ARTÍKULO OJESTUDIÁVA 38
“Peju che rendápe [...] ha che pombopiroʼýta”
“Peju che rendápe enterove peẽ penekaneʼõva ha pendekárga pohýiva, ha che pombopiroʼýta” (MAT. 11:28).
PURAHÉI 17 Vyʼápe ñañopytyvõ
MBAʼE REHEPA ÑAÑEʼẼTA *
1. ¿Mbaʼépa opromete Jesús Mateo 11:28-30-pe?
JESÚS ojapo vaʼekue peteĩ promésa iporãitereíva heta hénte renondépe, upérõ haʼe heʼi: “Peju che rendápe [...] ha che pombopiroʼýta” (elee Mateo 11:28-30). Kóva ndahaʼéi peteĩ promésa reínte. Epensamína por ehémplo, mbaʼépa haʼe ojapo oipytyvõ hag̃ua peteĩ kuña hasy vaietereívape.
2. ¿Mbaʼéichapa Jesús oipytyvõ peteĩ kuña hasývape?
2 Pe kuña ningo oikotevẽterei oñepytyvõmi chupe. Haʼe ja ohóma heta doktórpe, péro ohasáma 12 áño ha pe imbaʼasy osegínte ombosufri chupe. Hiʼarive pe léipe heʼi haʼe ikyʼaha oreko rupi upe mbaʼasy (Lev. 15:25). Upéi haʼe oikuaa Jesús omongueraha oikóvo umi hasývape, upémarõ osẽ oho oheka chupe. Otopa rire hese, opoko pe ijao ruguáire ha upepete okuera. Péro Jesús ndahaʼéi ku omongueránteva chupe, síno otrata porã chupe ha ohenói voi chupe “che rajy”, péicha ko kuña oñandu Jesús ohayhu ha orrespetaha chupe. Ajépa oiméne ipiroʼy ha oñeñandu porãite raʼe pe kuña (Luc. 8:43-48).
3. ¿Mbaʼe porandúpa ñambohováita ko artíkulope?
3 Iporã jahechakuaa pe kuña voi oñehaʼãmbaite hague oho hag̃ua Jesús rendápe, ndahaʼéi ku ohaʼarõnteva chupe. Ñande avei koʼág̃a ñañehaʼãmbaite vaʼerã ñañemoag̃ui hag̃ua Jesús rehe. Koʼág̃arupi haʼe ndojapói hína milágro omonguera hag̃ua umi héntepe. Péro osegi heʼi ñandéve: “Peju che rendápe [...] ha che pombopiroʼýta”. Ko artíkulope ñambohováita koʼã 5 porandu: ¿Mbaʼéichapa ikatu ñañemoag̃ui Jesús rehe? ¿Mbaʼépa heʼise jahupiha ñande ári ijúgo? ¿Mbaʼépa ikatu ñaaprende Jesúsgui? ¿Mbaʼérepa ñanembopiroʼy jajapóramo pe traváho haʼe oheja
vaʼekue ñandéve? ¿Ha mbaʼéichapa ikatu jasegi ñandepiroʼy ñaimévo ijúgo guýpe?“PEJU CHE RENDÁPE”
4, 5. ¿Mbaʼéichapa ikatu ñañemoag̃ui Jesús rehe?
4 Ñañemoag̃ui hag̃ua Jesús rehe, tekotevẽ ñaaprende ikatúva guive umi mbaʼe haʼe heʼi ha ojapo vaʼekuégui (Luc. 1:1-4). Upévare ñandete voi jastudia vaʼerã umi mbaʼe la Biblia omombeʼúva Jesúsre, upéva avave ndaikatúi ojapo ñande vése. Ñañemoag̃ui avei Jesús rehe jadesidívo jajevautisa ha oiko ñandehegui idisípulo.
5 Ótra fórma ñañemoag̃ui hag̃ua Jesús rehe haʼe hína ñañembojávo umi ansiáno rendápe ñaikotevẽ jave ajúda. Umi ansiáno ningo haʼe hína peteĩ rregálo, ha Jesús ojevale hesekuéra oñatende hag̃ua ijovechakuérare (Juan 21:16; Efes. 4:7, 8, 11; 1 Ped. 5:1-3). Péro nañahaʼarõi vaʼerã haʼekuéra olee ñane pensamiénto ha oikuaa mbaʼépa ñaikotevẽ, síno ñande voi jajerure vaʼerã chupekuéra tañanepytyvõ. Jahechamína mbaʼépa heʼi peteĩ ermáno hérava Julian: “Che aheja kuri che asignasión Betélpe pórke aju cherasy. Upéi peteĩ che amígo heʼi chéve ajerure hag̃ua umi ansiánope tachevisitami. Ñepyrũrã che apensa naikotevẽiha upéva. Péro upéi ajerure, ha ahechakuaa upéva haʼe hague peteĩva umi rregálo iporãvéva arresivi vaʼekue che rekovépe”. Umi mokõi ansiáno ovisita vaʼekue Juliánpe ifiél, ha umi ansiáno ifiélva ñanepytyvõ jaikuaa hag̃ua ‘Cristo opensáva’, péicha ikatúta ñantende ha jasegi iñehémplo ñapensa lájape ha umi mbaʼe jajapóvape (1 Cor. 2:16; 1 Ped. 2:21). Añetehápe, iporãiterei ko rregálo haʼekuéra ikatúva omeʼẽ ñandéve.
“PEHUPI PENDE ÁRI CHE JÚGO”
6. ¿Mbaʼépa heʼise raʼe Jesús heʼírõ guare: “Pehupi pende ári che júgo”?
6 Jesús heʼírõ guare: “Pehupi pende ári che júgo”, oiméne heʼise raʼe jaasepta vaʼerãha ijautorida. Ikatu avei heʼise jaike vaʼerãha hendive ijúgo guýpe ñambaʼapo hag̃ua hendive Jehovápe g̃uarã. Tahaʼe haʼeháicha, ñañehaʼãmbaite vaʼerã jaservi hag̃ua Ñandejárape.
7. Heʼiháicha Mateo 28:18-20, ¿mbaʼépa pe traváho ojeheja vaʼekue ñandéve, ha mbaʼépa Jesús katuete ojapóta?
7 Ñande jaasepta ko invitasión Jesús ojapóva ñañemeʼẽvo Jehovápe ha jajevautisa. Jesús oinvita enterovépe, haʼe arakaʼeve nomboykéi avavépe, síno oasepta umi oservisévape ipyʼaite guive Ñandejárape (Juan 6:37, 38). Jehová onkarga Itaʼýrape oikuaauka hag̃ua umi notísia porã umi héntepe, ha ñande ñamoirũ rupi Jesúspe, jajapo avei upe traváho. Upévare ikatu ñaime segúro Jesús siémpre ñanepytyvõtaha ko tembiapópe (elee Mateo 28:18-20).
“PEAPRENDE CHEHEGUI”
Ñambopiroʼy ñande rapichápe Jesús ojapo haguéicha (Ehecha párrafo 8-11) *
8, 9. a) ¿Mbaʼérepa umi hénte iñumíldeva oñemoag̃uise vaʼekue Jesús rehe? b) ¿Mbaʼépa ñañeporandu vaʼerã?
8 Umi hénte iñumíldeva oñemoag̃uise vaʼekue Jesús rehe (Mat. 19:13, 14; Luc. 7:37, 38). ¿Mbaʼérepa? Pórke Jesús idiferénte vaʼekue umi fariséogui. Haʼekuéra ningo ndohechaukái ohayhuha umi héntepe ha avei oñemombaʼeguasu (Mat. 12:9-14). Jesús katu oporohayhukuaa vaʼekue ha iñumílde. Umi fariséo itaryrýi ha ijorgullóso umi puésto importánte orekóvare. Jesús katu omboʼe idisipulokuérape ani hag̃ua itaryrýi, avei omboʼe chupekuéra iñumílde ha oipytyvõ hag̃ua hapichakuérape (Mat. 23:2, 6-11). Umi fariséo ojopyeterei hapichakuérandi ha upévare umi hénte okyhyje chuguikuéra (Juan 9:13, 22). Jesús katu ombopiroʼy umi héntepe pórke otrata porã chupekuéra ha iñamávle hendivekuéra.
9 ¿Jasegípa hína Jesús ehémplo? Ñañeporandumína: “¿Ojekuaápa cherehe chepyʼaguapy ha cheumildeha? ¿Ajapópa umi traváho
iñumíldeva aipytyvõ hag̃ua che rapichakuérape? ¿Cheamávle ha atrata porãpa umi ótrope?”.10. ¿Mbaʼéichapa oñeñandu vaʼekue umi disípulo oĩ tiémpope Jesús ndive?
10 Jesús ningo vyʼápe ohekomboʼe vaʼekue idisipulokuérape, upéicha rupi oĩ pyʼaguapy ijapytepekuéra ha ovyʼa hikuái oñondivepa (Luc. 10:1, 19-21). Haʼe oporotrata porã vaʼekue, upévare idisipulokuéra oñeñandu porã hendive ha ndahasyiete chupekuéra oporandu hag̃ua Jesúspe heta mbaʼe. Ha Jesús voi ohenduse vaʼekue mbaʼépa haʼekuéra opensa (Mat. 16:13-16). Umi plánta oĩva peteĩ hardín ojerrega porãvape okakuaa porã ha ipotypa. Upéicha avei umi disípulo oĩ aja Jesús ndive, oaprende heta leksión ha umíva oipytyvõ chupekuéra omongakuaa hag̃ua ijerovia ha ojapo hag̃ua heta mbaʼe iporãva.
Ñanderory ha ñaneamigávle vaʼerã
Japredika vaʼerã kyreʼỹme
Ñaneumílde ha ñambaʼapo jejopy vaʼerã *
11. ¿Mbaʼépa iporãta ñañeporandu?
11 Jarekóramo algún puésto de rresponsavilida iporãta ñañeporandu: “¿Mbaʼéichapa oñeñandu che rogaygua ha umi ombaʼapóva chendive? ¿Aipytyvõpa oĩ hag̃ua pyʼaguapy? ¿Oñeñandu porãpa umi hénte chendive ombaʼeporandu hag̃uáicha chéve oimeraẽ mbaʼe? ¿Añeinteresápa hesekuéra ha aikuaase mbaʼépa opensa hikuái?”. Aníkena arakaʼeve jajogua umi fariséope. Haʼekuéra ipochy oĩrõ ombaʼeporandúva chupekuéra, ha opersegi voi umi opensávape diferénte chuguikuéra (Mar. 3:1-6; Juan 9:29-34).
“KATUETE POMBOPIROʼÝTA”
12-14. ¿Mbaʼérepa ‘ñandepiroʼy’ jajapóvo pe traváho onkarga vaʼekue ñandéve Jesús?
12 ¿Mbaʼérepa ñandepiroʼy térã ñañeñandu porã jajapo jave pe traváho oheja vaʼekue ñandéve Jesús? Jahechamína mbaʼérepa.
13 Jaguereko umi superintendénte ipyʼaporãvéva. Jehová haʼéramo jepe Ñandejára Ndaijojaháiva, ndojopýi ñanendive ni naimalagradesídoi, síno omombaʼe umi traváho jajapóva (Heb. 6:10). Ha omeʼẽ ñandéve pe fuérsa ñaikotevẽva ñakumpli hag̃ua umi rresponsavilida jarekóva (2 Cor. 4:7; Gál. 6:5, nóta). Avei ñande Rréi Jesucristo omeʼẽ ñandéve pe ehémplo perfékto jaikuaa hag̃ua mbaʼéichapa jatrata vaʼerã ótrope (Juan 13:15). Ha umi ansiáno oñangarekóva ñanderehe oñehaʼã osegi Jesús ehémplo, “haʼe ningo pe pastór iñimportantevéva” (Heb. 13:20; 1 Ped. 5:2). Haʼekuéra oñehaʼãmbaite oporomokyreʼỹ, iñamávle ha ipyʼaguasu ñanemboʼe ha ñandeprotehévo.
14 Jaguereko umi kompañéro de traváho haʼéva hína ñane amigoite. Ndaipóri ñandéicha orekóva peteĩ traváho iñimportantetéva ha amígo oporohayhúva. Ñapensamíntena, jareko pe priviléhio ñambaʼapóvo umi persóna osegívandi umi konsého ha mandamiénto iñimportantevéva, péro nopensáiva ihustoveha ótrogui. Koʼã persóna ivale heta mbaʼépe, péro noñemombaʼeguasúi upévare, síno orrekonose umi ótro iñimportanteveha chuguikuéra. Haʼekuéra nopensái ñande ikompañéro de travahonteha, síno ñanderecha iñamígo teéramo. Ha ñanderayhueterei rupi oĩ voi omeʼẽ hag̃uáicha hekove ñanderehehápe.
15. ¿Mbaʼéichapa ñañeñandu vaʼerã jajapóvo pe traváho iñimportantetéva?
15 Jaguereko pe traváho iñimportantevéva. Ñande ñamboʼe la héntepe pe añetegua Jehová rehe, ha jahesapeʼa chupekuéra opilla hag̃ua umi japu omosarambíva pe Diablo (Juan 8:44). Haʼéngo ojopy umi héntepe omoĩvo hiʼári umi kárga ndaikatumoʼãiva oraha hikuái. Por ehémplo, oipota jaguerovia Jehová noperdonaiha ñande pekádo, ha nañamereseiha voi ñanderayhu haʼe ni avave. Koʼã japu ivaieterei ha ikatu ñanemoñeñandu vai. Péro jaikuaaháicha, ñañemoag̃ui rupi Jesús rehe ikatu oñeperdona ñandéve ñande pekádo. Ha ikatu ñaime segúro Jehová ñanderayhuetereiha (Rom. 8:32, 38, 39). ¡Ajépa javyʼaite ikatu haguére ñamboʼe ótrope okonfia hag̃ua Jehováre, ha avei jahechávo mbaʼéichapa la Biblia oipytyvõ chupekuéra!
JASEGI ÑANDEPIROʼY JESÚS JÚGO GUÝPE
16. ¿Mbaʼérepa pe kárga Jesús ñaneinvitáva jagueraha hag̃ua idiferénte umi ótra kárgagui?
16 Pe kárga Jesús ñaneinvitáva jagueraha hag̃ua idiferentete umi ótra kárga tekotevẽvagui jagueropuʼaka. Por ehémplo, ñamohuʼãvo peteĩ día de traváho ko múndope, ndahaʼéi voi ñanekaneʼõnteva, síno ndajavyʼái. Péro ñambaʼapóvo Jehová ha Cristo servísiope javyʼaiterei. Por ehémplo, ikatu hína ñambaʼapo rire un día kompléto ñanekaneʼõiterei ha upévare tekotevẽ ñañehaʼãmbaite jaha hag̃ua rreunionhápe, péro ¿mbaʼéichapa ñasẽ pe rreunióngui? ¿Ajépa ñasẽ jepi vyʼápe ha jareko jey pe fuérsa ñaikotevẽva? Upéicha avei oiko ñañehaʼã jave ñasẽ hag̃ua predikasiónpe, térã jareko hag̃ua ñande estúdio personál. Ñañehaʼãmbaitéramo jajapo koʼã mbaʼe, ñanembarete jey ha tuicha ñandepiroʼy.
17. ¿Mbaʼépa tekotevẽ ñarrekonose, ha mbaʼérepa ñañatende vaʼerã?
17 Ñarrekonose vaʼerã avei ikatuha ñanekaneʼõ, upévare jaipuru porã vaʼerã pe fuérsa jarekóva. Por ehémplo, nañañatendéiramo ikatu hína jaipuru vai ñande fuérsa ñambyaty hag̃ua umi kósa materiál. Jahechamína mbaʼépa Jesús heʼi vaʼekue pe mitãkariaʼy ipláta hetávape. Haʼe oporandu vaʼekue Jesúspe: “¿Mbaʼépa ajapo vaʼerã ahupyty hag̃ua jeikove opaveʼỹva?”. Upe kariaʼy okumplíma voi hína kuri pe léi, ha katuete ivuéno pórke Marcos heʼi Jesús ohayhu hague chupe. Upévare Jesús heʼi chupe: “Tereho evende nde kosakuéra [...]. Ha upéi eju chemoirũ”. Ko kariaʼýpe ijetuʼu kuri odesidi hag̃ua, pórke omoirũséramo jepe Jesúspe, ohayhuve umi mbaʼerepy orekóva ha ndohejaséi umíva (Mar. 10:17-22). Upéva káusa noñemoĩséi Jesús júgo guýpe, oho pe “pláta rapykuéri” ha osegi oiko ijesklávoramo (Mat. 6:24). ¿Mbaʼépa ñande jajapo vaʼerãmoʼã ñaimérire upe situasiónpe?
18. ¿Mbaʼépa jajapo vaʼerã sapyʼa pyʼa, ha mbaʼérepa?
18 Iporãitereíta jajepyʼamongetáramo sapyʼa pyʼa ha jahecha mbaʼépa hína pe iñimportantevéva ñandéve g̃uarã. ¿Mbaʼérepa? Pórke péicha ikatúta jahecha jaipuru porãpa hína pe fuérsa jarekóva. Jahechamína peteĩ mitãrusu káso hérava Mark. Haʼe heʼi: “Heta áñore apensa kuri aikoha sensillomínte. Che ningo prekursór vaʼekue, péro aipuru heta tiémpo ha fuérsa akonsegi hag̃ua pláta ikatu hag̃uáicha aiko porãve. Heta vése añeporandu mbaʼérepa ikomplikadoite la che rekove. Péro upéi ahechakuaa aikoha amotenonde umi mbaʼe chévente chegustáva, ha Jehovápe ameʼẽha pe tiémpo ha fuérsa hembymívantema”. Upéi Mark okambia opensa ha oiko lája, ha ombaʼapove Jehová servísiope. Haʼe heʼi: “Sapyʼánte ajepyʼapyeterei. Péro Jehová ha Jesús chepytyvõ rupi asegi amotenonde iservísio”.
19. ¿Mbaʼérepa iñimportánte jahecha hendápe porã ñane situasión?
19 Jasegi hag̃ua ñandepiroʼy Jesús júgo guýpe, jajapo vaʼerã mbohapy mbaʼe. Primero, jahecha vaʼerã hendápe porã ñane situasión. Ñande ñambaʼapo hína Jehovápe g̃uarã, upévare jajapo vaʼerã pe traváho haʼe oipotaháicha. Ñande haʼe hína la travahadór ha haʼe la ñane patrón (Luc. 17:10). Ñande jajaposéramo pe traváho ñandéve ñandegustaháichante, ipahápe ñanelastimáta pe júgo. Peteĩ guéi imbaretéva jepe ikatu oñelastima ha ikaneʼõ rei pe júgo guýpe ohoséramo haʼe ohosehárupinte, oho rangue pe ijára oipotahárupi. Péro jahejáramo Jehová ñandegia ikatúta jajapo hetaiterei mbaʼe ha jasuperáta oimeraẽ mbaʼe ñandejokoséva. Ñanemanduʼákena Ñandejára volunta oñekumplímante vaʼerã, avave ndaikatúi ojoko upéva (Rom. 8:31; 1 Juan 4:4).
20. ¿Mbaʼépa ñanemomýi vaʼerã ñañemoĩ hag̃ua Jesús júgo guýpe?
Juan 6:25-27, 51, 60, 66; Filip. 3:18, 19). Péro oĩ vaʼekue avei umi omoirũva Jesúspe ohayhúgui Ñandejárape ha hapichápe, ha haʼekuéra vyʼápe oñemoĩ pe júgo guýpe oikove aja ko yvy ape ári, ha oreko pe esperánsa oservívo Jesús ndive yvágape. Ñande avei javyʼáta jarekóramo pe deséo iporãva ha jagueraha mborayhúpe Jesús júgo.
20 Segundo, ñanemomýi vaʼerã pe deséo iporãva. Ñande ningo ñañemoĩ Jesús júgo guýpe pórke ñambotuichase ñande Ru ñanderayhuetéva Jehovápe. Pe primer síglope oĩ vaʼekue persóna omoirũva Jesúspe itaryrýi rupi térã openságui ijehénte, péro ensegidamínte ou ndovyʼavéi ha osẽ Jesús júgo guýgui (21. Heʼiháicha Mateo 6:31-33, ¿mbaʼépa ikatu ñahaʼarõ ojapo Jehová?
21 Tercero, jasegi vaʼerã jajerovia. Ñande jadesidíma kuri ñambaʼapo jejopytaha ha jajapotaha sakrifísio jaservívo Jehovápe. Ha Jesús ñandeavisa voi jajepersegitaha. Péro ikatu jajerovia Jehová omeʼẽtaha ñandéve la fuérsa ñambohovái hag̃ua umi mbaʼe ijetuʼúva. Amáske ñaaguanta, jajerovia mbaretevéta Jehováre (Sant. 1:2-4). Ikatu avei jajerovia Jehová omeʼẽtaha ñandéve umi mbaʼe ñaikotevẽva, Jesús osegitaha oñangareko ñanderehe, ha ñane ermanokuéra ñanemokyreʼỹtaha (elee Mateo 6:31-33; Juan 10:14; 1 Tes. 5:11). Añetehápe jarekopaite la ñaikotevẽva ñaaguanta hag̃ua oimeraẽ mbaʼe.
22. ¿Mbaʼérepa ñande ikatu javyʼa?
22 Pe kuña Jesús omonguera vaʼekue opytáma kuri ipiroʼy upe díape. Péro osegi hag̃ua ipiroʼy pára siémpre, haʼe osegi vaʼerã kuri Jesúspe ha ifiél chupe. ¿Mbaʼépa oiméne ojapo raʼe? Oimérire odesidi oñemoĩ Jesús júgo guýpe, oiméne orresivi raʼe pe prémio ijojahaʼỹva oservívo hendive yvágape. Tahaʼe haʼéva pe sakrifísio ojapo vaʼekue, ndahaʼeiete mbaʼeve ñambojojáramo pe prémio orresivívare. Ñande avei, oiméramo jareko pe esperánsa jaikóvo pára siémpre yvágape térã ko yvy ape ári, ikatu javyʼa jaasepta haguére pe invitasión Jesús ojapo vaʼekue ñandéve: “Peju che rendápe”.
PURAHÉI 13 Jasegi Cristo pypore
^ párr. 5 Jesús ñaneinvita ñañemoag̃ui hag̃ua hese. ¿Mbaʼépa jajapo vaʼerã ñañemoag̃ui hag̃ua hese? Ko artíkulo ombohováita ñandéve upéva, ha jahecháta mbaʼeichaitépa ñandepiroʼy ñambaʼapóramo Crístondi.
Nóta]
^ párr. 60 JAHECHÁVA PE TAʼANGÁPE: Jesús ombopiroʼy vaʼekue umi persóna oĩvape diferénte situasiónpe.
^ párr. 66 JAHECHÁVA PE TAʼANGÁPE: Peteĩ ermáno oñehaʼã hína osegi Jesús ehémplo.