Jesús opaga vaʼekue pe rreskáte huguy rupive, ha upéicha rupi añoite oñeperdona ñandéve ñande pekádo (Efes. 1:7). Péro la Biblia heʼi avei Ñandejára ‘yma operdona hague umi hénte pekádo ipasiensiaiterei rupi’. Upéva heʼise oñeperdonáma hague umi pekádo Jesús omeʼẽ mboyve jepe hekove (Rom. 3:25). Ñandejára siémpre ojapo hustísia, ¿mbaʼéicha rupi upéicharõ ikatúma operdona umi pekádo ojepaga mboyve pe rreskáte?

Jehová opromete vaʼekue oúta hague peteĩ yvypóra “familiare” osalva hag̃ua entéro umi ojeroviávape hese. Haʼe ojapo guive upe promésa, chupe g̃uarã haʼetéma ku oñemeʼẽmava pe rreskáte (Gén. 3:15; 22:18). Ñandejára ndodudái vaʼekue ni michĩmi Itaʼýra omeʼẽta hague upe rreskáte og̃uahẽ vove pe tiémpo upearã (Gál. 4:4; Heb. 10:​7-10). Jesús oĩrõ guare ko yvy ape ári Jehová omeʼẽ kuri chupe pe autorida operdona hag̃ua umi pekádo, haʼe omeʼẽ mboyve jepe pe rreskáte. Jesús ikatu vaʼekue operdona umi ojeroviávape hese, pórke oikuaa pe sakrifísio haʼe ojapótava ojepurutaha oñeperdona hag̃ua umi hénte pekadokuéra (Mat. 9:​2-6).