¿Jahechakuaápa tekotevẽha ñambokatupyry ótrope?
“Che pomboʼéta heta mbaʼe ideprovéchova.” (PROV. 4:2, TNM)
PURAHÉI: 93, 96
1, 2. ¿Mbaʼérepa iñimportánte ñambokatupyry umi ipyahúvape?
JESÚS ningo opredika meme vaʼekue umi notísia porã oñeʼẽva Ñandejára Rréinore. Upéicharõ jepe, oipuru avei itiémpo ombokatupyry hag̃ua idisipulokuérape. Oipytyvõ chupekuéra omboʼekuaa hag̃ua ha oñangarekokuaa hag̃ua Jehová siervokuérare (Mat. 10:5-7). Felipe haʼe vaʼekue peteĩ kristiáno odedikáva heta tiémpo predikasiónpe. Péro avei omboʼe vaʼekue itajyrakuérape opredikakuaa hag̃ua (Hech. 21:8, 9). Ñane tiémpope, ñande avei ñambokatupyry vaʼerã ótrope.
2 Ko yvy tuichakuére, oĩ heta persóna oaprende ramóva pe añetegua ha neʼĩrava ojevautisa. Koʼã persóna oikotevẽ oñembokatupyry chupekuéra. Ñaipytyvõ vaʼerã koʼã estudiántepe ontende hag̃ua mbaʼérepa iñimportánte haʼekuéra voi olee ha ostudia la Biblia. Avei ñambokatupyry vaʼerã chupekuéra opredika ha omboʼe hag̃ua ótrope umi marandu porã. Umi ermáno ojevautisa ramóva oikotevẽ avei ajúda, ikatu hag̃uáicha kon el tiémpo oiko chuguikuéra siérvo ministeriál térã ansiáno. Entéro ermáno ha ermána ikatu oipytyvõ umi ipyahuvévape oprogresa hag̃ua (Prov. 4:2).
EMBOʼE NE ESTUDIÁNTEPE OSTUDIA HAG̃UA LA BIBLIA IJEHEGUIETE
3, 4. a) ¿Mbaʼépa heʼi vaʼekue Pablo jajapo vaʼerãha jahupyty hag̃ua heta mbaʼe porã predikasiónpe? b) ¿Mbaʼépa ñande raẽ jajapo vaʼerã ikatu hag̃uáicha ñamokyreʼỹ ótrope ostudia hag̃ua la Biblia?
3 Entéro jaservíva Jehovápe tekotevẽ jalee ha jastudia la Biblia ikatu hag̃uáicha jaikuaa Ñandejára rembipota. Apóstol Pablo oñeʼẽ vaʼekue upévare umi ermáno Colosasguápe. Haʼe heʼi: “Akóinte roñemboʼe penderehehápe ha rojerure Ñandejárape peikuaa porã hag̃ua hembipota, pereko hag̃ua pe arandu teete ha pentende hag̃ua opa mbaʼe pe espíritu rupive. Péicha ikatúta peiko Jehová oipotaháicha, haʼe pendeguerohory hag̃ua opa mbaʼépe. Ha pesegíta pejapo opaichagua tembiapo porã ha peikuaa porãve Ñandejárape” (Col. 1:9, 10). ¿Mbaʼérepa tekotevẽ kuri koʼã kristiáno olee ha ostudia Ñandejára Ñeʼẽ? Pórke péichamante iñarandúta hikuái ha oikóta “Jehová oipotaháicha”. Avei oipytyvõta chupekuéra ojapo hag̃ua “opaichagua tembiapo porã”, por ehémplo opredika pe marandu porã. Upéicharõ, ñamboʼe jave la Biblia ñane estudiántepe, tekotevẽ ñaipytyvõ chupe ontende hag̃ua iñimportanteha olee ha ostudia meme la Biblia, pórke upéva oipytyvõta chupe oservi hag̃ua Jehovápe.
4 Péro ani ñanderesarái ñande raẽ jastudia vaʼerãha la Biblia, ikatu hag̃uáicha ñamokyreʼỹ ñane estudiántepe ojapo hag̃ua avei upéva. Jajepokuaáramo jalee meme Ñandejára Ñeʼẽ ha jajepyʼamongeta hese, umi mbaʼe ñaaprendéva ideprovéchota ñandéve predikasiónpe ha hetave mbaʼépe. Por ehémplo, oñeporandúramo ñandéve predikasiónpe peteĩ mbaʼe hasýva ñarresponde hag̃ua, ikatúta jaipuru la Biblia ñambohovái hag̃ua umi pregúnta. Térã jalee jave mbaʼéichapa Jesús, Pablo ha ambue kristiáno noñentregái ha osegi opredika, ñanekyreʼỹvéta jasegi hag̃ua japredika ijetuʼúramo jepe. Avei ikatu ñamombeʼu ñande rapichakuérape umi mbaʼe ñaaprendéva la Bíbliagui, ha mbaʼéichapa umíva ñanepytyvõ. Péicha jajapóramo, ñamokyreʼỹta chupekuéra ikatu hag̃uáicha ostudia porãve la Biblia ha oñevenefisia chugui.
5. Emombeʼu mbaʼéichapa reipytyvõkuaa ne estudiántepe ikatu hag̃uáicha ojepokuaa ostudia la Biblia.
5 ¿Mbaʼéichapa ikatu reipytyvõ ne estudiántepe ojepokuaa hag̃ua ostudia la Biblia? Ikatu rehechauka chupe mbaʼéichapa oprepara vaʼerã pe informasión pestudiátava. Por ehémplo, ere chupe oheka hag̃ua umi téxto oĩva umi párrafope. Oiméramo pestudia lívro ¿Mbaʼépa ñanemboʼe la Biblia?, ikatu ere chupe olee hag̃ua umi informasión oĩva pe párte héravape “Notakuéra”. Avei ikatu ehechauka chupe mbaʼéichapa ojeprepara vaʼerã rreunionrã ikatu hag̃uáicha okomenta. Iporãta reanimáramo chupe oleepaite hag̃ua umi rrevísta Ñemañaha ha ¡Despertad! Ha oiméramo oikuaase peteĩ mbaʼe la Bíbliagui, emokyreʼỹkuaa chupe oipuru hag̃ua ikomputadórape Watchtower Library térã pe VIVLIOTÉKA OĨVA INTERNÉTPE Watchtower. Ñane estudiánte oipurúramo koʼã mbaʼe, igústota chupe ostudia la Biblia, ha katuete oaprendesevéta.
6. a) ¿Mbaʼéichapa ikatu reipytyvõ ne estudiántepe ovalora hag̃ua la Biblia? b) ¿Mbaʼépa ojaposéta peteĩ estudiánte ohayhúva Ñandejára Ñeʼẽ?
6 Ñambostudia jave peteĩ persónape, jaipota haʼe ohechakuaa la Biblia ivaliosoitereiha, pórke oipytyvõ chupe oikuaa porãve hag̃ua Jehovápe. Ñamboʼe vaʼerã ñane estudiántepe odisfruta hag̃ua ostudia jave Ñandejára Ñeʼẽ. Péro ndajajopýi vaʼerã hendive. Amáske oaprende la Biblia omboʼéva, haʼe oñeñandúta peteĩ salmísta oñeñandu haguéicha. Haʼe heʼi vaʼekue: “Che katu añemoag̃ui Ñandejárare, ha ndaipóri mbaʼeve iporãvéva upévagui. Che añemoag̃ui Jehováre cheprotehe hag̃ua, haʼe hína pe Rréi Todopoderóso” (Sal. 73:28, TNM). Añetehápe, Jehová espíritu oipytyvõta pe estudiánte oikosévape iñamígoramo.
ÑAIPYTYVÕ UMI IPYAHÚVAPE OPREDIKA HA OPOROMBOʼEKUAA HAG̃UA
7. ¿Mbaʼéichapa Jesús ombokatupyry ijapostolkuérape opredika hag̃ua? (Ehecha pe taʼanga oĩva iñepyrũme.)
7 Jesús ombokatupyry vaʼekue ijapostolkuérape, ha ñande ikatu ñaaprende chugui heta mbaʼe. Haʼe opredika hendivekuéra, ha haʼekuéra ohecha mbaʼéichapa haʼe omboʼe umi héntepe. Jesús omeʼẽ avei instruksión umi apóstolpe opredika hag̃ua (Mat. kap. 10). [1] (Elee pe nóta oĩva opakuévo ko artíkulo.) Umi apóstol pyaʼe oaprende mbaʼéichapa omboʼe vaʼerã pe añetegua (Mat. 11:1). Jahechamína mokõi mbaʼe ikatúva ñamboʼe umi ipyahúvape ñasẽ jave japredika hendivekuéra.
8, 9. a) ¿Mbaʼéichapa Jesús otrata vaʼekue umi héntepe? b) ¿Mbaʼéichapa ikatu ñaipytyvõ umi ipyahúvape oñemongetakuaa hag̃ua umi héntendi?
8 Ñamboʼe chupekuéra oñemongetakuaa hag̃ua. Jesús oporomboʼérõ guare oñeʼẽmi vaʼekue heta héntepe, péro avei omboʼe peteĩteĩme. Haʼe siémpre iñamávle. Por ehémplo, peteĩ jey oñeʼẽ peteĩ kuña oho vaʼekuépe onohẽ y peteĩ pósogui, oĩva siuda de Sicar ypýpe (Juan 4:5-30). Ótra vuéltape katu oñemongeta peteĩ impuésto kovrahándi hérava Mateo Leví. Jesús oinvita ko kuimbaʼépe omoirũ hag̃ua chupe, ha Mateo oasepta. Upéi Mateo oinvita Jesús ha unas kuánta persónape okaru hag̃ua hógape. Upépe Jesús oñemongeta avei heta héntendi (Mat. 9:9; Luc. 5:27-39).
9 Peteĩ kuimbaʼe hérava Natanael oñeʼẽ vai vaʼekue umi Nazaretgua rehe, haʼéva Jesús válle. Péro Jesús lomímonte iñamávle hendive. Upéicha rupi Natanael okambia opensáva Jesúsre ha oikuaaseve chugui (Juan 1:46-51). ¿Mbaʼépa ñaaprende Jesús ehémplogui? Ñanderorýramo ñande rapichakuérandi, katuete ñanerendusevéta hikuái japredika jave. [2] Ñamboʼékena umi ipyahúvape Jehová organisasiónpe, iñamávle ha oporotratakuaa hag̃ua. Péicha opredikáta hikuái kyreʼỹme.
10-12. a) ¿Mbaʼépa ojapo vaʼekue Jesús oĩ jave ohenduséva chupe? b) ¿Mbaʼéichapa ikatu ñaipytyvõ umi ipyahúvape oporomboʼekuaa hag̃ua?
10 Ñamboʼe chupekuéra omboʼekuaa hag̃ua umi ohendu porãvape. Jesús ningo siémpre oreko vaʼekue heta mbaʼe ojapo vaʼerã. Péro umi hénte ohenduse jave chupe, haʼe oñemotiémpo ha omboʼe chupekuéra heta mbaʼe. Por ehémplo, peteĩ jey hetaiterei hénte oho hendápe pe y kóstape. Upémarõ Jesús ojupi peteĩ kanóape Pédrondi, ha upe guive omboʼe chupekuéra. Upéi omboʼese avei Pédrope peteĩ mbaʼe iñimportánteva. Upévare, peteĩ milágro rupive oipytyvõ chupe onohẽ hag̃ua hetaiterei pira. Upéi Jesús heʼi Pédrope: “Koʼág̃a guive romboʼéta rejagarra hag̃ua hénte, rejagarraháicha pira”. La Biblia omombeʼu mbaʼépa ojapo Pedro ha umi oĩva hendive: “Haʼekuéra ogueru jey umi kanóa y rembeʼýpe, ha oheja opa mbaʼe ha omoirũ Jesúspe” (Luc. 5:1-11).
11 Peteĩ kuimbaʼe hérava Nicodemo Juan 3:1, 2). Jesús siémpre omboyke tiémpo ikatu hag̃uáicha omboʼe pe añetegua, ha omombarete umi hénte jerovia. Ñande avei ñaime vaʼerã dispuésto jaha jeývo javisita umi persónape peteĩ óra opyta porãvehápe chupekuéra. Ha avei ñañemotiémpo vaʼerã ñaipytyvõ hag̃ua umi héntepe ikatu hag̃uáicha ontende la Biblia heʼíva.
oaprendeseve vaʼekue Jesúsgui. Péro haʼe oĩ pe trivunál hudío iñimportantevévape. Upévare, oho Jesús rendápe pyhare rei, okyhyje rupi ojehechárõ g̃uarã chupe hendive. Jesús orresivi porãnte Nicodémope, ha oñemotiémpo omyesakã hag̃ua chupe heta mbaʼe iñimportánteva (12 Japredika jave umi ipyahúvandi, ñamboʼe vaʼerã chupekuéra ovisita jey hag̃ua umi ohendu porã vaʼekuépe. Avei ñainvitakuaa chupekuéra ojapo hag̃ua ñanendive ñande rrevisíta térã ñande estúdio. Péicha ikatupyrýta hikuái omboʼe hag̃ua la Biblia, ha ovyʼaitereíta ikatu haguére oipytyvõ ótrope oikuaa hag̃ua Jehovápe. Upe rire, haʼekuéra avei ovyʼaitereíta ojapóvo irrevisíta ha ijestúdio. Avei oaprendéta hikuái ipasiénsia vaʼerãha, ha ani hag̃ua oñentrega ndotopái jave umi persónape hogakuérape (Gál. 5:22; ehecha pe rrekuádro “ Pe ermáno noñentregái.”).
ÑAMBOʼE UMI IPYAHÚVAPE IMBAʼERECHAKUAA HAG̃UA
13, 14. a) ¿Mbaʼépa ñaaprende umi kristiáno yma guare ehémplogui? b) ¿Mbaʼéichapa ikatu ñamboʼe umi imitãvape ha umi ipyahúvape ohayhu hag̃ua ermanokuérape?
13 Jehová oipota isiervokuéra ojoayhu ha oñopytyvõmba (elee 1 Pedro 1:22 ha Lucas 22:24-27). La Biblia heʼi Jesús ojapo hague ikatúva guive oporopytyvõ hag̃ua, ha omeʼẽ voi hekove ñanderehehápe (Mat. 20:28). Síglo primérope oĩ vaʼekue peteĩ kristiána hérava Dorcas. “Haʼe imbaʼeporãiterei ha oipytyvõ umi oikotevẽvape” (Hech. 9:36, 39.) Ótra kristiána hérava María, “heta ombaʼapo” vaʼekue umi ermáno Romagua rehehápe (Rom. 16:6). Ñande ningo ñamboʼe vaʼerã umi ipyahúvape ohechakuaa hag̃ua hikuái iñimportantetereiha ñaipytyvõ ñane ermanokuérape. Péro, ¿mbaʼéichapa ikatu ñamboʼe chupekuéra upéva?
Ñamoĩkena ehémplo ñanembaʼerechakuaávo ñane ermanokuérandi (Ehecha párrafo 13 ha 14)
14 Ñainvitakuaa chupekuéra ñanemoirũ hag̃ua javisita jave umi ermáno ijedávape térã umi hasykatúvape. Tuvakuéra katu orahakuaa ifamíliape ojapo hag̃ua avei upéva, opyta porãma guive. Ansianokuéra ikatu ojerure umi ipyahúvape ha umi imitãvape, toipytyvõ chupekuéra oñangareko hag̃ua umi ermáno ijedávare. Por ehémplo, ikatu oraha chupekuéra oho jave umi ermáno rógape omyatyrõ hag̃ua algúna kósa, térã oraha jave chupekuéra tembiʼu. Umi imitãva ha umi ipyahúva Jehová organisasiónpe ohecháramo ñañangarekoha ojuehe, haʼekuéra avei ojapóta upéva. Jahechamína mbaʼépa ojapómi vaʼekue peteĩ ansiáno. Ojepredika jave umi kampañaháre, haʼe oaprovecha ha ovisita umi ermáno oikóvape upérupi, oikuaa hag̃ua mbaʼéichapa oĩ hikuái. Peteĩ mitãrusu omoirũmi vaʼekue chupe, oaprende iñehémplogui. Upéi haʼehaitéma ohecha mbaʼéichapa ikatu oipytyvõ umi ermánope (Rom. 12:10).
15. ¿Mbaʼérepa ansianokuéra tekotevẽ ombokatupyry umi ermánope?
15 Jehová oipuru kuimbaʼekuérape omboʼe hag̃ua kongregasiónpe. Upévare iñimportánte umi ermáno oñembokatupyryve oporomboʼe porã hag̃ua umi diskúrso rupive. Ansianokuéra ikatu oipytyvõ umi ermánope omehora hag̃ua. Por ehémplo, ikatu ohendu peteĩ siérvo ministeriálpe oñensaja jave idiskúrso (Neh. 8:8). [3]
16, 17. a) ¿Mbaʼéichapa Pablo ohechauka oipytyvõseha Timotéope? b) ¿Mbaʼéichapa ansianokuéra ikatu ombokatupyry umi siérvo ministeriálpe?
16 Tekotevẽterei ningo oñembokatupyry hetave ermánope oñangareko hag̃ua kongregasiónre. Pablo ohekomboʼe vaʼekue Timotéope ha heʼi chupe oipytyvõ hag̃ua avei ótrope. Pablo heʼi: “Esegíkena eñemombarete 2 Tim. 2:1, 2). Pablo oservi vaʼekue kómo ansiáno ha apóstol, upévare Timoteo oaprende heta mbaʼe chugui. Por ehémplo, oaprende ikatu hag̃uáicha opredikakuaa, ha oipytyvõ porãve hag̃ua ermanokuérape kongregasiónpe (2 Tim. 3:10-12).
Ñandejára mbaʼeporã ijojahaʼỹva rupive, upéva haʼe ohechauka Cristo Jesús disipulokuérape. Oĩ heta hénte heʼikuaáva añeteha umi mbaʼe rehendu vaʼekue chehegui; umi mbaʼe emoĩ umi kuimbaʼe iñeʼẽrendúva kárgope, péicha haʼekuéra ikatupyrýta omboʼe hag̃ua ótrope” (17 Pablo oipota vaʼekue Timoteo ikatupyry, upévare oñemotiémpo oipytyvõ hag̃ua chupe (Hech. 16:1-5). ¿Mbaʼéichapa ansianokuéra ikatu osegi Pablo ehémplo? Ikatu oinvita umi siérvo ministeriálpe ojapo hag̃ua hendivekuéra visíta de pastoréo. Péicha haʼekuéra ikatupyryvéta oporomboʼe hag̃ua, ipasiensiavéta ha oporohayhuvéta. Avei ohejáta Jehová omboʼe chupekuéra oñangareko porã hag̃ua umi ermánore (1 Ped. 5:2).
TEKOTEVẼTEREI ÑAMBOKATUPYRY ÓTROPE
18. ¿Mbaʼérepa koʼág̃arupi tekotevẽterei ñambokatupyry ótrope?
18 Koʼág̃arupi heta hetave oĩ oñemoag̃uíva Jehová organisasiónre, ha oñembokatupyry vaʼerã chupekuéra ikatu hag̃uáicha opredikakuaa. Avei oñekotevẽve ermánore oñangareko hag̃ua kongregasiónre. Jehová oipota entéro isiervokuéra ikatupyry, ha ñande jareko pe priviléhio ñaipytyvõvo umi ipyahúvape. Upévare, iñimportanteterei ñañehaʼãmbaite ñantrena ótrope Jesús ha Pablo ojapo haguéicha. Jakapasita vaʼerã opa ikatúvape, pórke ojepredikáiti vaʼerã ou mboyve pe fin.
19. ¿Mbaʼérepa nde reĩ segúro ikatuha ojehupyty heta mbaʼe porã oñepytyvõramo umi ipyahúvape?
19 ¿Ikatúpa jaʼe ifasilha ñambokatupyry ótrope? Nahániri, pórke upearã tekotevẽ ñañehaʼã ha ñamboyke tiémpo. Péro ani jajepyʼapy, Jehová ha Jesús katuete ñanepytyvõta jaikuaa hag̃ua mbaʼéichapa jajapo vaʼerã upéva. ¡Ajépa javyʼaite jahechávo umi ipyahúva oñehaʼãha kongregasiónpe ha predikasiónpe! (1 Tim. 4:10.) Péro ani ñanderesarái ñande avei ñañehaʼãmbaite vaʼerãha jasegi hag̃ua japrogresa espirituálmente, ñamehora kómo kristiáno ha ñañemoag̃uive Jehováre.
^ [1] (párrafo 7) Por ehémplo, Jesús heʼi vaʼekue idisipulokuérape tekotevẽha ojapo koʼã mbaʼe: 1) opredika Ñandejára Rréino; 2) ojerovia Jehová omeʼẽtaha chupekuéra hoʼu ha omonde vaʼerã; 3) ndojodiskutíri vaʼerã umi héntendi; 4) okonfia vaʼerã Jehováre ohasa jave hikuái persekusión; ha 5) ndokyhyjéi vaʼerã umi hénte ojaposérõ g̃uarã hesekuéra ivaíva.
^ [2] (párrafo 9) Ehecha lívro Eñembokatupyrýke Eskuéla Jaiporukuaa Hag̃ua la Biblia Rupive, páhina 62-64. Upépe retopáta heta konsého nepytyvõtava reñemongetakuaa hag̃ua umi héntendi predikasiónpe.
^ [3] (párrafo 15) Ehecha lívro Eñembokatupyrýke Eskuéla Jaiporukuaa Hag̃ua la Biblia Rupive, páhina 52-61. Upépe oĩ heta konsého oipytyvõva ermanokuérape omboʼe porãve hag̃ua kongregasiónpe.