Péro ndoipuruporãiramo pe teknolohía ikatu hína oñaprovlema hikuái, por ehémplo:

• naitiempovéi ojupe g̃uarã.

• osegi ombaʼapo oĩ rire hógape jepe.

• nokonfiavéi ojuehe ha oñotraisiona voi katu.

TIÉMPO PEHASÁVA OÑONDIVE

Peteĩ karai hérava Michael heʼi: “Sapyʼánte che rembireko ha che roime el mísmo lugárpe, péro haʼete ku haʼe noĩriva chendive upépe. Haʼe selulár hovárente voi oiko ha upéi heʼi: ‘Chediskulpa, koʼág̃a ramo ikatu alee umi mensáhe oñemondo vaʼekue chéve’”. Ótro karai hérava Jonathan heʼi umichagua situasiónpe “umi omendáva ikatuha oĩ ojoykerete, péro oñandu oĩha mombyryeterei ojuehegui”.

EPENSAMÍNA: ¿Pyʼỹipa erresivi llamáda térã elee umi mensáhe reñemongeta javete ne ména térã ne rembirekóndi? (EFESIOS 5:33).

TRAVÁHO

Oĩ heta orekómante vaʼerã ijehe iselulár, pórke itraváhogui ikatu oñehenói chupe oimeraẽ óra. Ótro katu ndahaʼéi la peichaite, péro lomímonte avei ijetuʼu chupe oheja hag̃ua la iselulár. Por ehémplo Lee heʼi: “Chéve ijetuʼu ani hag̃ua añatende káda llamáda ha mensáhe oñemboúva chéve che traváhogui. Ha oiko cherehe upéva aĩramo jepe ógape che rembirekóndi”. Ha peteĩ kuñakarai hérava Joy heʼi: “Che ambaʼapo che róga guive voi, upévare ijetuʼu jepi chéve ani hag̃ua ahasa la rrája, ha apoi hag̃ua órape”.

EPENSAMÍNA: ¿Ejapysaka porãpa ne ména térã ne rembirekóre peñemongeta jave, térãpa ejedistrae ótra kósare? (LUCAS 8:18).

NOKONFIAVÉI OJUEHE

Peteĩ enkuésta ohechauka oĩha heta matrimónio odeskonfiáva ojuehegui ha oiko vaíva umi mbaʼe ohupívare hikuái umi rred sosiálpe. El 10 por ciento umíva apytépe katu orrekonose voi opuvlika hague heta mbaʼe kañyháme iména térã hembirekógui.

Upévare voi oĩ heta opensáva umi rred sosiál ipeligrosoitereiha umi matrimóniope g̃uarã, ha ifasilveha chupekuéra g̃uarã omoakãratĩ hag̃ua iména térã hembirekópe. Upévare nañanesorprendéi umi avogádo heʼi haguére oĩha heta ojedivorsiáva umi rred sosiál káusare.

EPENSAMÍNA: ¿Emensaheápa kañyháme ne ména térã ne rembirekógui ótra persónandi? (PROVERBIOS 4:23).

EMOTENONDE NE MÉNA TÉRÃ NE REMBIREKÓPE

Peteĩ persóna noñalimentaporãiramo katuete oúta hasy. Upéicha avei umi omendáva odeskuidáramo iména térã hembirekópe katuete iprovlémata imatrimóniope (Efesios 5:28, 29).

Eanalisa ne ména térã ne rembirekóndi mbaʼe suherénsiapa ikatu pesegi, térã peanota voi mbaʼépa ikatu pejapove ani hag̃ua pe teknolohía operhudika pene matrimónio.

• Pekaru oñondive una ves al día jepe

• Peplanea mbaʼe órapa ndapeipurumoʼãi pende selulár umía

• Pemboyke tiémpo pehasa hag̃ua oñondive

• Pembogue pende selulár pyharekue peke hag̃ua

• Pehejaite pende selulár umía 15 minúto al día jepe, peñemongeta porãve hag̃ua

• Peplanea mbaʼe órapa ndapeipurumoʼãvéima Internet