Añetehápe avave ndaikatúi oikuaa mbaʼéichapa rakaʼe Pablo pínta. Ojedivuha jave chupe ñane puvlikasiónpe ndojedesidíri ojejapo upéva oĩ rupi deskuvrimiénto arkeolóhiko ohechaukáva mbaʼéichapa rakaʼe haʼe.

Péro oĩ unas kuánta kósa ohechaukáva ñandéve mbaʼéichapa oiméne rakaʼe Pablo. Por ehémplo, rrevísta Ñemañaha 1 de marzo de 1902-pe, omensiona vaʼekue mbaʼépa heʼi peteĩ kuatiañeʼẽ hérava Hechos de Pablo y Tecla, ojeskrivíva áño 150-pe d. C. Ikatu hína ko informasión la ikonosidovéva ha ohechauka porãvéva mbaʼéichapa oiméne raʼe Pablo pínta. Upépe heʼi hese haʼe hague “peteĩ kuimbaʼe rretakón, akãperõ, hetyma karẽva, ityvyta joajúva ha itĩ guasu léntova”.

Peteĩ diksionário heʼi ikatuneha siérto umi informasión oĩva Hechos de Pablo y Téclape (The Oxford Dictionary of the Christian Church [edición de 1997]). Heta tiémpo ojeskrivi rire jepe, ojerrespetaiterei vaʼekue Hechos de Pablo y Tecla. Por ehémplo, jaikuaa ojelee meme hague ko informasión pórke oĩ gueteri chugui 80 manuskríto griégope, ha ojetradusi avei unos kuánto idiómape. Jaʼekuaa upéicharõ ojedivuha jave apóstol Páblope ñane puvlikasionkuérape, okoinsidiha unas kuánta kósa heʼívare Hechos de Pablo y Tecla.

Péro iporã jareko enkuénta ndahaʼeiha Pablo pínta la iñimportantevéva ñandéve g̃uarã. Haʼe opredikaha tiémpope, oĩ vaʼekue oñembohorýva hese ha heʼíva: “Ikartakuérape ningo haʼe iñeʼẽkuaa, ojeguerovia hag̃uáicha voi la heʼíva, oĩ jave ñanendive katu ichavi ha vyrorei la heʼíva” (2 Cor. 10:10). Péro ñanemanduʼa vaʼerã Páblogui oiko hague kristiáno Jesús voi ojeaparese rupi chupe. Avei iporã jajepyʼamongeta umi mbaʼe Pablo ojapo vaʼekuére Jesús oiporavo rire chupe oikuaauka hag̃ua héra “umi tetãnguérape” (Hech. 9:3-5, 15; 22:6-8). Jahechakuaa vaʼerã avei ideprovechoitereiha ñandéve umi kárta haʼe oskrivi vaʼekue Jehová espíritu rupive.

Pablo ningo núnka noñeʼẽiva ipíntare, ni noñembotuichái umi mbaʼe ohupyty vaʼekuére oiko mboyve chugui kristiáno (Hech. 26:4, 5; Filip. 3:4-6). Haʼe heʼi: “Che ningo pe michĩvéva umi apóstol apytépe ha namereséi ojeʼe cherehe haʼeha apóstol” (1 Cor. 15:9). Upéi oskrivi avei: “Che chemichĩve jey umi ermáno michĩvéva apytépe, ha chéve oñemeʼẽ ko mbaʼeporã ijojahaʼỹva: aikuaauka umi tetã ambueguápe umi marandu porã, koʼãva oñeʼẽ umi mbaʼe porãita ijojahaʼỹvare oúva pe Crístogui” (Efes. 3:8). Añetehápe ko mensáhe iñimportanteve hína Pablo píntagui.