Umi mbaʼe ñaaprendéva la Bíbliagui tuichaiterei ikatu ñanepytyvõ ñakambiaite ha javyʼave hag̃ua. Jahechamína mbaʼéichapa oipytyvõ kuri Ricardo ha Andréspe.

RICARDO: Arekórõ guare 15 áñonte che aikéma vaʼekue peteĩ grúpo de patotérope. Upérõ ningo chemitãiterei gueteri, upévare che sosiokuéra chegueraha vaipaite voi. Che ahase vaʼekue voi kárselpe 10 áñore. Haʼete ningo la chevyroitereíva ahasévo pe kárselpe, péro che várriope ojerrespeta ha oñemombaʼe vaʼekue umi oho vaʼekuépe kárselpe, ha che aipota vaʼekue umi hénte cherecharamo avei.

Che ajapopaite vaʼekue la ojapóva jepi umi patotéro. Cherekovai, ajedroga ha cheviolentoiterei. Peteĩ pyharépe oiko peteĩ tirotéo ha che aĩme upépe. Upérõ apensáma voi kuri amanotaha péro ndojehuimi chéve mbaʼeve. Upéi apensa la che rekovére ha umi mbaʼe ajaposévare ha adesidi akambiataha. ¿Péro mbaʼéicha piko ajapóta upéva? ¿Mávaiko chepytyvõta?

La che hentekuéragui iprovléma hetavéva ndaipóri vaʼekue ha enterovéva lénto voi ndovyʼái. Péro peteĩva umi che tio ha ifamiliakuéra idiferénte kuri. Haʼekuéra ikalidaiterei ha ojapo opa mbaʼe la Biblia heʼiháicha. Peteĩ jey omombeʼu kuri chéve Ñandejára heraha Jehová, upévare pe tirotéo riremi, che añemboʼe kuri Jehovápe ha aipuru héra, ajerure chupe tachepytyvõmi. Ni ndagueroviaséi, péro al ótro día g̃uarã, ahendúma peteĩ Testígo ombotaha che rokẽ ha upéi añepyrũma astudia la Biblia.

Upe riremínte ahasa peteĩ mbaʼe ijetuʼuetereíva. Umi che sosiokuerakue pyʼỹinte cherenói aha jey hag̃ua hendivekuéra, péro haʼémante chupekuéra ndahamoʼãveimaha. Che ajedesidíma kuri asegitaha astudia la Biblia ha avyʼa ajapo haguére upéva. La Biblia chepytyvõ akambiaite hag̃ua ha koʼág̃a avyʼaiterei.

Che ningo ahase vaʼekue kárselpe 10 áñore, ikatu hag̃uáicha umi ótro patotéro cherrespeta. Péro upéi ajerure Ñandejárape topermitimínte chéve taservi chupe por lo méno 10 áñore, ikatu hag̃uáicha aipurupaite che tiémpo aipytyvõ hag̃ua la héntepe la Biblia rupive, chéve chepytyvõ haguéicha avei umi ermáno. Ñandejára orresponde che ñemboʼe ha 17 áñorema aservi hína upéicha, ha amombeʼuse avei peẽme ndahajepéi hague la kárselpe.

Heta umi che sosiokuerakue, koʼág̃a oĩ hína kárselpe heta áñorema ha oĩ voi umi omanóma vaʼekue. Che katu aagradeseterei che hentekuéra Testígope idiferénte haguére ha oiko haguére la Biblia heʼiháicha. Arrespetaiterei devísio chupekuéra. Núnka voi ndarrespetáiva ótrope la peichaite, ni yma umi ótro patotérope. Péro koʼýte aagradese Ñandejárape chepytyvõ haguére aikuaa hag̃ua mbaʼéichapa ikatu aiko vyʼápe.

 ANDRÉS: Che anase peteĩ várrio oĩháme hénte imboriahuetereíva. Henyhẽte vaʼekue drogadíkto, ojaprovecháva hapicháre, asesíno ha ojeprostituíva. Che túa ikaʼu vaʼekue ha oñenvisia pe kokaínare. Haʼe ha che sy tódo el tiémpo ojojaʼómi, ojoguerosapukái ha oñonupã.

Chemitã reheve añepyrũma amokõ ha ajedroga. Tódo el día aikómi pe kállere, amonda ha avende jey la amonda vaʼekue. Tiémpo rire, che túa oñemoag̃uiseháipi cherehe, chemboʼe mbaʼéichapa amoingekuaa dróga ha merkadería ilegál, ikatu hag̃uáicha avende. Sapyʼaitépe hetáma agana. Peteĩ día umi polisía ou ógape, chegueraha préso ha osẽ chéve 5 áño de kársel pórke haimete aporojuka.

Peteĩ pyharevépe oñeinvita enterove présope ohendu hag̃ua peteĩ chárla ojapóva umi testígo de Jehová. La heʼíva guive hikuái siertoite, upévare añepyrũ astudia la Biblia. Haʼekuéra ndeʼíri chéve la ahendusévante, síno ohechauka porã chéve mbaʼépa omboʼe la Biblia, jepe umi mbaʼe opyrũmbaite che pysãʼíre.

Upéi apilláma cheaño ndaikatumoʼãiha akambia, ha ijetuʼuvéntema chéve umi ótro préso cheamenasárõ guare pórke ndogustái chupekuéra la ajapóva. Upémarõ ajerure asy Jehovápe tachemombarete ha tachemoarandu ha Jehová cherendu. Upévare ikatu kuri pyʼaguasúpe amombeʼu umi ótro présope umi mbaʼe aaprendéva la Bíbliagui.

Asẽtarõ guare kárselgui akyhyje, apensa voi ikuentavetaha apytamie. Asẽvo ahávo ha ahasa umi pasíllorupi, unos kuánto préso ojedespedi chehegui ha algúno katu mborayhúpe heʼi chéve: “Toho porãite ndéve pastór Andrés”.

Akyhyje jepi apensa jave mbaʼépa oiko vaʼerãmoʼã chehegui Ñandejára nachemboʼéirire. Aagradeseterei ningo chupe ohechauka haguére cherayhuetereiha ha nopensái haguére nachepohãveimaha. a