KO MÚNDO IVAIETÉVAPE TEKOTEVẼ
1 | Jakuida ñande salúre
MBAʼÉREPA IÑIMPORTÁNTE
Ñambyasýramo jepe umi provléma káusare ikatu jepi jaju ñanderasy.
-
Oiko jave álgo ivaíva umi hénte ou jepi oñekevrantaiterei, ha osegírõ péicha heta tiémpore, ikatu ou ikangy ha ojagarra chupe oimeraẽ mbaʼasy.
-
Umi ospitál ikatu ou henyhẽte, upévare ndaikatuvéi oñeñatende umi héntere ha ofaltapa la pohã.
-
Ivaieterei jave la situasión umi hénte ndaikatuvéi opaga pohãre ni tembiʼu iñaliméntovare.
Mbaʼépa jareko vaʼerã enkuénta
-
Oimérõ ñanderasy térã jaiko ñañekevrantaiterei ikatu hína ni nañapensaporãvéi ha ndajajapói la tekotevẽva jakuera hag̃ua, ha amo ipahápe jaju ñanderasypave.
-
Jaikuaárõ ñanderasyha ha ndajahái la doktórpe ikatu hína oempeora ñane situasión ha ñamano voi upéva káusare.
-
Jakuida porãrõ ñande salúre ñaĩvéta preparádo jadesidi porã hag̃ua oñepresenta vove ñandéve umi provléma ijetuʼúva.
-
Ñanemboriahúramo jepe oĩ unas kuánta kósa ikatúva jajapo jakuida hag̃ua ñande salúre.
Mbaʼépa ikatu jajapo
Pe persóna iñarandúva ohechakuaa la pelígro ha ojapo la ikatúva guive ojei hag̃ua umi situasión vaígui. Upévare, ndajaipotáiramo ñandejagarra peteĩ mbaʼasy térã ani hag̃ua omeʼẽ vaieterei ñandéve, iñimportánte ñamopotĩ ñande róga ha ñande voi ñanepotĩ. Ikuentaiteve jajekuida pono ñandejagarra peteĩ mbaʼasy, ha ani upéi jaiko ñañelamenta.
“Roñehaʼãmbaiténgo romopotĩ ore róga ha ore voi orepotĩ. Rohechakuaa upéva orepytyvõha ani hag̃ua roiko rogasta pohãre ni doktórpe” (Andrés). a
a Ko rrevístape oñekambia unos kuánto téra.
