Oñepyrũmíre áño 1940, che tuakuéra oñepyrũ ostudia la Biblia umi testígo de Jehovándi. Upe riremínte haʼekuéra oheja la ijestúdio, péro che sy osegi orresivi umi rrevísta La Atalaya ha ¡Despertad! Áño 1950-pe oiko vaʼekue peteĩ asambléa internasionál Nueva Yórkpe, ha che família oasepta pe invitasión oho hag̃ua upe asambléape.

Tiémpo riremi ermáno Lawrence Jeffries ohenói che famíliape. Haʼe oñeinteresa vaʼekue cherehe ha chepytyvõse aikuaa hag̃ua pe añetegua. Iñepyrũme che naiméi vaʼekue de akuérdo hendive, pórke Testigokuéra noñentremetéi polítikape ha ndohói gerrahápe. Che apensa vaʼekue entéro umi oĩva Estados Unídospe ndohóiramo gerrahápe, umi enemigokuéra ikatuha ou oataka ha ojagarra pe país. Ermáno Jeffries ipasiénsia cherehe, ha heʼi chéve: “¿Mbaʼépa nde ere Jehová ojapotaha entéro oĩva Estados Unídospe oservíramo chupe, ha oataka chupekuéra umi iñenemigokuéra?”. Ko mbaʼe haʼe heʼívare chéve ahechakuaa naisentidoiha umi mbaʼe apensa vaʼekue. Péva chemokyreʼỹ aikuaaseve hag̃ua la Biblia omboʼéva.

Che ningo órare aleémi vaʼekue umi rrevísta La Atalaya ha ¡Despertad! yma guare, che sy omoĩ vaʼekue pe sótanope. Mbeguekatúpe añemeʼẽ enkuénta atopa hague pe añetegua. Upévare aasepta vaʼekue pe estúdio bíblico oofreséva chéve ermáno Jeffries ha avei añepyrũ aha meme rreunionhápe. Añandu pe añetegua opoko hague che korasõre, ha upéi oiko chehegui puvlikadór. Upe guive okambiaite umi mbaʼe che ahupytyséva aikuaa rupi Jehová ára guasu hiʼag̃uimbaitemaha (Sof. 1:14). Aha rangue universidápe, che aipytyvõse kuri hetave héntepe oaprende hag̃ua pe añetegua oĩva la Bíbliape.

 Che amohuʼã vaʼekue che koléhio el 13 de junio de 1956, ha tres día rire, ajevautisa peteĩ asambléa de sirkuítope. Che ningo naimoʼãiete kuri ahupytytaha hetaiterei vendisión añemeʼẽ haguére Jehovápe, aaprende ha amboʼe haguére che rapichakuérape Jehovágui.

Seis mése ajevautisa rire, oiko chehegui prekursór rregulár. Pe Ministerio del Reino osẽ vaʼekue diciembre de 1956-pe oreko vaʼekue peteĩ artíkulo heʼíva: “¿Reservisépa peteĩ lugár oñekotevẽvehápe?”. Upe artíkulo chéve g̃uarãite voi. Che apredikase vaʼekue umi lugár oñekotevẽvehápe (Mat. 24:14).

Che ava vaʼekue Edgefield, Carolina del Súrpe. Upe kongregasiónpe ningo oĩ vaʼekue 4 puvlikadórnte ha chereheve katu 5. Ore ningo roguereko vaʼekue pe rreunión peteĩ ermáno rógape. Ha káda mes che apredika vaʼekue 100 óra. Che ningo heta cherembiapo vaʼekue amotenondévo pe predikasión ha arekóvo umi asignasión rreunionhápe. Che ahechakuaa amáske ajapo koʼã mbaʼe, aaprendeveha Jehovágui.

Chendive ostudia vaʼekue la Biblia peteĩ kuñakarai oguerekóva peteĩ funerária Jóhnstonpe. Haʼe ningo imbaʼeporãiterei chendive, omeʼẽ chéve peteĩ traváho ndoipeʼapamoʼãiva chehegui che tiémpo. Ha omeʼẽ avei oréve peteĩ lugár ikatutahápe roguereko umi rreunión.

Pe ermáno Jolly Jeffries, haʼéva pe chembostudia vaʼekue la Biblia raʼy, ova Brooklyn, Nueva Yórkgui pe lugár che aimehápe, ha oiko chugui che kompañéro de prekursorádo. Ore roiko peteĩ rremolkeʼípe peteĩ ermáno oipuruka vaʼekue oréve.

Pe ore roiko haguépe ningo saʼieterei ojepaga vaʼekue. Un día de traváhore ore rogana vaʼekue 2 térã 3 dólar. Peteĩ jey aipurupaite pe pláta aguerekomíva ajogua hag̃ua tembiʼurã peteĩ despénsagui, ha asẽ rire upégui peteĩ kuimbaʼe oñemboja cherehe ha oporandu chéve: “¿Nerembaʼaposéi piko chendive? Apagáta ndéve un dólar por óra”. Ambaʼapo tres día aja amopotĩvo peteĩ lugár de konstruksión. Ahechakuaa mbaʼéichapa Jehová chepytyvõ apyta hag̃ua Édgefieldpe. Ha 1958-pe aha pe asambléa internasionál ojejapo vaʼekuépe Nueva Yórkpe.

Pe segundo día de asambléape oiko álgo ijespesiálva. Upépe aikuaa Ruby Wádlingtonpe, oservíva avei kómo prekursóra rregulár Gallatin, Ténnesseepe. Mokõivéva ningo roservise vaʼekue de misionéro, ha upévare roho pe rreunión ojejapóvape umi ohosévape Eskuéla de Galaádpe. Tiémpo riremi roñepyrũ roskrivi ojupe kárta. Upe rire añeinvita aha hag̃ua ajapo diskúrso Gállatinpe, pe lugár haʼe oservihápe. Aaprovecha upe oportunida aporandu hag̃ua chupe nomendaséipa cherehe. Upe rire ava Ruby kongregasiónpe ha romenda 1959-pe.

Aguerekórõ guare 23 áño, añenombra siérvo de kongregasión (koʼág̃a oñehenóiva koordinadór del kuérpo de ansiáno) Gállatinpe. Ore kongregasión ningo haʼe vaʼekue pe primera kongregasión ovisita vaʼekue ermáno Charles Thompson kómo  superintendénte de sirkuíto. Haʼe ningo iñexperiensiaiterei vaʼekue. Péro upéicharamo jepe oporandu chéve mbaʼépa che akalkula oikotevẽha umi ermáno, ha mbaʼéichapa umi ótro superintendénte de sirkuíto oñatende umi mbaʼére. Chugui ningo aaprende vaʼekue iñimportanteha jajapo porandu ha jarekopaite umi informasión jadesidi mboyve peteĩ mbaʼe.

Mayo de 1964-pe añeinvita aha hag̃ua pe Eskuéla del Ministério del Rréinope ipukúva un mes ha ojejapóva South Lansing, Nueva Yórkpe. Umi ermáno omoakãva pe eskuéla chepytyvõ aaprendeseve hag̃ua Jehovágui ha añemoag̃uive hag̃ua hese.

Áño 1965-pe Ruby ha che roñeinvita roservi hag̃ua kómo superintendénte de sirkuíto. Pe sirkuíto ore roñeasigna haguépe tuicha vaʼekue. Oñepyrũ Knoxville, Tennessee guive ha oho hese haimete Richmond, Virginia peve. Ha umíva apytépe oike avei umi kongregasión oĩva Carolina del Norte, Kentucky ha Virgina Occidentálpe. Avisita vaʼekue umi kongregasión oĩhápe añoite umi ermáno négro sur gotyo Estados Unídospe, pórke oĩ kuri pe léi heʼíva umi négro ha vlánko ndojeheʼái vaʼerãha ojuehe. Umi ermanokuéra ningo imboriahueterei vaʼekue ha upévare ore roaprende rokomparti hag̃ua la rorekomíva. Peteĩ ermáno heta áñorema oservíva kómo superintendénte de sirkuíto chemboʼe vaʼekue peteĩ mbaʼe iñimportantetereíva: “Toikókena ndehegui peteĩ ermáno. Revisita jave peteĩ kongregasión, umi ermáno nderecha vaʼerã iñermánoicha ha ndahaʼéi peteĩ héfeicha. Haʼekuéra nderecháramo peteĩ ermánoicha, ikatúta reipytyvõ porãve chupekuéra”.

Rovisitárõ guare peteĩ kongregasión michĩva, Ruby oñepyrũ ostudia peteĩ kuñakarai imitãvandi. Haʼe oreko vaʼekue peteĩ imembykuñaʼi de un áño. Upe kongregasiónpe ndaipóri vaʼekue avave ikatúva ombostudia chupe, upévare Ruby ostudia hendive por korréo. Rovisita jeýrõ guare upe kongregasión, haʼe oasisti meméma umi rreunionhápe. Upe rire oñeasigna mokõi ermána prekursóra espesiálpe ha ostudia pe kuñakaraíndi. Upe riremínte haʼe ojevautisáma. Oiméne 30 áño haguépe, áño 1995-pe Betel de Páttersonpe, peteĩ ermána imitãva oñemboja Ruby rendápe. Ko ermána haʼe kuri pe kuñakarai membykuñaʼi Ruby ombostudia vaʼekue. Ko ermána ha iména oasisti kuri pe kláse número 100 de Galaádpe.

Pe segundo sirkuíto otoka vaʼekue oréve haʼe kuri Florida. Upe tiémpope roikotevẽ kuri ore veikulorã ha kavalete rotopa peteĩ iprésio porãitereíva. Péro pe primera semánape oumi oñembyai pe vómba de água oguerekóva ore veíkulo, hiʼarive oresoguéma ha ndaikatumoʼãi romyatyrõka. Upémarõ ahenói peteĩ ermáno ikatúvape orepytyvõ. Ha haʼe ombou peteĩ ipersonál oarregla hag̃ua la veíkulo, ha ndoipotái kuri ore ropaga chupe upévare. Haʼe heʼínte oréve: “Ndapedevéi ningo chéve mbaʼeve”. Hiʼarive orregala oréve plataʼimi. Upéva ningo peteĩ ehémplo iporãitereíva ohechauka vaʼekue oréve mbaʼeichaitépa Jehová oñangareko isiervokuérare. Upéva oremomanduʼa orembaʼeporã vaʼerãha avei ótrondi.

Rovisita jave ótra kongregasión ropyta umi ermanokuéra rógape. Upéicha rupi roguereko heta amígo. Peteĩ día añepyrũ askrivi pe infórme pe kongregasión rehegua che mákina de eskrivírpe, péro naterminái. Upe kaʼaruetépe ag̃uahẽ rire apilla pe mitãʼi orekóva tres áño upe ogapegua “chepytyvõ hague” atermina hag̃ua pe infórme. Heta áñore atenta chupe upévare ha ropuka.

Áño 1971-pe arresivi peteĩ kárta aservitaha de superintendénte de distríto pe siuda de Nueva Yórkpe. ¡Upéva oresorprende kuri! Rovárõ guare upépe che areko vaʼekue 34 áñonte. Ha che haʼéta kuri pe primer superintendénte de distríto négrova, ha umi ermáno upepegua orerresivi porãiterei kuri.

Che aservi rupi de superintendénte de distríto, káda semána avyʼaiterei ikatu haguére areko diskúrso umi asambléa de sirkuítope. Heta superintendénte de sirkuíto iñexperiensiave vaʼekue chehegui. Peteĩva umíva apytégui ojapo vaʼekue chéve pe diskúrso de vautísmo. Ótro katu haʼe vaʼekue pe ermáno Theodore Jaracz, tiémpo riremi oservi vaʼekue pe Kuérpo Governántepe. Oĩ avei kuri heta ermáno iñexperiénsia hetáva oservíva Betel de Broóklynpe. Aagradeseterei umi superintendénte de sirkuíto ha umi betelítape chepytyvõ haguére añeñandu porã hag̃ua ambaʼapóvo hendivekuéra. Chete ahecha vaʼekue koʼã ermáno haʼeha pastór imbaʼeporãva, pórke haʼekuéra ojerovia la Bíbliare ha ipyʼaite guive oapoja Jehová organisasión. Péicha  haʼekuéra iñumílde rupi chepytyvõ ajapo porã hag̃ua che rembiapo kómo superintendénte de distríto.

Áño 1974-pe Kuérpo Governánte oasigna peteĩ grúpo de superintendénte de sirkuíto oservi hag̃ua kómo superintendénte de distríto. Ha upévare che aservi jey vaʼekue kómo superintendénte de sirkuíto, ko vuéltape Carolina del Súrpe. Upérõ guare ndaiporivéima pe léi heʼíva umi ipire kolór morotĩva ndojeheʼái vaʼerãha umi ipire kolór négrovare. Upévare umi kongregasión ha sirkuitokuéra ikatúma oĩ oñondivepa, ha upéva ombovyʼaiterei umi ermanokuérape.

Opakuévo pe áño 1976 añeasigna aservi hag̃ua de superintendénte de sirkuíto Geórgiape, oĩva éntre Atlanta ha Columbus. Chemanduʼa porãiterei ajapórõ guare peteĩ diskúrso de funerál. Upérõ omano vaʼekue 5 mitã négrova. Haʼekuéra omano kuri pórke ojehapy la hogakuéra. Isykuéra katu oñelastima vaipa ha ojegueraha ospitálpe. Hetaiterei ermáno vlánko ha négrova oho pe ospitálpe okonsola hag̃ua umi tuakuérape. Upérõ ahechakuaa mbaʼeichaitépa umi ermáno ojoayhu. Peichagua mborayhu ningo ikatu oipytyvõ oñeaguanta hag̃ua umi situasión ijetuʼuvéva jepe.

Áño 1977-pe ojejerure oréve roho hag̃ua Betélpe, Broóklynpe, unos mése aja roipytyvõ hag̃ua peteĩ projéktope. Opa rire upe projékto mokõi miémbro del Kuérpo Governánte oñerreuni chendive ha oporandu chéve ndoroserviséipa Ruby ndive Betélpe. Ha roasepta upe invitasión.

Aservi Departaménto de Servísiope 24 áño aja. Upépe umi ermanokuéra oñenkarga umi pregúnta ijetuʼu ha idelikádovare. Umi áñope, pe Kuérpo Governánte siémpre oporogia heʼiháicha la Biblia. Ha upéva oipytyvõ pe Departaménto de Servísiope ombohovái hag̃ua umi pregúnta, avei ombokatupyry hag̃ua umi superintendénte de sirkuíto, ansiáno ha prekursorkuérape. Koʼã kapasitasión oñemeʼẽva ningo oipytyvõma hetaiterei ermánope ijerovia mbarete hag̃ua. Upéva ningo tuichaiterei oipytyvõ Jehová organisasiónpe.

Áño 1995 guive 2018 peve avisita umi sukursalkuéra kómo Rrepresentánte de la Sentrál Mundiál, anteve oñehenóiva Superintendénte de Sóna. Upéicha jave añerreuni jepi pe komite de sukursál ndive, betelita ha misionéro amokyreʼỹ ha aipytyvõ hag̃ua chupekuéra umi mbaʼe oikotevẽvape. Siémpre oremokyreʼỹeterei umi experiénsia porã omombeʼúva umi ermáno ha ermanakuéra Ruby ha chéve. Por ehémplo, áño 2000-pe rovisita Ruanda. Opokoiterei orerehe rohendúvo umi ermáno ha pe família Betel omombeʼu oréve umi mbaʼe ohasa vaʼekue ojejukárõ guare hetaiterei héntepe 1994-pe. Ijapytepekuéra ningo oĩ vaʼekue heta omanóva chuguikuéra ihénte. Ohasáramo jepe koʼã mbaʼe ijetuʼuetéva, umi ermáno ohechauka ijerovia mbareteha, oguerekoha esperánsa ha ovyʼaha hikuái.

Koʼág̃a ningo roguerekóma mas de 80 áño. Koʼã 20 áño ohasa vaʼekuépe aservi pe komite de sukursál de Estados Unídospe. Chéngo núnka ndahái vaʼekue universidápe. Upéicharõ jepe arresivi pe edukasión iporãvéva oúva Jehová ha iñorganisasióngui. Upéva chepytyvõ amboʼe hag̃ua pe añetegua oĩva la Bíbliape ikatúva ovenefisia chupekuéra pára siémpre (2 Cor. 3:5; 2 Tim. 2:2). Ahechakuaa mbaʼéichapa la Biblia oipytyvõ hetápe okambia hag̃ua ha oñemoag̃ui hag̃ua Ijapoharére (Sant. 4:8). Ijáma guive oréve, Ruby ha che romokyreʼỹ ótrope omombaʼe hag̃ua pe priviléhio oguerekóva oaprende hag̃ua Jehovágui ha omboʼe hag̃ua ótrope pe añetegua. Péva ningo pe priviléhio iporãvéva ikatúva oreko peteĩ Jehová siérvo.