Mitãnguéra tekotevẽva oikuaa

GLADYS ombaʼapo peteĩ eskuélape, Mendoza, Argentínape. Peteĩ jey ohasávo cuarto grádo renonde rupi, ohecha pe profesóra oleehína umi mitãme Che lívro omombeʼúva istória oĩva Ñandejára Ñeʼẽme. * Upémarõ Gladys omombeʼu pe profesórape haʼe testigo de Jehovaha ha ohechauka chupe mbaʼéichapa oiporu porãvéta pe lívro oporomboʼe hag̃ua. Oguerohorýgui Gladys heʼíva, pe profesóra oipota ojeporu ko lívro oñemboʼe hag̃ua eskuélape. Péro upearã ojerurevaʼerã permíso. Ha ovyʼaiterei oñemeʼẽvo chupe.

Upe rire katu, og̃uahẽ eskuélape Lívro Ára. Pe profesóra ojerure iñalumnokuérape olee hag̃ua peteĩ kapítulo ikompañerokuéra renondépe. Ko mbaʼe osẽ porãiterei, upévare oñeinvita pe profesórape osẽ hag̃ua télepe. Oñeʼẽvo hikuái mitãnguérare, oñeporandu chupe: “Mbaʼépa nde rejapo ne alumnokuéra ojeporta porãite hag̃ua?” Haʼe heʼi oipytyvõha chupe Che lívro omombeʼúva istória oĩva Ñandejára Ñeʼẽme. Heʼi avei nomboʼeiha rrelihión, péro ko lívro rupive omboʼe chupekuéra iporãha ñamombaʼe ñande rapichakuérape, ñambaʼapo oñondivepa, ñaporopytyvõ, ñaneñeʼẽrendu ha japorohayhu. Enterovénte heʼi mitãnguéra tekotevẽha oikuaa koʼã mbaʼe.

Ndépa remboʼese avei koʼã mbaʼe ne familiakuérape? Upéicharõ rejerurekuaa ko lívro iporãitéva peteĩ testigo de Jehovápe.

[Nóta]