼẽ kuri Jóbpe ikreasiónre, ikatu hag̃uáicha omomanduʼa chupe ipoderosoitereiha. Upéva oipytyvõ Jóbpe oĩ hag̃ua segúro Jehová oaliviataha chupe isufrimiénto itiempoitépe (Job 42:1, 2). Ha upeichaite oiko. “Jehová oipeʼapaite Jóbgui umi mbaʼe hetaitéma ombosufríva chupe. Upéi Jehová tuicha ovendesi Jóbpe, ha omeʼẽ chupe el dóvle pe oreko vaʼekuégui”. Péicha “Job oikove heta tiémpore, ha oiko trankílo ha vyʼápe omanoite peve” (Job 42:10, 17, NM).
14. Ohechaukaháicha 2 Corintios 1:6, ¿mbaʼéichapa Pablo ehémplo oipytyvõ hetápe?
2 Cor. 11:23-29). Pablo núnka noñentregái, ha péicha omoĩ ehémplo porã oipytyvõva hetápe oaguanta hag̃ua (elee 2 Corintios 1:6). Ñande avei ñaaguantáramo jahasa asy jave, ñane ehémplo oipytyvõta heta ermánope oaguanta hag̃ua.
14 Apóstol Pablo ehémplo. ¿Oĩpa oñemoĩva nderehe térã ndepersegíva? ¿Ndépa reservi hína kómo ansiáno térã superintendénte de sirkuíto ha sapyʼánte ndereikuaavéima mbaʼépa rejapóta hetaiterei ne rembiapógui? Oiméramo rehasa hína koʼã situasiónre, Pablo ehémplo tuicha nepytyvõta. Chupe heta ojepersegi vaʼekue ha avei ojepyʼapyeterei umi ermánore (¿‘JAHEJÁTAPA PE AGUÁNTE ÑANEMBOKATUPYRY’?
15, 16. a) ¿Mbaʼéichapa pe aguánte ‘ñanembokatupyry’? b) Emoĩ mokõi ehémplo ohechaukáva mbaʼéichapa pe aguánte ñanembokatupyry.
15 Jehová ogia Santiágope ijespíritu sánto rupive oskrivi hag̃ua: “Peheja vaʼerã pe aguánte penembokatupyry, ikatu hag̃uáicha perekopaite peikotevẽva, peneresãi opa mbaʼépe ha pejapo porã opaite mbaʼe” (Sant. 1:4). ¿Mbaʼéichapa pe aguánte ‘ñanembokatupyry’? Jahasa jave peteĩ provléma ijetuʼúvare ikatu ñañemeʼẽ enkuénta tekotevẽha ñanepasiensiave, ñandeagradesído ha japorohayhuve. Ha ñaaguantáramo pe pruéva, jahechauka porãve koʼã kualida, ha ñamehorave kómo kristiáno.
Ñaaguantáramo ñambohovái jave umi provléma, katuete ñamehoravéta kómo kristiáno (Ehecha párrafo 15 ha 16)
16 Pe aguánte ñanepytyvõ ñamehorave hag̃ua kómo kristiáno, upévare ani jadesovedese Jehovápe nañaaguantaséi haguére peteĩ provléma ijetuʼúva. Ñapensamína mokõi ehémplore. Primero: Ñamoĩ chupe ñañehaʼãha hína jaipeʼa ñane akãgui peteĩ pensamiénto vai. Péicha jave ani jasegi ñapensa upévare, ha jajerure Jehovápe tañanepytyvõ jaipeʼa hag̃ua ñane akãgui upe mbaʼe naiporãiva. Segundo: Ñamoĩ chupe peteĩ ñane hénte ndoipotaiha jaservi Jehovápe. Péicha jave ani ñañentrega, síno jasegi jaservi Jehovápe. Jajapóramo upéva jajeroviavéta hese. Ani ñanderesarái tekotevẽha ñaaguanta ikatu hag̃uáicha Jehová ñandeguerohory (Rom. 5:3-5; Sant. 1:12).
17, 18. a) ¿Mbaʼérepa iñimportantete ñaaguanta ipahaite peve? Emoĩ peteĩ ehémplo. b) Koʼág̃a hiʼag̃uímarõ pe fin, ¿mbaʼéguipa ñaime vaʼerã segúro?
17 Ñande ningo tekotevẽterei ñaaguanta ipahaite peve, ndahaʼéi peteĩ tiémporente. Ñapensamína ñaimeha rríope peteĩ várkope, ha peichaháguinte pe várko oñepyrũha oñapymi. Jajesalvaséramo, tekotevẽ jayta pe orílla peve. Péicha avei, ñaimeséramo pe paraísope tekotevẽ ñaaguanta ipahaite peve. Jasegíkena apóstol Pablo ehémplo. Péicha ikatúta jaʼe: “Naorekaneʼõi” (2 Cor. 4:1, 16).
18 Jahechaháicha, apóstol Pablo oĩ vaʼekue segúro Jehová oipytyvõtaha chupe oaguanta hag̃ua ipahaite peve. Ñande avei ñapensa vaʼerã upéicha. Pablo heʼi: “Che añetehápe aguerovia ni ñemano, ni jeikove, ni ánhel, ni goviérno, ni umi mbaʼe koʼág̃a oĩva koʼápe, ni umi mbaʼe oútava, ni umi podér, ni umi mbaʼe oĩva yvate ni ipypukuhápe, ni mbaʼeveichagua kreasión, ndaikatumoʼãiha ñandepeʼa Ñandejára mborayhúgui, ojehechaukáva ñande Ruvicha Cristo Jesús rupive” (Rom. 8:37-39). Sapyʼánte ningo ñanekaneʼõnte voi, péro iporã jasegi Gedeón ha umi 300 isoldádo ehémplo. Haʼekuéra noñentregái ‘ikaneʼõramo jepe’ (Juec. 8:4). ¿Ndépa resegíta iñehemplokuéra?
^ [1] (párrafo 11) Ñanemokyreʼỹetereíta avei jaleéramo Ñandejára siervokuéra koʼag̃agua rembiasakue. Por ehémplo, ikatu jalee ñane ermanokuéra ohasa vaʼekue Etiopía, Malaui ha Rúsiape, osẽva Anuario del áño 1992, 1999 ha 2008.
^ [2] (párrafo 12) La Biblia ndeʼíri mboy keruvínpepa Jehová oipuru rakaʼe okumpli hag̃ua upe asignasión.