¿Releépa raʼe umi rrevísta Ñemañaha osẽ vaʼekue ko áñope? Ehechamína ikatúpa nemanduʼa koʼã mbaʼére:

¿Mbaʼéichapa jatrata vaʼerã umi unhídope?

Ñande ñamombaʼeterei chupekuéra ijerovia mbarete haguére, péro ndajahasái vaʼerã avei la rrája. Ñande ndajaikói ‘ñamombaʼeterei’ rasa peteĩ ermánope (Jud. 16, nóta). Ndajaikói avei ñaporandu umi mbaʼe nokorrespondéiva ñandéve ha natekotevẽiva jaikuaa pe esperánsa orekóvagui hikuái (w20.01, páh. 29).

¿Mbaʼérepa ikatu ñaime segúro Jehová ojepyʼapyha káda únore?

La Biblia ohechauka haʼe ñandekuaamaha ñanase mboyve jepe ha ohenduha umi ñane ñemboʼe. Haʼe oikuaa mbaʼépa ñapensa ha ñañandu, ha umi mbaʼe jajapóva ikatu ombovyʼa térã omoñeñandu vai chupe (1 Crón. 28:9; Prov. 27:11). Avei haʼe voi ñanemoag̃ui ijehe (w20.02, páh. 12).

¿Mbaʼéicha javépa ñañeʼẽ térã ñakirirĩ vaʼerã?

Ñande vyʼápe ñañeʼẽ ótrope Jehováre. Avei ñañemoñeʼẽ peteĩ ermánope jahecha jave ojapoha peteĩ mbaʼe ikatúva ogueraha vai chupe. Umi ansiáno avei omeʼẽ konsého peteĩ ermáno oikotevẽvape. Péro ndajaikói ñaporandu ni ñamombeʼu mbaʼéichapa ojepredika térã ojejapo umi rreunión umi país ojeproivihápe ñane rembiapo. Ha ndajaikói avei ñamombeʼu umi mbaʼe ótro natekotevẽiva oikuaa (w20.03, páh. 20, 21).

¿Mbaʼépepa idiferénte umi tuku oñeñeʼẽha Joel kapítulo 2-pe ha umi oñemombeʼúva Apocalipsis kapítulo 9-pe?

Joel 2:20-29-pe heʼi Ñandejára omondoha mombyry umi tukúpe ha opromete omyengovia jeytaha, térã opagataha pe perhuísio ojapo vaʼekue hikuái. Upéi Ñandejára omeʼẽ ijespíritu. Koʼã mbaʼe oñekumpli vaʼekue Babilonia ojagarrárõ guare Israel ha avei upe rire. Péro umi tuku oñemombeʼúva Apocalipsis 9:1-11-pe orrepresenta umi unhído oĩvape ñane tiémpope, oikuaaukáva hína mbaʼépa Ñandejára ojapóta ko múndo añáre, ha upe mensáhe ndogustaiete umi oapojávape ko múndo (w20.04, páh. 3-6).

¿Mávapa hína koʼág̃arupi pe “rréi del nórte”?

Rusia ha iñirũnguéra. Haʼekuéra direktoite oataka Ñandejára puévlope oproivívo pe predikasión ha ohechaukávo ndaijaʼeietereiha Testigokuérare. Pe rréi del nórte ha pe rréi del sur osegi hína opuʼã ojuehe (w20.05, páh. 13).

Gálatas 5:22, 23-pe oñeñeʼẽ 9 kualida iporãvare, ¿péro ikatúpa jaʼe umivanteha “umi mbaʼe porã oúva Ñandejára espíritugui”?

Nahániri. Pe espíritu sánto ñanepytyvõ avei jareko hag̃ua heta kualida iporãva, por ehémplo ñandehústo hag̃ua (Efes. 5:8, 9) (w20.06, páh. 17).

¿Mbaʼérepa ñañatende vaʼerã jahupi jave umi rred sosiálpe ñande fóto, vidéo térã peteĩ komentário?

Opensa rangue hikuái ñaneumildeha, umi hénte ohecháva umi mbaʼe jahupíva umi rred sosiálpe ikatu opensa ñandejejapoha (w20.07, páh. 6, 7).

¿Mbaʼépa umi kristiáno ikatu oaprende umi peskadór ivalévagui?

Haʼekuéra ombaʼapo pe óra ha pe lugár ikatuhápe oity umi pira. Oipurukuaa umi mbaʼe orekóva opeska hag̃ua. Ha pyʼaguasúpe ombaʼapo okambia jave la situasión. Ñande ikatu avei jajapo koʼã mbaʼe japredika jave (w20.09, páh. 5).

¿Mbaʼéichapa ikatu ñaipytyvõ ñane estudiántepe ohayhuve hag̃ua Ñandejárape?

Ikatu ñamokyreʼỹ chupe olee hag̃ua la Biblia káda día ha ojepyʼamongeta hag̃ua upe oleévare. Ikatu avei ñamboʼe chupe mbaʼéichapa oñemboʼe vaʼerã (w20.11, páh. 4).

¿Mávarepa oñeñeʼẽ ojeʼévo: “Cristo rupive enterovépe oñemoingove jeýta”? (1 Cor. 15:22).

Apóstol Pablo ndeʼiséi vaʼekue oñemoingove jeytaha enterove yvypórape. Upéva rangue, haʼe oñeʼẽ umi unhidokuérare, umíva hína umi ‘omoirũva Cristo Jesúspe ha ojeelehíva Ñandejárape g̃uarã’ (1 Cor. 1:2; 15:18) (w20.12, páh. 5, 6).

¿Mbaʼépa ojapóta umi unhído oñekambia rire hikuái “peteĩ tesapirĩme, ipu vove pe última trompéta”? (1 Cor. 15:51-53).

Haʼekuéra omoirũta Jesúspe ha oipurúta peteĩ vastón de iérro okastiga hag̃ua umi tetãme (Apoc. 2:26, 27) (w20.12, páh. 12, 13).