MBAʼÉICHAPA IKATU OPA PE ÓDIO
4 | Ñandejára nepytyvõta ndepuʼaka hag̃ua pe ódiore
La Biblia omboʼéva:
“Umi mbaʼe porã oúva Ñandejára espíritugui haʼe hína: mborayhu, vyʼa, pyʼaguapy, pasiénsia, pyʼaporã, mbaʼeporã, jerovia, akãguapy ha jejokokuaa” (GÁLATAS 5:22, 23).
Mbaʼépa heʼise ko téxto:
Ñandejára ikatu ñanepytyvõ jaipeʼaite hag̃ua ñandejehegui pe ódio. Ijespíritu sánto ñanepytyvõkuaa jareko hag̃ua umi kualida ñande ñandejehegui reínte ndaikatumoʼãiva ñakonsegi. Upéicharõ, ñapensa rangue ñane añónte ikatutaha ñandepuʼaka pe ódiore, iporãvéta ñadependéramo Ñandejárare upearã. Jajapóramo upéicha ikatúta avei jaʼe apóstol Pablo heʼi haguéicha: “Che chembarete ambohovái hag̃ua entéro mbaʼe Ñandejára omeʼẽgui chéve podér” (Filipenses 4:13). Ha katuete avei jaʼéta: “Jehová ningo chepytyvõ” (Salmo 121:2).
La ikatúva rejapo:
“Jehová chepytyvõ akambia hag̃ua. Yma cheviolénto péro koʼág̃a ndaupeichavéima” (WALDO).
Eñemboʼe Jehovápe nde pyʼaite guive ejerure hag̃ua chupe ijespíritu sánto (Lucas 11:13). Ere chupe tanepytyvõ ehechauka hag̃ua umi kualida porã. Eñehaʼã estudia la Bíbliape umi kualida nepytyvõtava eipeʼaite hag̃ua ndejehegui pe ódio, por ehémplo mborayhu, pyʼaguapy, pasiénsia ha jejokokuaa. Eheka voi oportunida emoĩ hag̃ua en práktika umi mbaʼe eaprendéva ha ejeheʼa umi oñehaʼãvare avei ojapo upéicha. Umichagua persóna ikatu ‘nemokyreʼỹ eporohayhu hag̃ua ha ejapo hag̃ua iporãva’ (Hebreos 10:24).
