Peteĩ día, peteĩ ermána oikóva Nueva Zelándape ohecha pe vidéo hérava “Jajepyʼapýkena umi ótrore”. Upépe oñeanalisa Jehová ndahaʼeiha oporombyasýnteva, síno ohechauka imbaʼeporãha umi mbaʼe ojapóva rupive (Is. 63:​7-9). Ko ermána ojapose la oaprende vaʼekue oipytyvõvo ótrope. Upe rire, ohokuévo ombaʼejogua otopa peteĩ kuñakarai mboriahumíre ha ojeofrese ojogua hag̃ua chupe álgo hoʼumi vaʼerã. Ha pe kuñakarai oasepta. Pe ermána ou jeývo ogueru hag̃ua chupe pe tembiʼu, oaprovecha opredika pe kuñakaraípe oipurúvo pe tratádo ¿Opánepa umi sufrimiénto?

Pe kuñakarai oñepyrũ hasẽ. Haʼe omombeʼu okakuaa hague kómo Testígo, péro aretereíma oheja hague Jehovápe. Ha ndaʼareguasúi oñepyrũ hague oñemboʼe meme Jehovápe oñemoag̃ui jey hag̃ua hese. Pe ermána omeʼẽ pe kuñakaraípe ibibliarã ha opyta ostudia hag̃uáicha oñondive hikuái. a

Ñande avei ikatu ñanembaʼeporã ótrondi Jehová ojapoháicha, por ehémplo ñane parientekuérandi térã umi ermáno ha ermána oĩvandi ñane kongregasiónpe. Avei ikatu jahechauka ñanembaʼeporãha ñañeʼẽvo umi héntendi la Biblia heʼívare.