Escuela de Galaad kláse 125

“Pesegíkena Jeremías ehémplo”

“KO ÁÑOPE ojehupyty peteĩ mbaʼe iporãitereíva”. Péicha heʼi Geoffrey Jackson oĩva Cuerpo Gobernántepe umi 6.156 tapicha ijatývape oñemohuʼãvo pe kláse 125. Ko aty ojejapókuri el 13 de septiembre 2008 ha oñemondo 56 misionérope ambue tetãre. Koʼãvare ohasamahína 8.000 misionéro oñemondóva opredika hag̃ua “ko yvy jerekuévo” (Hech. 1:8).

Ermáno Jackson, omoakãva ko aty oporandu chupekuéra: “Pembaʼapótapa ojejerovia hag̃uáicha penderehe? Ha penepytyvõtapa upéva pejapo porã hag̃ua pene rembiapo?” Ha upéi heʼi mbaʼe mbaʼépa oipytyvõta chupekuéra opavave ojeroviave hag̃ua hesekuéra: Ikyreʼỹvaʼerã, omoĩvaʼerã ehémplo iporãva, akóinte oiporuvaʼerã la Biblia oporomboʼe jave ha tapiaite oikuaaukavaʼerã Ñandejára réra.

David Schafer, oipytyvõva Comité de Redacciónpe, ojapo peteĩ diskúrso hérava: “Ikatútapa pejapo porãmba?”. Ermáno Schafer heʼi porã umi misionérope ikatutaha ojapo porã hembiapokuéra iñeʼẽrendúramo Jehová ha pe ‘tembiguái jeroviaha ha iñarandúvape’ (Pro. 28:5; Mat. 24:45).

Upe rire ermáno John E. Barr, oĩva Cuerpo Gobernántepe ojapo peteĩ diskúrso hérava: “Aníkena peheja mbaʼeve penemomombyry Ñandejáragui”. Ermáno Barr oñemoñeʼẽ umi misionérope peteĩ túvaicha ani hag̃ua okyhyje, upéva tuicha ombopyʼaguapy chupekuéra ha ifamíliape. Heʼi avei chupekuéra oñemoag̃ui hag̃ua Ñandejárare, pórke ndaipóri ambue mbaʼe iporãvéva upévagui. Ha añete, avave ndaikatumoʼãi oipeʼa chupekuéra Ñandejára mborayhúgui, ndahaʼéiramo haʼekuéra voi mbaʼe oñemomombyrýva chugui.

Sam Roberson, ombaʼapóva Departamento de Escuelas Teocráticaspe, heʼi umi misionérope “omonde hag̃ua pe ao iporãvéva”. Upéva heʼise ‘oñemondevaʼerãha Jesucrístogui’. Upearã ohesaʼỹijovaʼerã Jesús rekovekue ha osegi iñehémplo (Rom. 13:14). Upe rire William Samuelson, omoakãva Departamento de Escuelas Teocráticas, heʼi iñimportanteveha Ñandejára opensáva ñanderehe ndahaʼeiha yvypóra heʼíva.

Michael Burnett, peteĩ omboʼevaʼekue ko eskuélape ojerure chupekuéra omombeʼu hag̃ua umi mbaʼe ohasavaʼekue predikasiónpe. Haʼekuéra opredika Patterson (Nueva York-pe). Upérupi ningo pyʼỹinte oñesẽ oñemombeʼu pe marandu porã. Upéicharamo jepe heta oĩ otopáva umi ohendu porãva chupekuéra. Upe rire Gerald Grizzle, ombaʼapóva Oficina de Asambleas de Distrítope, oñeʼẽ mbohapy ermánondi ostudiáva pe Escuela para Miembros de Comités de Sucursálpe. Koʼã ermáno heʼíva tuicha oipytyvõ umi misionérope ontende hag̃ua mbaʼe mbaʼépa ojapovaʼerã ohotahápe.

David Splane, ostudiavaʼekue Escuela de Galaad kláse 42-pe ha oĩva koʼág̃a Cuerpo Gobernántepe, ojapo peteĩ diskúrso hérava: “Pesegíkena Jeremías ehémplo”. Jeremías ningo  okyhyjevaʼekue iñepyrũme, upéicharamo jepe Jehová ombopyʼaguasu chupe (Jer. 1:​7, 8). Katuete ningo Jehová oipytyvõta avei umi misionéro pyahúpe ojapo porã hag̃ua hembiapo. Ermáno Splane heʼi chupekuéra: “Pejoavýramo peteĩ ermánondi, peguapy ha pehai peteĩ kuatiáre diez mbaʼe pendegustáva chugui. Ha ndapejuhúiramo diez mbaʼe iporãva hese, upéva heʼise ndapeikuaaporãiha chupe.”

Jeremías ningo oñemeʼẽmbaitevaʼekue Jehová servísiope. Péro peteĩ jey ikaneʼõ ha ndopredikasevéi, upémaramo omombeʼu Jehovápe upe oñandúva ha haʼe oipytyvõ chupe (Jer. 20:11). Ermáno Splane heʼi chupekuéra: “Penekangy jave pemombeʼu Ñandejárape, ha pehecháta mbaʼeichaitépa Haʼe penemombarete jeýta”.

Omohuʼã hag̃ua ko aty, pe ermáno omoakãva omomanduʼa opavavépe, umi misionéro oaprende hague mbaʼe mbaʼépa ojapovaʼerã ojejeroviave hag̃ua hesekuéra. Ha upéva katuete oipytyvõta chupekuéra ojapo porã hag̃ua hembiapo (Isa. 43:​8-12).

[Rrekuádro oĩva páhina 22-pe]

JAIKUAAVEMI CHUPEKUÉRA

Ou hikuái 6 tetãgui

Oñemondo 21 tetãme

Oĩ hikuái 56

Oreko hikuái 32,9 áño rupi

Ojapo 17,4 áño rupi ojevautisa hague hikuái

Ojapo 13 áño rupi oĩ hague hikuái tiémpo komplétope

[Nóta oĩva taʼanga ndive páhina 23]

Escuela Bíblica de Galaad de la Watchtower kláse 125

Reikuaa hag̃ua herakuéra eñepyrũ ehecha tenondéguio ha de iskiérda a derécha.

1) Hodgson, A.; Wall, A.; Beerens, K.; Hortelano, M.; Newman, L.; De Caso, A. 2) Jenkins, J.; Jarzemski, T.; Méndez, N.; Corona, V.; Canalita, L. 3) Fryer, H.; Savage, M.; Tidwell, K.; Erickson, N.; Dyck, E.; McBeath, R. 4) Perez, L.; Puse, L.; Skidmore, A.; Young, B.; McBride, N.; Rondón, P.; Goodman, E. 5) Beerens, M.; Ferguson, J.; Pearson, N.; Chapman, L.; Wardle, J.; Canalita, M. 6) Perez, P.; De Caso, D.; Young, T.; Rondón, D.; Goodman, G.; Jenkins, M.; Dyck, G. 7) Corona, M.; Wall, R.; Puse, S.; Méndez, F.; Jarzemski, S.; Savage, T. 8) Newman, C.; Ferguson, D.; Skidmore, D.; Erickson, T.; McBride, J.; Pearson, M.; Chapman, M. 9) Hodgson, K.; Wardle, A.; McBeath, A.; Tidwell, T.; Fryer, J.; Hortelano, J.