¿Ikatúpa pe teknolohía operhudika umi mbaʼe repensáva?
Ñane tiémpope la hénte oheka vaʼerã informasión oipuru hag̃ua eskuéla, koléhiope, itraváhope ha umícha. Ha pe teknolohía ideprovechoiterei upearã. Anteve ijetuʼueterei vaʼekue jatopa hag̃ua informasión, péro koʼág̃a katu natekotevẽi ni ñande rógagui ñasẽ.
Upéicharõ jepe umi oipuruetereíva pe teknolohía ohechakuaa ikatuha iprovléma heta mbaʼépe, por ehémplo:
-
ndaikatúi oñekonsentra olee jave peteĩ informasión.
-
ifasileterei ojedistrae oimeraẽ mbaʼe reíre.
-
pyaʼeterei ojeavurri oĩ jave haʼeño.
MBAʼÉPA IPORÃ EREKO ENKUÉNTA
RELEÉVO
Umi oipuruetereíva iselulár umía ja naipasiensiavéima olee hag̃ua peteĩ lívro kompletoite, ha vai vaíntema omaña umi idéa prinsipál rehe.
Upéva ningo ikatu ideprovécho tekotevẽramo pyaʼe pyaʼénte retopa peteĩ rrespuésta, péro nanepytyvõmoʼãi asy oiméramo eanalisa porã vaʼerã peteĩ informasión rentende hag̃ua.
EPENSAMÍNA: ¿Ijetuʼúpa ndéve eleepa hag̃ua umi informasión ipukúva? ¿Mbaʼérepa nde ere eaprendetaha hetave mbaʼe eñekonsentra porãramo elee jave? (PROVERBIOS 18:15).
EÑEKONSENTRA HAG̃UA
Oĩ opensáva ikatuha oipuru pe teknolohía ojapo hag̃ua mokõi mbaʼe al mísmo tiémpo, por ehémplo omensahea iñamigokuérandi ha avei ostudia. Péro noñatendéiramo, koʼýte peteĩ mbaʼe tekotevẽhápe oñekonsentra porã, amo ipahápe ndojapoporãmoʼãi ni peteĩva.
Ñañekonsentra porã hag̃ua peteĩ mbaʼére tekotevẽ jajejokokuaa. Péro ovale la péna la esfuérso. Peteĩ mitãkuña hérava Grace heʼi voi: “Ahechakuaa ñañekonsentráramo peteĩ mbaʼérente, ha ndajaikói jajapose heta mbaʼe al mísmo tiémpo, saʼive jajavyha ha menove jajestresa”.
EPENSAMÍNA: ¿Ndaikatúipa rentende porã ha nemanduʼa peteĩ mbaʼe restudia vaʼekuére pórke rejapo hína kuri heta mbaʼe restudia aja? (PROVERBIOS 17:24).
REĨ JAVE NEAÑO
Oĩ umi ndovyʼaietereíva oĩ jave haʼeño ha ndoikuaáiva mbaʼépa ojapóta, upémarõ oñepyrũ oipuru iselulár umía ojedistrae hag̃ua. Peteĩ mitãkuña hérava Olivia heʼi: “Ni 15 minúto ndaikatúi apoi che selulár, che távlet térã pe télegui. Ndarekóirõ umía, ensegída ajeavurri”.
Péro añetehápe enterovéva, tahaʼe umi imitãva térã kakuaa, ikatu oipuru pe tiémpo oĩháme haʼeño ojepyʼamongeta hag̃ua. Ha péicha oaprende hetave mbaʼe.
EPENSAMÍNA: ¿Eipuru porãpa pe tiémpo reime jave neaño rejepyʼamongeta hag̃ua? (1 TIMOTEO 4:15).
MBAʼÉPA IKATU REJAPO
EPENSA MBAʼÉICHAPA EIPURU PE TEKNOLOHÍA
¿Mbaʼéichapa ikatu eipuru pe teknolohía eaprende hag̃ua hetave mbaʼe? ¿Mbaʼérepa jaʼekuaa reipuru vaíramo pe teknolohía ikatuha ndedistrae, nepytyvõ rangue reaprende hag̃ua peteĩ mbaʼe?
TÉXTO BÍBLICO: “Eñehaʼãkena siémpre epensa porã la rejapótavare ha esegi nearandu” (PROVERBIOS 3:21).
