¿Releépa raʼe umi rrevísta Ñemañaha osẽ ramovéva? Ehechamína ikatúpa nemanduʼa koʼã mbaʼére:

¿Mbaʼépa umi 4 kósa ikatúva jajapo japurahéi porãve hag̃ua?

Ñañemboʼy porã vaʼerã ha jahupi ñane kántiko ñande resa altúra peve. Ñamoinge ñande jurúrupi áire ñamyenyhẽ meve ñane pulmón. Jaavri porãramo ñande juru ha ñande ahyʼo japurahéi hag̃ua, japurahéi hatãvéta (w17.11, páh. 5).

¿Mbaʼépa jahecharamove umi siuda de rrefúhio oĩ vaʼekuégui Israélpe ha umi tape oporoguerahávagui umi siudápe?

Oĩ vaʼekue 6 siuda de rrefúhio Israel territóriope. Umi tape oporogueraháva káda siudápe siémpre oñemantene porã. Péicha umi oporojukáva por aksidénte ikatu kuri pyaʼe og̃uahẽ peteĩva koʼã siudápe (w17.11, páh. 14).

¿Mbaʼérepa ikatu jaʼe Ñandejára omeʼẽvo Itaʼýra peteĩete ñanderehehápe omeʼẽ hague ñandéve pe rregálo iporãvéva?

Pórke péicha Ñandejára omeʼẽ ñandéve oportunida ikatu hag̃uáicha jaiko pára siémpre, ha avei ikatúta jajei pekádo ha ñemano poguýgui. Ñandejára ohayhueterei rupi Adán familiarépe, ombou Jesúspe ñande haʼe aja gueteri pekadór (wp17.6, páh. 6, 7).

¿Mbaʼérepa ikatu jaʼe Salmo 118:22 oñeʼẽha Jesús rresurreksiónre?

Pe Mesíaspe ojerrechasa ha ojejuka, péro oñemoingove jey chupe, ha péicha oiko chugui “pe ita prinsipál” (w17.12, páh. 9, 10).

¿Pe Mesías antepasadokuéra piko haʼe vaʼekue sólamente umi taʼýra ypykue?

Jaleévo unos kuánto rreláto bíblico, jahechakuaa ndahaʼéi hague pe família ypykuéguinte la ikatúva kuri ou pe Mesías. Por ehémplo, David haʼéva avei pe Mesías antepasádo ndahaʼéi vaʼekue Jesé raʼy ypykue (w17.12, páh. 14, 15).

¿Mbaʼe mbaʼépa jatopa la Bíbliape ndojoavýiva umi doktór heʼívandi?

Pe Léi Mosáika heʼi vaʼekue asegún la mbaʼasy orekóva peteĩ persóna tekotevẽha oñemohaʼeño. Avei heʼi umi opokóva peteĩ omanóvare opytaha ikyʼa ha tekotevẽha ojohéi ijao ha ojahu. Pe Léi heʼi avei 8 día onase haguépe peteĩ mitãʼi oñesirkunsida vaʼerãha chupe, pórke pe mitã ruguy okoagula porã pe primera semána onase haguépe ae (wp18.1, páh 7).

¿Mbaʼérepa iporã jajehayhu ñandejupe jahasaʼỹre la rrája?

Jahayhu vaʼerã ñande rapichápe ñande voi jajehayhuháicha (Mar. 12:31). Avei “menakuéra ohayhu vaʼerã hembirekópe haʼekuéra ojehayhuháicha” (Efes. 5:28). Upéicharõ, iporã jajehayhu ñandejupe péro ñañatende vaʼerã ani hag̃ua jahasa la rrája (w18.01, páh. 23).

¿Mbaʼépa jajapo vaʼerã japrogresa hag̃ua espirituálmente?

Tekotevẽ ñahesaʼỹijo porã Ñandejára Ñeʼẽ ha jajepyʼamongeta hese. Avei pyaʼe ñamoĩ vaʼerã en práktika umi mbaʼe ñaaprendéva ha jaheja pe espíritu sánto ñandegia. Ha oĩramo ñanepytyvõséva, jaasepta vaʼerã ha jaagradese chupe upévare (w18.02, páh. 26).

¿Mbaʼérepa pe astrolohía ha pe adivinasión nañanepytyvõi jaikuaa hag̃ua mbaʼépa oikóta amo gotyove?

Heta mbaʼe ningo ohechauka umíva ndaideprovechoiha. Péro kristianokuéra omboykete pe astrolohía ha pe adivinasión, pórke la Biblia omboʼe Ñandejárape ombojeguaruha koʼã mbaʼe (wp18.2, páh. 4, 5).

¿Mbaʼépa jajapo vaʼerã ñañeinvita jave peteĩ karurã?

Jaaseptáramo peteĩ invitasión ñakumpli vaʼerã la jaʼéva (Sal. 15:4). Ani vyroreírente upéi jaʼe jey ñande rapichápe ndaikatumoʼãiha jaha. Umi ermáno ñaneinvitáva ningo katuetei ojeprepara porã ñanderresivi hag̃ua (w18.03, páh. 18).

¿Mbaʼépa ikatu oaprende Timoteo ehémplogui umi ansiáno ha siérvo ministeriál?

Timoteo añetehápe oñeinteresa vaʼekue hapicháre ha omotenonde Ñandejára servísio. Haʼe ombaʼapo jejopy vaʼekue Jehovápe g̃uarã ha ojapo umi mbaʼe oaprendéva. Timoteo osegi oñakãrapuʼã ha oheja Jehová espíritu ogia chupe. Umi ansiáno osegi vaʼerã Timoteo ehémplo, ha entéro kristiáno ojapo vaʼerã avei upéva (w18.04, páh. 13, 14).