La Biblia omombeʼu porãiterei Jehová ikatuha oikuaa mbaʼépa oikóta amo gotyove (Is. 45:21). Péro nomombeʼúi mbaʼéichapa, arakaʼépa ni mboy vésepa odesidi ojapo upéva. Upéicharõ ñande ndaikatúi ñantendepa mbaʼéichapa Jehová ikatu oikuaa la oikótava amo gotyove. Péro ñaanalisamína unos kuánto mbaʼe si ikatúva jaikuaa.

Jehová ikatu ojapo opa mbaʼe ojaposéva. Péro sapyʼánte odesidi ndojapomoʼãiha álgo. Haʼe iñarandueterei rupi ikatu oikuaa entéro mbaʼe oikuaaséva (Rom. 11:33). Péro ojejokokuaa rupi ikatu avei odesidi ndoikuaáinte mbaʼépa oikóta amo gotyove (ekompara Isaías 42:14 heʼívare).

Jehová ikatu okumpli ivolunta. ¿Mbaʼéichapa upéva ñanepytyvõ ñantende hag̃ua Jehová ikatuha oikuaa la oikótava amo gotyove? Isaías 46:10 heʼi: “Ñepyrũrã che amombeʼúma mbaʼéichapa opáta peteĩ mbaʼe. Ymaite guive che aprofetisa vaʼekue umi mbaʼe neʼĩrava oiko. Che haʼéma: ‘La che adesidíva katuete oñekumplíta, che ajapóta la aipotáva guive’”.

Jehová oipotáramo ikatu oiko peteĩ mbaʼe pórke haʼe oreko la podér upearã. Upévare jaʼekuaa haʼe ikatuha oikuaa mbaʼépa oikóta amo gotyove. Jehová ndahaʼéi ku ohecharõguáicha peteĩ pelíkula oadelantáva ohecha hag̃ua mbaʼéichapa opáta. Upéva rangue Jehová ikatu odesidi oikotaha álgo peteĩ féchape ha og̃uahẽ vove upe día ikatu ojapo upéva (Éx. 9:​5, 6; Mat. 24:36; Hech. 17:31).

Upévare Jehová por ehémplo heʼi “aprepara”, “ajapo” ha “adesidi”, oñeʼẽ jave umi mbaʼe oikótavare amo gotyove (2 Rey. 19:​25, nóta; Is. 46:11). Idióma hebréope koʼã palávra ojepuru jepi oñeñeʼẽ hag̃ua la ojapóvare peteĩ “alfaréro” (Jer. 18:4). Peteĩ alfaréro ivaléva ningo ikatu ojapo pe ñaiʼũgui peteĩ mbaʼyru iporãitereíva. Upéicha avei Jehová ikatu ojapo la tekotevẽva guive okumpli hag̃ua hembipota (Efes. 1:11).

Jehová oheja ñande jadesidi. Haʼe nomoĩri káda únope mbaʼe destínopa orekóta. Ha ndoovligái avei umi persóna ivuénovape ojapo hag̃ua álgo ogueraha vaítava chupekuéra ha upévare oñehundi. Upéva rangue haʼe ñanemboʼe mbaʼéichapa iporãve jaiko, ha upéi oheja ñandéve jadesidi mbaʼépa jajapóta.

Jahechamína mokõi ehémplo. Primero ñañeʼẽta umi Niniveguáre. Upe siudápe oĩ vaʼekue hetaiterei hénte aña, ha upévare Jehová heʼi vaʼekue ohunditaha chupekuéra. Péro haʼekuéra oñarrepenti rupi Jehová “ndojapói upe odesidi vaʼekue ha ndoguerúi hiʼarikuéra umi mbaʼe vai heʼi vaʼekue oguerutaha” (Jon. 3:​1-10). Jehová okambia la odesidi vaʼekue ojapo amo gotyove. ¿Mbaʼérepa? Pórke umi Ninivegua odesidi ojapo la Jehová heʼíva ha oñarrepenti.

Pe segundo ehémplope ñañeʼẽta Ciro rehe. Haʼe olivera vaʼerã kuri umi judíope ha omanda oñemopuʼã jey hag̃ua Jehová témplo (Is. 44:26–45:4). Ko profesía ningo okumpli vaʼekue pe rréi Ciro de Persia (Esd. 1:​1-4). Péro haʼe ndoadorái vaʼekue Jehovápe. Péicha jahecha Jehová ojevale hague hese okumpli hag̃ua pe profesía, péro ndoovligái Círope oservi hag̃ua chupe (Prov. 21:1).

Jahechaháicha Jehová oreko enkuénta heta mbaʼe odesidíta jave oikuaa mbaʼépa oikóta amo gotyove. Jahechakuaa avei ñande ndaikatumoʼãiha voínte ñantendepa mbaʼéichapa Jehová opensa ha ojapo heta mbaʼe, ni mbaʼéichapa haʼe odesidi oikuaa mbaʼépa oikóta amo gotyove (Is. 55:​8, 9). Upéicharõ jepe umi mbaʼe jaikuaáva Jehovágui ñanepytyvõ ñakonfia hag̃ua haʼe siémpre ojapoha la iporãva. Ha ojapóta upéva odesidi jave oikuaa mbaʼépa oikóta amo gotyove.