Apóstol Pablo oskrivi vaʼekue Timotéope, haʼéva avei ansiáno, ha heʼi chupe: “Ankarga ndéve Ñandejára renondépe, Cristo Jesús ha umi ánhel ojeporavo vaʼekue renondépe rejapo hag̃ua koʼã mbaʼe amandáva hína, ehesaʼỹijo porãkena entéro mbaʼe redesidi mboyve ha ani refavorese avavépe” (1 Tim. 5:21).

Jaikuaa hag̃ua mávapa “umi ánhel ojeporavo vaʼekue”, primero ñaanalisáta mávarepa ñoñeñeʼẽi hína ko téxtope. Ikatu jaʼe noñeñeʼẽiha umi 144.000 rehe. ¿Mbaʼérepa? Pórke umi unhído neʼĩra gueteri oñepyrũ oikove jey yvágape Pablo oskrivírõ guare Timotéope. Upe tiémpope g̃uarã umi apóstol ha umi ótro unhído noĩri gueteri yvágape, upévare jaʼekuaa haʼekuéra ndahaʼeiha “umi ánhel ojeporavo vaʼekue” (1 Cor. 15:​50-54; 1 Tes. 4:​13-17; 1 Juan 3:2).

Avei jaʼekuaa “umi ánhel ojeporavo vaʼekue” ndahaʼeiha umi ánhel naiñeʼẽrendúi vaʼekue pe dilúvio tiémpope. Umíva omoirũ vaʼekue Satanáspe ha upévare oiko chuguikuéra demónio. Avei haʼekuéra haʼe vaʼekue Jesús enemígo (Gén. 6:2; Luc. 8:​30, 31; 2 Ped. 2:4). Amo gotyove Jesús omombóta chupekuéra pe yvykua pypukúpe 1.000 áñore. Upéi Jesús ohundíta chupekuéra ha Satanáspe (Jud. 6; Apoc. 20:​1-3, 10).

“Umi ánhel ojeporavo vaʼekue” haʼémante vaʼerã umi ánhel ifiélva oĩva yvágape. Ohechaukaháicha 1 Timoteo 5:21 haʼekuéra ombaʼapo Jesucristo ha Jehová ndive.

Oĩ ningo “hetaiterei ánhel” ifiélva (Heb. 12:​22, 23). Péro ndaikatúi jaʼe Jehová omeʼẽha enterovépe ojapo hag̃ua elmímo traváho oñondivepaite (Apoc. 14:​17, 18). Por ehémplo, Jehová heʼi vaʼekue peteĩ ánhelpe añónte ojuka hag̃ua 185.000 soldádo asíriope (2 Rey. 19:35). Péro ikatu oime hetave ánhelpe oñeasigna ‘ohecha hag̃ua umi hénte oikóvape Jesús Rréinope, ha oipeʼa hag̃ua upégui umi omboligáva ótrope opeka hag̃ua ha umi ojapóvape mbaʼe vai’ (Mat. 13:​39-41). Algúno ikatu hína ‘ombyaty umi Ñandejára oiporavo vaʼekuépe’ yvágape (Mat. 24:31). Ótro ánhelpe katu ojeʼéne ‘oñangareko hag̃ua ñanderehe jaha jahahápe’ (Sal. 91:11; Mat. 18:10; ekompara Mateo 4:11; Lucas 22:43 heʼívare).

‘Umi ánhel ojeporavo vaʼekuépe’, oñeñeʼẽha 1 Timoteo 5:​21-pe, provávlemente oñeasigna oñangareko hag̃ua pe kongregasiónre. Umi ótro versíkulope Pablo omeʼẽ vaʼekue konsého porã ansianokuérape, ha avei heʼi ojerrespeta vaʼerãha chupekuéra kongregasiónpe. Péro avei umi ansiáno tekotevẽ ojapo entéro mbaʼe ‘ofavoreseʼỹre avavépe’, ha núnka ndodesidíri vaʼerã peteĩ mbaʼe opensa porãʼỹre. ¿Mbaʼérepa haʼekuéra ojapo vaʼerã upéva? Pablo heʼi vaʼekue umi ansiánope haʼekuéra oserviha “Ñandejára renondépe, Cristo Jesús ha umi ánhel ojeporavo vaʼekue renondépe”. Pablo ontendeka chupekuéra Jehová, Jesús ha umi ánhel ohechaha hína mbaʼéichapa haʼekuéra oñangareko pe kongregasiónre. Péicha ñantende porã algúno ánhelpe oñeasignaha oipytyvõ hag̃ua kongregasiónpe. Haʼekuéra okuida Jehová siervokuérare, oipytyvõ predikasiónpe ha oikuaauka Jehovápe umi mbaʼe ohecháva (Mat. 18:10; Apoc. 14:6).