Ñarrekonose vaʼerã ijetuʼuha jepi ñanemanduʼa hag̃ua la jastudia vaʼekuére. Péro umi ehémplo Jesús oipuru vaʼekue ensegída ou ñane akãme. ¿Mbaʼéicha rupípa? Pórke umi ehémplo rupive haʼete jahechapáva voi la oñemombeʼúva, ha upévare ifasilve ñanemanduʼa hag̃ua. Upéicharõ eñehaʼãramo eñeimahina umi mbaʼe restudiáva, ifasilvéta opyta hag̃ua ndéve ne akãme. ¿Mbaʼéichapa ikatu rejapo upéva?

Oĩ umi odivuháva jepi umi mbaʼe pyahu oaprendéva. Upéicha rupi imanduʼa porãve la ostudia vaʼekuére, ha ndahaʼéi umi palávrarente la imanduʼáva hikuái síno umi idéa iñimportántevare avei. Natekotevẽi iporã rasapa umi divúho, síno isensillomínte vaʼerã. Oĩ expérto heʼíva umi hénte ijedavéva imanduʼa porãveha la oaprendévare odivuháramo la ostudiáva.

Ág̃a restudia jey vove, ¿mbaʼére neretanteái edivuha la reaprendéva? Ikatu reñesorprende rehechávo mbaʼeichaitépa opyta ne akãme upe rire la restudia vaʼekue.