Ñahendu jepi oñeñeʼẽ memeha umi família oiko vaipávare, péro oĩ avei heta família ovyʼáva oñondive. ¿Mbaʼe konséhopa osegi hikuái oiko porãmba hag̃ua?

• Estados Unídospe, éntre áño 1990 ha 2015 umi divórsio el dóvle hetave umi hénte orekóva mas de 50 áño apytépe, ha umi orekóva mas de 65 áño apytépe katu el tríple voi hetave la divórsio.

• Umi tuakuéra ndoikuaái mbaʼépa ojapóta pórke oĩ umi expérto heʼíva ojefelisita meménte vaʼerãha umi mitãme, ha ótro katu heʼi ílore ojeguereko vaʼerãha chupekuéra.

• Umi mitãrusukuéra okakuaapa rire ndojapokuaái heta mbaʼe ha upévare ndohoporãi chupekuéra.

Péro natekotevẽi péicha oiko penderehe.

• Umi matrimónio ikatu ovyʼa ha oiko oñondive tóda la vída.

• Umi tuakuéra ikatu oaprende mbaʼéichapa ohekomboʼe vaʼerã ifamíliape mborayhúpe.

• Umi mitãrusu ha mitãkuña ikatu oaprende umi mbaʼe oservítava chupekuéra okakuaapa rire.

¿Mbaʼéichapa ikatu jahupyty koʼã mbaʼe? Ko rrevísta ¡Despertad! oñeʼẽta 12 konsého oipytyvõvare umi famíliape ovyʼa hag̃ua.