Ñandejára Ñeʼẽ ipoderosoiterei
“Ñandejára Ñeʼẽ oikove ha ipoderosoiterei” (HEB. 4:12).
1. ¿Mbaʼérepa jaʼekuaa Ñandejára Ñeʼẽ ipoderosoitereiha? (Ehecha pe taʼanga oĩva iñepyrũme).
ENTÉRO testígo de Jehová jaikuaa porã mbaʼéichapa “Ñandejára Ñeʼẽ oikove ha ipoderosoiterei” (Heb. 4:12). Ñande jahecha la Biblia ñanepytyvõha ñakambia hag̃ua heta mbaʼépe ha oipytyvõha avei ñande rapichakuérape. Heta persóna oikuaa mboyve Jehovápe imonda, ojedroga ha hekovai vaʼekue. Oĩ katu ifamóso térã ipláta hetáva ha lomímonte ndovyʼái (Ecl. 2:3-11). Péro Ñandejára Ñeʼẽ ipoderosoiterei ha upéicha rupi oipytyvõma hetaitereípe oreko hag̃ua esperánsa ha oiko porãve hag̃ua. Oiméne jahechakuaa upéva jalee jave pe artíkulo osẽva jepi Ñemañaháme, hérava “La Biblia okambia chupekuéra”. Jaservíramo jepe Jehovápe are guivéma, enterovénte ñaikotevẽ la Bíbliare ikatu hag̃uáicha káda día ñañemoag̃uive Jehováre.
2. ¿Mbaʼéichapa Ñandejára Ñeʼẽ oipytyvõ vaʼekue heta persónape síglo primérope?
2 Ñandéve nañanesorprendéi jahechávo mbaʼéichapa umi hénte tuicha okambia ostudiávo la Biblia. Síglo primérope heta ermáno unhído oikuaa mboyve Jehovápe ojapo kuri 1 Corintios 6:9-11). Apóstol Pablo omensiona rire mbaʼeichagua persónapa ndoikemoʼãi Ñandejára Rréinope, heʼi umi kristiánope: “Pende apytépe oĩ umi yma upéicha vaʼekue”. Péro la Biblia ha pe espíritu sánto oipytyvõ chupekuéra okambia hag̃ua. Upéi oĩ kuri ijapytepekuéra ou vaʼekue opeka vaieterei ha ombyai iñamista Jehovándi. Por ehémplo, la Biblia omombeʼu peteĩ kristiáno unhído ou hague opeka ha oñemosẽ kongregasióngui. Péro upéi okambia tekotevẽhápe ha ovolve jey (1 Cor. 5:1-5; 2 Cor. 2:5-8). ¡Ajépa ñanemokyreʼỹete jahechávo mbaʼéichapa la Biblia oipytyvõ heta persónape okambia hag̃ua!
umi mbaʼe noĩporãiva, péro upéi ou okambia (elee3. ¿Mbaʼépa jahecháta ko artíkulope?
3 La Biblia ningo ipoderosoiterei, ha hiʼãiterei jaipuru porã upe rregálo Jehová omeʼẽva ñandéve (2 Tim. 2:15). Ko artíkulope jahecháta mbaʼépa ikatu jajapo 1) ideprovechove hag̃ua ñandéve la Biblia ñande rekovépe, 2) jaipuru porãve hag̃ua predikasiónpe ha 3) ñamboʼe jave kongregasiónpe. Koʼã mbaʼe ñanepytyvõta jaagradese ha jahayhuve hag̃ua Jehovápe. Haʼe ningo ñanerekomboʼe ñane vienrãnte (Is. 48:17).
ÑANDE REKOVÉPE
4. a) ¿Mbaʼépa jajapo vaʼerã ideprovechove hag̃ua ñandéve la Biblia? b) ¿Mbaʼépa nde rejapo ikatu hag̃uáicha reñemotiémpo relee hag̃ua la Biblia?
4 Ikatu hag̃uáicha ideprovécho ñandéve la Biblia ñande rekovépe, ñañehaʼã vaʼerã jalee káda día (Jos. 1:8). La majoría ningo ñanerembiapo heta ha oĩ avei orekóva heta rresponsavilida, péro ndajahejái vaʼerã umíva ñandejoko jalee hag̃ua la Biblia (elee Efesios 5:15, 16). Ikatu jalee pyhareve, pyhare térã oimeha óra. Añetehápe ñañeñandu pe salmísta heʼi haguéicha: “Ahayhu ha amombaʼeterei nde léi. Ajepyʼamongeta hese tódo el día” (Sal. 119:97, TNM).
5, 6. a) ¿Mbaʼérepa iñimportánte jajepyʼamongeta? b) ¿Mbaʼéichapa jajepyʼamongeta vaʼerã? c) ¿Mbaʼéichapa ndéve nepytyvõ relee ha rejepyʼamongetávo la Biblia heʼívare?
5 ¿Iporãtapa jaleénte la Biblia? Nahániri, jajepyʼamongeta vaʼerã hese ha ñapensa mbaʼéichapa ideprovécho ñandéve pe jaleéva (Sal. 1:1-3). Upéicharõmante ikatúta jajapo umi mbaʼe ñaaprendéva Ñandejára Ñeʼẽgui. Jaleéramo la Biblia oĩva impréso térã umi aparáto elektrónikope, jaheja vaʼerã og̃uahẽ ñane korasõme.
6 ¿Mbaʼéichapa jajepyʼamongeta vaʼerã? Jaleekuévo la Biblia, ikatu japytaʼimi 2 Cor. 10:4, 5).
ha ñañeporandu: “¿Mbaʼépa chemboʼe Jehovágui? ¿Ajapópa hína koʼápe heʼíva? ¿Mbaʼépepa tekotevẽ gueteri amehora?”. Ñañemboʼe ha jajepyʼamongetáramo la Biblia heʼívare, jajapóta umi mbaʼe ñaaprendéva. Péicha jahecháta mbaʼéichapa Ñandejára Ñeʼẽ ipoderóso ha ideprovécho ñandéve ñande rekovépe (PREDIKASIÓNPE
7. ¿Mbaʼérepa iñimportánte jaipuru la Biblia predikasiónpe?
7 Iñimportanteterei ningo jaipuru meme la Biblia predikasiónpe ha ñamboʼe jave umi héntepe. Peteĩ ermáno heʼi: “Resẽramo predikasiónpe Jehovándi, ¿rehejátapa chupe oñeʼẽ térãpa ndénte reñeʼẽta káda ógape?”. Jalee jave la Biblia umi héntepe, jaheja hína Jehová oñeʼẽ chupekuéra. Jaiporavo porãramo peteĩ téxto jalee hag̃ua la héntepe, katuete upéva opokovéta hesekuéra oimeraẽ mbaʼe ñande jaʼévagui (1 Tes. 2:13). Upévare iporã ñañeporandu: “¿Ajapópa ikatúva guive alee hag̃ua la Biblia umi héntepe apredika jave chupekuéra?”.
8. ¿Mbaʼérepa naiporãmoʼãi jaleénte umi téxto la héntepe?
8 Heta hénte ningo sapyʼánte nontendepái umi téxto jaleéva chupekuéra predikasiónpe. Upéicha oiko vaʼekue avei heta héntere síglo primérope (Rom. 10:2). Upéicharõ, ani ñapensa jalee haguérente peteĩ versíkulo pe ñanerendúva ontendetamaha. Síno ñañehaʼã vaʼerã jarrepeti jey chupekuéra umi palávra térã fráse iñimportantevéva upe téxtope ha jaexplika. Péicha ñaipytyvõta hína umi héntepe ontende hag̃ua Ñandejára Ñeʼẽ ha opoko hag̃ua hesekuéra (elee Lucas 24:32).
9. ¿Mbaʼépa ikatu jaʼe jalee mboyve la Biblia peteĩ persónape? Emoĩ peteĩ ehémplo.
9 ¿Mbaʼépa jaʼekuaa jalee mboyve peteĩ téxto ikatu hag̃uáicha ñaipytyvõ umi héntepe omombaʼe hag̃ua la Biblia? Ikatu jaʼe: “Jahechamína mbaʼépa heʼi ñande Apohare ko témare”. Ñañeʼẽramo peteĩ persóna ndahaʼéivandi kristiáno ikatu jaʼe: “Emañamína mbaʼépa heʼi ko lívro sagrádo”. Ha peteĩ persónape nointeresáiramo la rrelihión, ikatu ñaporandu: “¿Ndépa rehendúmava koʼã mbaʼe ymaitéma ojeskrivi vaʼekue?”. Káda persóna ningo idiferénte, upévare ñañehaʼã vaʼerã jahechakuaa mbaʼépa iporãvéta jaʼe chupekuéra jalee mboyve peteĩ téxto (1 Cor. 9:22, 23).
10. a) ¿Mbaʼépa oiko peteĩ ermáno oleérõ guare la Biblia peteĩ karaípe? b) ¿Ndépa rehechámava avei mbaʼéichapa la Biblia opoko umi héntere predikasiónpe?
10 Heta ermáno ohechakuaa mbaʼéichapa umi téxto ikatu opoko umi héntere predikasiónpe. Por ehémplo, heta áñorema peteĩ ermáno orahámi vaʼekue peteĩ karai ijedámavape umi rrevísta Ñemañaha. Péro peteĩ vuéltape olee avei chupe 2 Corintios 1:3, 4. Upépe heʼi Jehová haʼeha “peteĩ Túva oporoporiahuverekóva ha Ñandejára omeʼẽva opaichagua konsuélo”. Ko téxto opokoiterei pe karaíre ha ojerure pe ermánope olee jey hag̃ua chupe. Upéi pe karai heʼi haʼe ha hembireko oikotevẽtereiha peichagua konsuélo ha oikuaaseveha la Biblia heʼíva. Jahechaháicha, Ñandejára Ñeʼẽ ipoderosoiterei, upévare jaipuru meme vaʼerã predikasiónpe (Hech. 19:20).
ÑAMBOʼE JAVE PLATAFÓRMA GUIVE
11. ¿Mbaʼe rresponsavilidápa oreko umi ermáno omboʼéva kongregasiónpe?
11 Igustoiterei ningo jaha rreunionhápe ha umi asambleahápe. Ñande jaha upépe prinsipálmente ñamombaʼeguasu hag̃ua Jehovápe ha avei ñaaprendeve hag̃ua chugui. Jahechaháicha, umi ermáno omboʼéva pe platafórma guive oreko tuicha priviléhio péro avei tuicha rresponsavilida (Sant. 3:1). Upévare entéro mbaʼe omboʼéva hikuái oĩ vaʼerã la Bíbliape. Oiméramo nde ereko pe priviléhio remboʼévo ermanokuérape kongregasiónpe, ¿mbaʼéichapa reipuru vaʼerã la Biblia opoko hag̃ua hesekuéra?
12. ¿Mbaʼéichapa umi ermáno ojapo vaʼerã idiskúrso ikatu hag̃uáicha orresalta porã umi téxto?
12 Rejapo jave peteĩ diskúrso, ojekuaa vaʼerã umi téxto haʼeha umi mbaʼe iñimportantevéva upe diskúrsope (Juan 7:16). Upévare eñatende vaʼerã mbaʼéichapa ejapo nde diskúrso ha mbaʼéichapa reipuru umi ehémplo térã umi istória. Nemanduʼa vaʼerã umi téxto bíblico la orresaltave vaʼerãha la nde diskúrsope. Aníkena repensa relee haguérente la Biblia remboʼemaha la upépe heʼíva. Reipurúramo hetaiterei téxto, hasyvéta umi nerendúvape imanduʼa hag̃ua umívare upe rire. Upévare eiporavo porã vaʼerã umi téxto releétava. Upéi elee, emyesakã, emoĩ ehémplo ha ere mbaʼéichapa ikatu ñamoĩ en práktika (Neh. 8:8). Repreparáta jave peteĩ voského de diskúrso, eñehaʼã vaʼerã entende mbaʼéichapa umi téxto omopyenda umi mbaʼe omboʼeséva pe voského. Upéi eiporavo umi téxto reipurútava remyesakã porã hag̃ua upe téma. (Upearã ikatu rehecha lívro Eñembokatupyrýke Eskuéla Jaiporukuaa Hag̃ua la Biblia Rupive leksión 21 al 23). Péro la iñimportantevéva hína ejerure vaʼerã Jehovápe tanepytyvõ remboʼe porã hag̃ua ermanokuérape Iñeʼẽ (elee Esdras 7:10 ha Proverbios 3:13, 14).
13. a) ¿Mbaʼéichapa oipytyvõ peteĩ ermánape peteĩ téxto ojelee vaʼekue rreunionhápe? b) ¿Mbaʼéichapa ideprovécho ndéve umi téxto ojeleéva rreunionhápe?
13 Peteĩ ermána Australiagua heta osufri vaʼekue imitãkuñaʼírõ guare. Upéi haʼe oikuaa Jehovápe ha ojevautisa. Upéicharõ jepe ijetuʼu chupe oguerovia hag̃ua Jehová añetehápe ohayhuha chupe. Peteĩ vuéltape ko ermána ohendu rreunionhápe peteĩ téxto opokoitereíva hese. Upéi haʼe ojepyʼamongeta porã upe versíkulore, ohekave informasión ha otopa ambue téxto oipytyvõva avei chupe. La Biblia rupive ko ermána oñemeʼẽ enkuénta Jehová ohayhuha chupe. * Ha nde, ¿rehendúmapa avei rreunionhápe térã asambleahápe peteĩ téxto opokoitereíva nderehe? (Neh. 8:12).
14. ¿Mbaʼéichapa jahechaukáta ñamombaʼeha Ñandejára Ñeʼẽ?
14 Ajépa jaagradesete Jehovápe omeʼẽ haguére ñandéve Iñeʼẽ ha oñangareko haguére hese ani hag̃ua opa rei (1 Ped. 1:24, 25). Jalee vaʼerã Ñandejára Ñeʼẽ káda día, ñañehaʼã jajapo umi mbaʼe ñaaprendéva ha jaipuru avei ñaipytyvõ hag̃ua ñande rapichakuérape. Péicha jahechaukáta hína ñamombaʼeha ko tesóro, ha iñimportanteveha katu, jahechaukáta hína jahayhuha Jehovápe.
^ párr. 13 Ehecha pe rrekuádro “ Akambia apensa lája”.