Jatopa hag̃ua umi óro kuʼi oĩva la Bíbliape tekotevẽ jastudia porã. ¿Péro mbaʼépa ikatu jajapo ideprovechove hag̃ua ñandéve la jastudiáva?

Ñañatendékena umi detálle oĩvare umi rreláto bíblicope. Por ehémplo mávapa oskrivi rakaʼe, arakaʼépa ha mávape g̃uarãpa oskrivi vaʼekue. ¿Mbaʼéichapa rakaʼe la situasión, mbaʼépa oiko upe mboyve ha upe rire?

Ñapensa umi mbaʼe ikatúvare ñaaprende. Ikatu ñakontesta koʼã porandu: “¿Mbaʼéichapa oñeñandu vaʼekue umi persóna oñeñeʼẽha la Bíbliape? ¿Mbaʼeichagua persónapa rakaʼe hikuái, ha mbaʼérepa asegi vaʼerã iñehemplokuéra? ¿Mbaʼe deféktopa oreko vaʼekue hikuái ha mbaʼérepa ndajoguái vaʼerã chupekuéra?”.

Jajapo la ñaaprendéva. Ikatu jajapo upéva ñasẽ jave japredika térã jatrata jave ñande rapichakuérandi. Péicha jahechaukáta ñanearanduha heʼiháicha Salmo 107:43: “Pe iñarandúva oñatende porãta koʼã mbaʼére”.

• ¿Mbaʼépa ikatu ejapo? Ehechamína pe párte hérava Tesóro oĩva Ñandejára Ñeʼẽme jarekóva jepi káda semána rreunionhápe. Upe párte ningo nepytyvõ jepi epensa hag̃ua mbaʼéichapa ikatu ejapo la eaprende vaʼekue. Káda semána ko pártepe jatopa jepi umi porandu ñanemopensátava, umi mbaʼe ikatúvare jajepyʼamongeta ha umi taʼanga ikatúva ñaanalisa.