Katuete ningo reaprendese hetave mbaʼe restudia jave neañoháme. Upévare jahechamína mbaʼépa ikatu rejapo reñekonsentra porãve hag̃ua.

• Eheka peteĩ lugár reĩ porãtaháme. Ikatúramo eñehaʼã eheka peteĩ lugár ipotĩva ha rehecha porãtaháme relee hag̃ua. Ikatu voi reguapy peteĩ mesápe térã peteĩ eskritóriope. Avei ikatu resẽ okápe peteĩ lugár itrankílovape.

• Eheka peteĩ lugár ikatuhápe reĩ neaño. Jesús oñemboʼe hag̃ua “opuʼã pyharevete koʼẽ mboyve ha oho ndaiporihápe avavete” (Mar. 1:35). Oimérõ ndererekói peteĩ lugár ikatutahápe reime neañoite, ikatu eavisa ne hentekuérape térã umi oikóvape nendive mbaʼe oraitépa restudiáta, péicha avave noñeʼẽmoʼãi ndéve upe moméntope.

• Eñehaʼã ani ejedistrae. Oimérõ reipuru hína ne teléfono térã nde távlet restudia hag̃ua, emoĩ ipuʼỹ térã nemolestaʼỹ hag̃uáicha. Nemanduʼárõ tekotevẽha rejapo álgo, eskrivi upéva peteĩ notaʼípe ha ejapo upéi. Ijetuʼúrõ ndéve eñekonsentra hag̃ua ikatu epuʼã eguataʼimi térã epytuʼu.