¿Nemanduʼápa koʼã mbaʼe osẽ vaʼekuére Ñemañaha 2019-pe? Ehechamína ikatúpa rembohovái koʼã pregúnta:

¿Mbaʼépa heʼise Ñandejára promésa: “Tahaʼe haʼéva pe árma ojepurúva ne kóntrape, núnka nosẽporãmoʼãi”? (Is. 54:17).

Ikatu jajerovia Jehová ñandeprotehetaha “umi iñañáva oataka jave” (Is. 25:4, 5). Ñane enemigokuéra ndaikatumoʼãi ojapo ñanderehe peteĩ mbaʼe Jehová ndaikatumoʼãiva osolusiona (w19.01, páh. 6, 7).

Jahechávo mbaʼéichapa Ñandejára otrata vaʼekue umi Canaanguápe ha umi israelita irrevéldevape, ¿mbaʼérepa jaʼekuaa haʼe ihustoha?

Ñandejára okastiga vaʼekue umi orekóvape rrelasión sexuál oporombojeguarúva ha omaltratáva umi kuña ha mitãme. Péro ovendesi umi iñeʼẽrendúvape ha ojegiávape ihustísiare (w19.02, páh. 22, 23).

¿Mbaʼépa jajapo vaʼerã peteĩ ndahaʼéiva Testígo oñemboʼéramo ñande ñaime aja upépe?

Ikatu japytánte kirirĩháme ha jahechauka jarrespetaha upe moménto, péro ndajaʼéi vaʼerã “amén” ni nañañakaramái vaʼerã ótro póre pe orasión aja. Upe moméntope ikatu ñañemboʼe ñande pyʼapýpe (w19.03, páh. 31).

¿Mbaʼérepa ikatu jaʼe umi oavusáva mitãre ojapoha peteĩ pekádo ivaietereíva?

Pe oavusáva peteĩ mitãre opeka pe mitã kóntrape, avei pe kongregasión, umi autorida ha Ñandejára kóntrape. Umi autorida heʼíramo oñemombeʼu vaʼerãha chupekuéra upe avúso, umi ansiáno okumpli vaʼerã upe léi (w19.05, páh. 9, 10).

¿Mbaʼéichapa ikatu rekambia repensa lája?

Rejapo vaʼerã koʼã mbaʼe: Eñemboʼe Jehovápe. Ejepyʼamongeta rehecha hag̃ua mbaʼépa tekotevẽ rekambia. Ha eiporavo porã ne amigorã (w19.06, páh. 11).

¿Mbaʼéichapa ikatu jajeprepara koʼág̃ama voi ñaaguanta hag̃ua oĩ vove ñandepersegíva?

Ñamombarete vaʼerã ñane amista Jehovándi. Ñaime vaʼerã segúro haʼe ñanderayhuha ha núnka nañanderejamoʼãiha. Jalee vaʼerã káda día la Biblia ha ñañemboʼe meme. Ñaime vaʼerã segúro oñekumplitaha ipromesakuéra oñeʼẽva pe Rréinore. Jaikuaa vaʼerã de memória umi téxto ha kántiko ñanemombaretétava (w19.07, páh. 2-4).

¿Mbaʼéichapa ikatu ñaipytyvõ ñane parientekuérape ojesalva hag̃ua?

Iñimportánte ñañemoĩ ilugarpekuéra, ñamoĩ ehémplo porã, ñanepasiénsia ha ñanderory (w19.08, páh. 15-17).

¿Mbaʼéichapa Jesús ñanembopiroʼy, heʼiháicha Mateo 11:28?

Jareko umi superintendénte ipyʼaporãva, umi kompañéro de traváho haʼéva ñane amigoite ha pe traváho iñimportantevéva (w19.09, páh. 23).

¿Mbaʼéichapa Ñandejára ikatu omeʼẽ ñandéve “pe deséo ha pe podér”? (Filip. 2:13).

Jaleéramo Ñandejára Ñeʼẽ ha jajepyʼamongeta hese, Ñandejára ikatu omeʼẽ ñandéve pe deséo ha pe podér jajapove hag̃ua iservísiope. Ijespíritu rupive ikatu ñanembokatupyryve (w19.10, páh. 21).

¿Mbaʼe mbaʼépa ereko vaʼerã enkuénta redesidi porã hag̃ua?

Oĩ 5 mbaʼe rejapo vaʼerã: Einvestiga porã. Ejerure Jehovápe tanemoarandu. Epensa mbaʼérepa redesidi upe mbaʼe. Eikuaa mbaʼépa rehupytyse. Ehechakuaa mboýpa ikatu rejapo (w19.11, páh. 27-29).

¿Satanás piko omoñepyrũ raʼe pe kreénsia heʼíva ñane álma nomanoiha oñemongetárõ guare Évandi?

Amalisia nahániri. Satanás heʼi kuri Évape nomanomoʼãiha. Entéro kreénsia rrelihiósa japu opaite kuri oúrõ guare pe dilúvio. Provávlemente pe enseñánsa heʼíva ñane álma nomanoiha oñepyrũne raʼe Ñandejára omosarambi mboyve umi hénte ojapo vaʼekuépe pe tórre de Babel (w19.12, páh. 15).