ARTÍKULO OJESTUDIÁVA 39
“Ahecha hetaiterei hénte, peteĩ aty guasu”
“Ahecha hetaiterei hénte, peteĩ aty guasu avave ndaikatúiva okonta [...]. Haʼekuéra oñemboʼy pe tróno ha pe Ovecha Raʼy renondépe” (APOC. 7:9).
PURAHÉI 60 Heta hénte ikatu ojesalva
MBAʼE REHEPA ÑAÑEʼẼTA *
1. ¿Mbaʼe situasiónpepa oĩ kuri apóstol Juan áño 95 rupi d.C.?
ÁÑO 95 rupi d.C., apóstol Juan ohasa kuri peteĩ situasión ijetuʼúva. Upérõ haʼe itujáma, oĩ préso peteĩ ísla héravape Patmos ha posívlemente haʼe kuri pe úniko apóstol oikovéva gueteri upe tiémpope (Apoc. 1:9). Avei Juan oikuaa kuri oĩha unos kuánto “kuimbaʼe aña” ombotavýva hína umi ermánope, ha upéva káusare oĩma kuri joavy ijapytepekuéra. Haʼete voi kuri opaitétamava umi kristiáno oĩva upe tiémpope (Jud. 4; Apoc. 2:15, 20; 3:1, 17).
Apóstol Juan ohecha vaʼekue “peteĩ aty guasu” omondéva ijao puku morotĩ asýva ha orekóva palméra rakã ipopekuéra (Ehecha párrafo 2).
2. Según Apocalipsis 7:9-14, ¿mbaʼépa ohecha raʼe Juan pe visiónpe? (Ehecha pe taʼanga oĩva ko rrevísta apére).
2 Juan ohasa aja upe situasión ijetuʼuetéva, ohecha kuri peteĩ visiónpe mbaʼépa oikóta amo gotyove. Upe visiónpe ojekuaa kuri unos kuánto ánhel ojokóva hína umi yvytu oguerútava pe jehasa asy guasu, oñemoĩmba peve pe último séllo ‘Ñandejára esklavokuérare’ (Apoc. 7:1-3). Ko grúpope oĩ umi 144.000 kristiáno ogovernátava Jesús ndive yvágape (Luc. 12:32; Apoc. 7:4). Upe rire Juan ohecha avei oĩha ótro grúpo ha oñesorprende voi. Haʼe heʼi: “Ahecha hetaiterei hénte”. La heʼívare ojekuaa ohechaha peteĩ mbaʼe ohaʼarõʼỹva, haʼe ohecha “peteĩ aty guasu avave ndaikatúiva okonta, oúva entéro tetã, trívu ha puévlogui, ha oñeʼẽva diferénte idióma. Haʼekuéra oñemboʼy pe tróno ha pe Ovecha Raʼy renondépe” (elee Apocalipsis 7:9-14). Oiméne ovyʼaiterei raʼe Juan ohechávo amo gotyove oĩtaha hetaiterei persóna oadoráva Jehovápe.
3. a) ¿Mbaʼérepa pe visión ohecha vaʼekue Juan omombareteve ñande jerovia? b) ¿Mbaʼépa jahecháta ko artíkulope?
3 Ikatu ñaĩ segúro ko visión oipytyvõ hague Juánpe ojerovia mbareteve hag̃ua. Péro pe visión koʼytevéntema omombarete
ñande jerovia, pórke ñande jahecha upéva oñekumpliha hína ko ñane tiémpope. Ñande jahecha mbaʼéichapa hetaiterei persóna oike Ñandejára puévlope, koʼãva oreko esperánsa ojesalvataha pe jehasa asy guasúpe ha oikovetaha pára siémpre ko yvy ape ári. Ojapóma mas de 80 áño Jehová oipytyvõ hague ipuévlope ontende porã hag̃ua mávapa oĩta pe aty guasúpe. Ko artíkulope jahecháta mbaʼéichapa haʼe ojapo upéva. Avei jahecháta koʼã mokõi mbaʼe: 1) Mbaʼeichaitépa tuicha ko grúpo ha 2) umi hénte oĩva pype ouha opáguio ládo. Koʼã mbaʼe tuichaiterei oipytyvõta ojerovia mbareteve hag̃ua umi orekóva esperánsa oĩtaha ko grúpope.¿MOÕPA OIKÓTA UMI OĨVA PE ATY GUASÚPE?
4. ¿Mbaʼépa nontendeporãi umi rrelihión japu ha mbaʼépa oguerovia umi Estudiánte de la Biblia?
4 La Biblia heʼi umi iñeʼẽrendúva Ñandejárape oikovetaha pára siémpre ko yvy ape ári, péro la majoría umi rrelihión japu nomboʼéi upéva (2 Cor. 4:3, 4). Heta rrelihión heʼíva ijehe kristianoha omboʼe entéro umi ivuénova ohoha yvágape omano rire. Péro áño 1800 rupi, umi Estudiánte de la Biblia opuvlikáva pe rrevísta Ñemañaha, ogueroviáma kuri ótra kosaite. Haʼekuéra ontendéma kuri Ñandejára ojapotaha ko yvýgui peteĩ paraíso ha hetaiterei persóna iñeʼẽrendúva oikotaha ko yvy ape ári, ndahaʼéi yvágape. Upéicharõ jepe, oraha kuri chupekuéra heta tiémpo ontende porã hag̃ua mávapa hína umi persóna iñeʼẽrendúva (Mat. 6:10).
5. ¿Mbaʼépa ontende porã vaʼekue avei umi Estudiánte de la Biblia?
5 Umi Estudiánte de la Biblia ontende porãma kuri avei unos kuántope ‘ojejoguataha ko yvýgui’ ogoverna hag̃ua Jesús ndive yvágape (Apoc. 14:3). Ko grúpope oĩta umi 144.000 kristiáno ikyreʼỹva ha oñemeʼẽmbaite vaʼekue Jehová servísiope ko yvy ape ári. ¿Péro mávapa oĩta pe aty guasúpe?
6. ¿Mbaʼépa opensa vaʼekue umi Estudiánte de la Biblia pe aty guasúre?
6 Juan ohecha kuri upe grúpo oñemboʼyha “pe tróno ha pe Ovecha Raʼy renondépe” (Apoc. 7:9). Orekóvo enkuénta ko téxto, umi Estudiánte de la Biblia opensa kuri pe aty guasu oikotaha avei yvágape, oikotaháicha umi 144.000. Péro oiméramo koʼã mokõi grúpo oikóta yvágape, ¿mbaʼépepa la idiferénte hikuái? Umi Estudiánte de la Biblia opensa kuri umi persóna oĩva pe aty guasúpe haʼeha umi naiñeʼẽrendúi vaʼekue Ñandejárape entéro mbaʼépe oikove aja ko yvy ape ári, ndojapóiramo jepe hikuái mbaʼeve ivaietereíva. Ikatu oime oĩ kuri ijapytepekuéra ndohejapáiva umi rrelihión japu. Umi Estudiánte de la Biblia opensa kuri avei koʼã persóna ijerovia kangy hague ha upévare ndaikatumoʼãiha ogoverna Jesús ndive. Avei opensa hikuái koʼã persóna ndohayhúi rupi Ñandejárape ipyʼaite guive, oĩtaha kuri yvágape pe tróno renondépe, péro ndoguapymoʼãiha pe trónope.
7. a) Según umi Estudiánte de la Biblia, ¿mávapa oikóta ko yvy ape ári umi mil áño aja? b) ¿Mbaʼépa opensa hikuái oikotaha umi kuimbaʼe ifiélva yma guarégui?
7 Upéicharõ, ¿mávapa umi oikótava ko yvy ape ári? Umi Estudiánte de la Biblia oguerovia kuri umi 144.000 ha pe aty guasu oho rire yvágape, hetaiterei persóna ikatutaha oiko ko yvy ape ári ha odisfrutáta umi mbaʼe porã Jesús ojapótavagui ogoverna vove mil áñore. Haʼekuéra heʼi koʼã persóna ndoservimoʼãiha Jehovápe oñepyrũ mboyve upe goviérno, síno umi mil áño aja oñemboʼetaha chupekuéra oikuaa hag̃ua Jehovápe. Upe rire umi iñeʼẽrendúva Ñandejárape ikatútama oiko pára siémpre ko yvy ape ári, péro umi naiñeʼẽrendúivape katu oñehundíta. Umi Estudiánte de la Biblia opensa avei kuri unos kuánto Sal. 45:16).
umi oikove jeýva ko yvy ape ári ha oservíva kómo prínsipe upe tiémpope (por ehémplo umi kuimbaʼe ifiélva oservi vaʼekue Ñandejárape ha omano vaʼekue Jesús ou mboyve), posívlemente ikatutaha avei oho yvágape opa rire umi mil áño (8. ¿Mávapa hína umi mbohapy grúpo oñepensa vaʼekue oĩha?
8 Upéicharõ umi Estudiánte de la Biblia oguerovia kuri oĩha mbohapy grúpo: 1) Umi 144.000 ogovernátava Jesús ndive yvágape, 2) peteĩ aty guasu oĩháme umi kristiáno naiñeʼẽrendúiva Ñandejárape opa mbaʼépe ha oñemboʼýtava Jesús tróno renondépe yvágape, ha 3) hetaiterei hénte oikuaátava Jehovápe, Jesús ogoverna aja ko yvy mil áñore. * Péro upe rire Jehová omyesakã porãve chupekuéra ko téma (Prov. 4:18).
PE AÑETEGUA HESAKÃVE OHÓVO
Pe asambléa oiko vaʼekuépe 1935-pe ojevautisa kuri heta persóna orekóva esperánsa oikotaha ko yvy ape ári (Ehecha párrafo 9)
9. a) Pe aty guasu oĩramo jepe ko yvy ape ári, ¿mbaʼérepa ikatu jaʼe lomímonte ikatutaha oñemboʼy “pe tróno ha pe Ovecha Raʼy renondépe”? b) ¿Mbaʼérepa isentidove koʼág̃a oñemyesakã lája Apocalipsis 7:9?
9 Áño 1935-pe oñentende porãvéma mávapa oĩta pe aty guasúpe. Umi testígo de Jehová ohechakuaáma pe aty guasu natekotevẽiha oĩ yvágape oñemboʼy hag̃ua “pe tróno ha pe Ovecha Raʼy renondépe”, síno koʼã mbaʼe orrepresentaha ótra kósa. Umi oĩva pe aty guasúpe oikóramo jepe ko yvy ape ári, ikatúta oñemboʼy “pe tróno renondépe” orrekonoséramo Jehovápe kómo governánte ha oñemoĩ ipoguýpe (Is. 66:1). Avei ikatúta oñemboʼy hikuái “pe Ovecha Raʼy renondépe” ojeroviáramo Jesús sakrifísiore. Umi mbaʼe oñemombeʼúva Mateo 25:31, 32-pe ojogua lénto avei ko situasiónpe. Upépe heʼi “entéro tetãnguéra”, ha avei umi hénte iñañáva, ‘oñembyatytaha’ Jesús ha itróno omimbipáva renondépe, ha ikatu jaʼe upéva oiko vove enterove koʼã tetãnguéra oĩtaha ko yvy ape ári, ndahaʼéi yvágape. Upéi umi mbaʼe ojeʼe vaʼekue 1935-pe tuichaiterei omyesakãve ko téma. Upépe oñemyesakã kuri mbaʼérepa la Biblia ndeʼíri peteĩ aty guasu ohotaha yvágape, síno peteĩ grúponte, pórke 144.000 persónante la ogovernátava Jesús ndive ko yvy (Apoc. 5:10).
10. ¿Mbaʼérepa umi oĩva pe aty guasúpe oikuaa vaʼerã Jehovápe Jesús oñepyrũ mboyve ogoverna mil áñore?
10 Áño 1935 guive ñande testígo de Jehová ñantende porãma umi mbaʼe Juan ohecha vaʼekue pe visiónpe. Jaikuaáma pe aty guasúpe oĩtaha umi kristiáno iñeʼẽrendúva Ñandejárape ha orekóva esperánsa oikovetaha pára siémpre ko yvy ape ári. Koʼã persóna ojesalva hag̃ua ou vove pe jehasa asy guasu ha ‘entéro mbaʼe oikótavagui’, oikuaa vaʼerã Jehovápe ha ohechauka vaʼerã ojerovia mbareteha hese, Jesús oñepyrũ mboyve ogoverna ko yvy umi mil áñore (Luc. 21:34-36).
11. ¿Mbaʼérepa umi Estudiánte de la Biblia oguerovia kuri umi kuimbaʼe yma guare ifiélva ikatuha avei oho yvágape umi mil áño rire?
11 Jahecha haguéicha párrafo 7-pe, umi Estudiánte de la Biblia oguerovia kuri umi kuimbaʼe yma guare ifiélva ohotaha avei yvágape opa rire umi mil áño. ¿Mbaʼérepa opensa raʼe hikuái upéva? Pórke pe rrevísta Ñemañaha del 15 de febrero de 1913 ontendeka kuri upéva. Ikatu oime oĩ opensáva: “Umi kristiáno naiñeʼẽrendupái vaʼekue Ñandejárape ohótaramo yvágape, ¿mbaʼére umi kuimbaʼe yma guare ifiélva ndohomoʼãi?”. Umi Estudiánte de la Biblia ikatu kuri opensa péicha pórke: 1) Opensa hikuái pe aty guasu oikotaha yvágape ha 2) pe aty guasúpe oĩtaha umi persóna naiñeʼẽrendúi vaʼekue Ñandejárape opa mbaʼépe.
12, 13. ¿Mbaʼépa ohechakuaa umi unhído ha umi oĩva pe aty guasúpe?
12 Péro jahecháma haguéicha, áño 1935 guive ñande testígo de Jehová ñantende porãma Apoc. 7:10, 14). Avei la Biblia heʼi umi persóna orresusitáva yvágape orresivitaha “peteĩ mbaʼe iporãvéva” umi kuimbaʼe ifiélva yma guarépe oñemeʼẽ vaʼekuégui (Heb. 11:40). Oñentende porã rire ko mbaʼe, umi ermáno ikyreʼỹve oipytyvõ hag̃ua umi héntepe ikatu hag̃uáicha oservi Jehovápe ha oreko pe esperánsa oikovévo pára siémpre ko yvy ape ári.
pe aty guasu Juan ohecha vaʼekue pe visiónpe haʼeha umi persóna nomanóiva Armagedónpe. Koʼã persóna osẽtava “pe jehasa asy guasúgui” ha oĩva ko yvy ape ári, osapukáita ha heʼi: “Pe salvasión ou Ñandejáragui, pe oguapýva pe trónope, ha pe Ovecha Raʼýgui” (13 Pe esperánsa orekóva umi persóna oĩva pe aty guasúpe ombovyʼaiterei chupekuéra. Ontende porã hikuái Jehová odesidiha moõpa oservíta chupe isiervokuéra ifiélva, tahaʼe yvágape térã ko yvy ape ári. Umi unhído ha umi oĩva pe aty guasúpe ohechakuaa orresivitaha hikuái pe prémio Jehová imbaʼeporãiterei rupínte hendivekuéra ha omeʼẽ Itaʼýra Jesucristo sakrifísioramo (Rom. 3:24).
PETEĨ ATY GUASU TUICHAITEREÍVA
14. ¿Mbaʼérepa 1935 rire heta oĩ vaʼekue oñeporandúva mbaʼéichapa oñekumplíta pe profesía oñeʼẽva pe aty guasúre?
14 Oñemyesakã rire áño 1935-pe mávapa umi oĩtava pe aty guasúpe, oĩ gueteri heta oñeporandúva hetátapa algúna ves umi kristiáno orekóva esperánsa oiko hag̃ua ko yvy ape ári. Por ehémplo, áño 1935-pe Ronald Parkin oreko kuri 12 áño, ha haʼe imanduʼa: “Upérõ guare oĩ vaʼekue amo 56.000 puvlikadór rupi ko yvy tuichakuére, ha enterove lénto haʼe vaʼekue unhído. Haʼete voi pe aty guasu michĩetereíva kuri”.
15. ¿Mbaʼéichapa ou okakuaa pe aty guasu?
15 Upéi, umi áño ohasávape oñemondo misionéro heta lugárpe, upéicha rupi hetavéma avei umi testígo de Jehová. Áño 1968-pe oñepyrũ ojepuru pe lívro La verdad que lleva a vida eterna ikatu hag̃uáicha oñemboʼe porãve la Biblia. Pype ojeexplika sensillove umi mbaʼe oĩva la Bíbliape, ha upéva omomýi heta hénte ipyʼaporãvape oñemoag̃ui hag̃ua Jehováre arakaʼeve oikoʼỹ haguéicha. Cuatro áño haguépe ojevautisáma mas de médio millón de persóna. Upéi pe rrelihión katólika ou ikangyve América Latina ha hetave paíspe. Europa orientálpe ha unos kuánto país oĩvape Áfricape katu oñepermitíma umi ermánope oñerreuni ha opredika lívremente. Upérõ katu hetaitereivéntema oĩ umi ojevautisáva (Is. 60:22). Koʼág̃a, umi áño ohasa ramovévape, Jehová organisasión ojapo hetaiterei erramiénta ikatu hag̃uáicha oipytyvõ umi héntepe oikuaa hag̃ua la Biblia omboʼéva. Añetehápe tuichavéma ohóvo ko aty guasu, ha koʼág̃a oĩma pype mas de ocho millón de persóna.
UMI OĨVA PE ATY GUASÚPE OU OPÁGUIO LÁDO
16. ¿Moõguipa ou umi hénte oĩva pe aty guasúpe?
16 Pe visión Juan ohecha vaʼekuépe oĩ hénte “oúva entéro tetã, trívu ha puévlogui, ha oñeʼẽva diferénte idióma”. Proféta Zacarías heʼi avei kuri peteĩ profesía ojoguáva upévape. Haʼe oskrivi: “Umíva umi díape 10 kuimbaʼe oñeʼẽva opaichagua idióma oĩva umi nasiónpe, oñakarama hatãta peteĩ judío aóre, ha heʼíta: ‘Ore rohose penendive, pórke rohendu Ñandejára oĩha penendive’” (Zac. 8:23).
17. ¿Mbaʼépa ojejapo hína oñepytyvõ hag̃ua umi hénte oparupiguápe ha oñeʼẽvape diferénte idióma?
17 Oñembyaty hag̃ua umi hénte oparupiguápe oñeʼẽva diferénte idióma, ojepredika vaʼerã chupekuéra iñeʼẽtépe. Upévare, ojapóma mas de 130 áño testígo de Jehová otradusi hague oikóvo heta puvlikasión bíblica. Koʼág̃a ningo jatradusíma hetaiterei idiómape arakaʼeve ojejapoʼỹ haguéicha ko múndope. Ojekuaa porã Jehová ojapoha peteĩ milágro koʼã tiémpope, pórke ombyaty hína peteĩ aty guasu opa tetãgui. Pe aliménto espirituál ningo amás día oĩ hetave idiómape, upévare ko grúpope Mat. 24:14; Juan 13:35).
oĩramo jepe diferénte kláse de persóna, lomímonte enterovéva oservi Jehovápe peteĩ ñeʼẽme. Chupekuéra ojekuaa voi opredika kyreʼỹ haguére, ha ojoayhu rupi oñoermáno teéicha. ¡Ajépa upéva omombareteve ñande jerovia! (¿MBAʼÉICHAPA ÑANEPYTYVÕ KO VISIÓN?
18. a) Según umi mbaʼe heʼíva Isaías 46:10, 11, ¿mbaʼérepa ñamombaʼeterei umi mbaʼe Jehová ojapóva okumpli hag̃ua pe profesía oñeʼẽva pe aty guasúre? b) ¿Mbaʼérepa umi oikótava ko yvy ape ári nopensái oñemboykeha chupekuéra?
18 Ko visión Juan oreko vaʼekue ningo ñanembovyʼaiterei, ha ñamombaʼeterei umi mbaʼe Jehová ojapóva okumpli hag̃ua upéva (elee Isaías 46:10, 11). Umi persóna oĩva pe aty guasúpe oagradeseterei Ñandejárape pe esperánsa orekóvare. Nopensái hikuái Ñandejára omboykeha chupekuéra pórke ndojeporavói chupekuéra espíritu sánto rupive oservi hag̃ua yvágape Jesús ndive. La Biblia oñeʼẽ oĩ hague heta kuña ha kuimbaʼe ifiélva Jehová ogia vaʼekue avei ijespíritu rupive, péro noĩriva umi 144.000 apytépe, por ehémplo Juan el Bautista ha David (Mat. 11:11; Hech. 2:34). Koʼã kuimbaʼe ha avei hetave persónape oñemoingove jeýta oiko hag̃ua peteĩ paraísope ko yvy ape ári. Enterove koʼã persóna ha avei pe aty guasu orekóta upépe pe oportunida ohechaukávo ifielha Jehovápe ha oñemoĩha ipoguýpe.
19. ¿Mbaʼépa jajapóta ñantende porãramo pe visión oñeʼẽva pe aty guasúre?
19 Arakaʼeve ojapoʼỹ haguéicha, Jehová ombyaty hína hetaiterei hénte oparupiguápe oservi hag̃ua chupe. Tahaʼe jarekóva esperánsa jaiko hag̃ua yvágape térã ko yvy ape ári, enterovéva ñaipytyvõ vaʼerã opa ikatúvape oike hag̃ua pe aty guasu oĩháme umi “ótro ovechakuéra” (Juan 10:16). Saʼietereíma ningo ofalta Jehová ogueru hag̃ua pe jehasa asy guasu, upépe ohundíta entéro umi goviérno ha rrelihión japu hetaitéma ombosufríva la héntepe. Enterovete oĩva pe aty guasúpe orekóta peteĩ priviléhio ijojahaʼỹva: ikatúta oservi Jehovápe pára siémpre ko yvy ape ári (Apoc. 7:14).
PURAHÉI 139 Nde voi rejehecha pe múndo pyahúpe
^ párr. 5 Ko artíkulope ñañeʼẽta pe visión Juan ohecha vaʼekuére, ohechaukahápe oñembyatytaha peteĩ “aty guasu”. Katuete ko artíkulo omombaretevéta entéro umi orekóvape pe esperánsa porãite oĩ hag̃ua ko ‘aty guasúpe’.